World’s Billionaires List 2021: फोर्ब्सकडून जगातील सर्वात श्रीमंत लोकांची यादी जाहीर, पहा कोण कितव्या स्थानी

संपादित छायाचित्र

सन 2021 साठी फोर्ब्सने जगातील सर्वात श्रीमंत व्यक्तींची यादी जारी केली आहे. या यादीनुसार जगभरात कोरोनाच्या महामारीनंतरही हे वर्ष अब्जाधीशांसाठी विशेष राहीलं आहे. यावर्षी जगातील सर्वात श्रीमंत व्यक्तींच्या संपत्तीत 5 ट्रिलियन डॉलर्सची वाढ झाली आहे. फोर्ब्सच्या मते, यावर्षी क्रिप्टोकरन्सी आणि स्टॉकच्या किंमती गगनाला भिडल्या आहेत. यामुळे, फोर्ब्स 35 व्या यादीत जगातील सर्वात श्रीमंत लोकांची यादी वाढली आहे. मागील वर्ष 2020 च्या यादीतील 8 ट्रिलियन डॉलरमध्ये 5 ट्रिलियन वाढ झाली आहे, जी यावर्षी एकूण 13.1 ट्रिलियन डॉलर्स इतकी आहे. यावर्षी, फोर्ब्सच्या अब्जाधीशांच्या यादीमध्ये 493 नवीन लोक दाखल झाले आहेत.

अ‍ॅमेझॉनचे संस्थापक आणि मुख्य कार्यकारी अधिकारी जेफ बेजोस सलग चौथ्या वर्षी फोर्ब्सच्या अब्जाधीशांच्या यादीत जगातील सर्वात श्रीमंत व्यक्ती ठरले आहेत. यादीनुसार, जेफ बेजोस यांची संपत्ती 177 अब्ज डॉलर्स आहे. अ‍ॅमेझॉनच्या शेअरमध्ये वाढ झाल्याने त्यांच्या संपत्तीत वाढ झाली आहे. एका वर्षापूर्वी त्यांची एकूण मालमत्ता 64 अब्ज डॉलर्स होती.