Rajesh Kumar: चांगला चाललेला अभिनय सोडून शेतीकडे वळला, अल्पावधीतच कंगाल झाला; अभिनेत्याने कमावलेलं सगळं गमावलं

Rajesh Kumar quit acting for farming: राजेश कुमार यांच्यावर एकेकाळी जवळपास 2 कोटी रुपयांचे कर्ज होते.

Rajesh Kumar 2 crore debt comeback story

Rajesh Kumar 2 crore debt comeback story: टीव्ही विश्वात आपल्या विनोदी भूमिकांसाठी ओळखले जाणारे कलाकार राजेश कुमार याची स्टोरी एखाद्या सिनेमापेक्षा कमी नाही. 'साराभाई व्हर्सेस साराभाई'मध्ये त्यानं रोशेशची भूमिका साकारुन प्रसिद्धी मिळवली होती. परंतु, त्याच्या खऱ्या आयुष्यातील स्ट्रगल सोपा नव्हता.

राजेश कुमार यानं स्वत:च उघड केले होते की, एकेकाळी त्याच्यावर जवळपास 2 कोटी रुपयांचे कर्ज होते. परिस्थिती इतकी बिकट झाली होती की, त्याच्या खात्यात केवळ 2,500 रुपये शिल्लक होते.

राजेशनं एकेकाळी स्वत:ला सिनेमांपासून दूर केलं होतं. तो बिहारमधील आपल्या गावी परतला. त्यानं ऑर्गेनिक शेती करण्यास सुरुवात केली. नवीन व्यवसाय उभा करण्याचा प्रयत्न केला.

पण हा मार्ग सोपा नव्हता. नैसर्गिक आपत्तीमुळे त्याच्या पिकांचे नुकसान झाले होते. 2019 ते 2022 या काळात तो अभिनयापासून दूर राहिला.

त्यानं हार नाही मानली. आपल्या शेतीची कल्पना पुढे नेण्यासाठी त्यानं 'शार्क टँक इंडिया'मध्येही भाग घेतला होता. पहिल्या दोन फेरीत तो यशस्वी झाला. पण शेवटच्या राऊंडमध्ये ते रिजेक्ट झाले होते.

अभिनेत्याला बहि‍णींची मदत मिळाली. राजेशने मुलाखतीत सांगितलं की, बहिणींना या अमेरिका आणि फिनलँडमध्ये चांगल्या नोकऱ्या होत्या. पण त्याला मदत करण्यासाठी त्यांनी सर्व काही सोडले, तसेच ते भारतात आले.

हळूहळू परिस्थिती बदलू लागली. राजेशनं पुन्हा सिनेसृष्टीत पाऊल ठेवलं. 'कोटा फॅक्ट्री' सारख्या प्रोजेक्ट्समध्ये काम केलं. कमबॅकमुळे त्याची आर्थिक स्थिती सुधारली. तो आपल्या कर्जाचा मोठा भाग फेडू शकला. तो शेवटी 'मन्नू क्या करेगा' आणि 'निशांची' या अॅक्शन ड्रामा सिनेमात दिसला होता.

पडद्यावर सर्वांना हसवणाऱ्या राजेशची कहाणी इतकी दु:खद असेल, याची कुणी कल्पनाही केली नव्हती. अडचणी असूनही त्यानं कधी हार नाही मानली.