पती-पत्नी और वो... गुडियानं प्रियकर मोनूला हाताशी धरत नवऱ्याचा काटा काढला, दृश्यम स्टाईल मर्डरचा उलगडा

ही घटना अंदाजे पंधरा दिवसांपूर्वी घडली असून, मृतदेह घरातच गुपचूप पुरून त्यावर टाईल्स बसवण्यात आल्या. विशेष म्हणजे मृताच्या भावाकडूनच टाईल्स लावून घेतल्या गेल्याचे समोर आले आहे.

mumbai Crime

नालासोपाऱ्यात पत्नीने बॉयफ्रेंडच्या मदतीने पतीची हत्या करून दृश्यम स्टाईलमध्ये मृतदेह घरातच पुरल्याची थरारक घटना घडली आहे .

पती पत्नी और वो ! प्रेमाचा हा त्रिकोणच ठरलाय या धक्कादायक क्राईम स्टोरी चा 'द एंड' पती-पत्नीच्या पवित्र नात्याचाच पत्नीने घात केला .

पतीचा विश्वासघात करून तिसऱ्याच्या प्रेमात वेड्या झालेल्या गुडियाने मागचा पुढचा कसलाच विचार न करता पतीला संपवलं .तिच्या प्रियकराने हे या सगळ्यात तिला मदत केली .

गुडिया चव्हाण आणि मोनू विश्वकर्मा या दोघांनी मिळून पती विजय चव्हाणचा काटा काढला .

नालासोपाऱ्यातील गडगापाडा परिसरातील साई वेल्फेअर सोसायटीच्या चाळीत हा सगळा प्रकार घडला .

आपल्या पत्नीचे बाहेर कुठेतरी प्रकरण असल्याचा साधा संशयही पती विजय चव्हाणला नव्हता .

पण प्रेम संबंधात अडकली येऊ नये म्हणून गुडिया आणि मोनूने विजय चा बंदोबस्त करायचं ठरवलं .

पतीची हत्या करून पत्नीने घरातच मृतदेह पुरला . कुणाला काही कळायला नको म्हणून त्यावर टाइल्स लावल्या .

गुडिया चोहणाच्या एका मेसेज मुळे पोलिसांना या घटनेचा संशय आला .पंधरा दिवसांपूर्वी घडलेल्या या दृश्यम स्टाईल हत्येचा उलगडा झाला .