79 ऑडिशन्समध्ये फेल, पण आता 9 वर्षांनी नशीब चमकलं, कष्टाचं फळ मिळालं; बॉलिवूडमध्ये आणखी एका स्टारकीडची दणक्यात एन्ट्री

Yashvardhan Ahuja Debut: बॉलिवूडचा सुपरस्टार गोविंदा गेल्या काही दिवसांपासून पत्नीसोबतच्या घटस्फोटाच्या अफवांमुळे चर्चेत आहे. अशातच आणखी एका वेगळ्या कारणानं गोविंदा चर्चेत आला आहे.

Bollywood Superstar Govinda Son Yashvardhan Ahuja Debut

सुपरस्टार गोविंदाचा मुलगा बॉलिवूडमध्ये प्रवेश करण्यासाठी सज्ज आहे. 9 वर्षांच्या कठोर परिश्रमानंतर या स्टारकिडला बॉलिवूडमध्ये पदार्पणाची संधी मिळाली आहे.

अनेकजण स्टारकीड्सना सगळं आयतं मिळतं, वैगरे वैगरे म्हणत ट्रोल करत असतात. पण, गोविंदाचा मुलगा मात्र त्याला अपवाद ठरला आहे.

तब्बल 9 वर्षांच्या कठोर परिश्रमानंतर गोविंदाच्या मुलाला पदार्पणाची संधी मिळाली आहे. 9 वर्षांत गोविंदाच्या मुलानं तब्बल 79 ऑडिशन्स दिले, पण त्याला सगळीकडून नकार मिळाला. अखेर त्याचं नशीब चमकलं असून लवकरच तो बॉलिवूडमध्ये पदार्पण करणार आहे.

गोविंदाचा मुलगा यशवर्धन अहुजाच्या डेब्यू चित्रपटाची चाहते आतुरतेनं वाट पाहत होते. 9 वर्षांच्या मेहनतीनंतर यशवर्धनला त्याचा पहिला चित्रपट मिळाला आहे.

गोविंदा हा बॉलिवूडचा स्टार आहे. त्यानं आजवर अनेक उत्तम चित्रपटांमध्ये काम केलं आहे. पण त्याच्यासारखी, त्याची मुलं स्टार बनू शकलेली नाहीत. 9 वर्षांच्या मेहनतीनंतर, गोविंदाच्या मुलाला त्याला हवी तशी भूमिका मिळाली आहे.

यशवर्धनने एका मुलाखतीत बोलताना त्याच्या बॉलिवूड डेब्यूबाबत खुलासा केला आहे. तो म्हणाला की, तो गेल्या 9 वर्षांपासून ऑडिशन देत आहे. पण प्रत्येक वेळी त्याच्या पदरी नकारच मिळाला.

यशवर्धननं टाईम्स इंटरनेटशी बोलताना त्याच्या पदार्पणाच्या चित्रपटाबद्दल सांगितलं. सुपरस्टारनं यशवर्धनला काय सल्ला दिला, हे देखील त्यानं सांगितलं आहे.

यशवर्धन म्हणाला की, माझ्या वडिलांनी कधीही ऑनस्क्रीन शिव्या दिलेल्या नाहीत. त्यानं मला फक्त चित्रपटांमध्ये शिव्या देऊ नकोस, असा सल्ला दिला आहे.

यशवर्धन पुढे म्हणाला की, त्यानं 100 वेळा ऑडिशन दिलं आणि त्यानंतरच त्याला ब्रेक मिळाला. मला 79 वेळा ऑडिशनमध्ये नाकारण्यात आलं आहे. मी 9 वर्षांपासून तयारी करत होतो.

आपल्या वडिलांबद्दल बोलताना यशवर्धन म्हणाला की, प्रत्येकाचा स्वतःचा प्रवास असतो. मी त्यांना कधीही स्क्रिप्ट पाठ करताना पाहिलं नाही. त्यांची स्मरणशक्ती खूप भारी आहे. त्यांचं टायमिंग एकदम सही आहे.

यशवर्धन पुढे म्हणाला की, डान्स आणि कॉमिक टायमिंगमध्ये त्यांना कोणीही हरवू शकत नाही. त्यांना पाहून मी खूप काही शिकलो आहे.

यशवर्धन नॅशनल अवॉर्ड विनर साई राजेश यांच्या चित्रपटातून पदार्पण करणार आहे. त्यानं चित्रपटावर कामही सुरू केलं आहे.