PHOTO : कुणीतरी येणार गं... ‘हंगामा 2’च्या अभिनेत्रीनेही दिली ‘गुडन्यूज’!

Pranitha Subhash

‘हंगामा 2’ फेम अभिनेत्री प्रणिता सुभाष लवकरच आई होणार आहे. सोशल मिडीयावर खास फोटो शेअर करत अभिनेत्रीने ही आनंदाची बातमी चाहत्यांसोबत शेअर केली आहे.

अभिनेत्री प्रणिता सुभाषने पती नितीनसोबतचे खास फोटो इंस्टाग्रामवर शेअर केले आहेत, ज्यामध्ये ती त्याच्यासोबत रोमँटिक अंदाजात दिसत आहे. फोटोंमध्ये, अभिनेत्रीच्या चेहऱ्यावर आई होण्याची चमक आणि आनंद स्पष्टपणे दिसत आहे.

अभिनेत्री प्रणिता सुभाषने तिच्या पतीच्या 34व्या वाढदिवसानिमित्त ही खास गोड बातमी शेअर केली आहे. आज नितीन, अभिनेत्री प्रणिता सुभाषचा पती त्याचा 34वा वाढदिवस साजरा करत आहे. मात्र, अभिनेत्रीची या गुड न्यूजने त्याचा आनंद द्विगुणित केला आहे.

प्रणिताने पतीसोबतचे फोटो शेअर करताना एक क्युट कॅप्शनही लिहिले आहे. 'माझ्या पतीच्या 34व्या वाढदिवसानिमित्त...देवदूतांनी आमच्यासाठी एक गिफ्ट पाठवले आहे.', असे तिने लिहिले आहे.

प्रणिताने गेल्या वर्षी 30 मे 2021 रोजी बेंगळुरूस्थित बिझनेसमन नितीन राजू यांच्याशी लग्न केले होते आणि तिने 1 जून रोजी सोशल मीडियाच्या माध्यमातून चाहत्यांना तिच्या लग्नाची माहिती दिली होती. एका खाजगी समारंभात त्यांचे लग्न झाले होते.

प्रणिता सुभाषच्या करिअरबद्दल बोलायचे झाले, तर तिने तेलुगूमध्ये 'बावा' (2010) या चित्रपटातून पदार्पण केले. यामधून तिला खूप प्रसिद्धी मिळाली. नंतर ती 2013 मध्ये रिलीज झालेल्या तेलुगु फिल्म ‘अत्तारिंटिकी दरेडी’ आणि ‘ब्रह्मोत्सवम’सारख्या चित्रपटांमध्ये काम करताना दिसली होती. (Photo : @pranitha.insta/IG)