SIP Calculator : दैनंदिन, मासिक किंवा तिमाही, कोणत्या एसआयपीतून दमदार रिटर्न मिळतो, जाणून घ्या समीकरण

SIP : भारतात मुच्युअल फंडमध्ये एसआयपीद्वारे गुंतवणूक करणाऱ्यांची संख्या मोठ्या प्रमाणावर वाढली आहे. दैनंदिन, मासिक अथवा तिमाही एसआयपी फायदेशीर ठरते हे जाणून घेणार आहोत.

एसआयपी

भारतात शेअर बाजारात मुच्युअल फंडमध्ये एसआयपीद्वारे गुंतवणूक करणाऱ्यांची संख्या गेल्या काही वर्षांमध्ये मोठ्या प्रमाणात वाढली आहे. बुहतांश गुंतवणूकदार दरमहा एसआयपीद्वारे ठराविक रक्कम म्युच्युअल फंडमध्ये गुंतवत असतात.

अनेकांना दैनंदिन एसआयपी, मासिक एसआयपी किंवा तिमाहीतून एकदा अशा प्रकारे एसआयपी केल्यास अधिक फायदा मिळेल का असा प्रश्न आहे. अनेकांना यातून अधिक परतावा मिळेल, असं वाटतं. मात्र, तुमचे पैसे वाढण्यास अधिक कालावधी लागतो. यात दीर्घ काळात फार फडत नाही.

मनीकंट्रोलच्या वृत्तानुसार निफ्टी 50 निर्देशांकात 15 वर्षांसाठी गुंतवणूक 1 डिसेंबर 2010 पासून पकडल्यास 1 डिसेंबर 2025 ला 15 वर्षे पूर्ण होतात.दैनंदिन एसआयपी 1000 पकडल्यास 15 वर्षात 3719 वेळा रक्कम गुंतवावी लागते.

मासिक एसआयपीचा विचार केल्यास 20547 रुपयांची गुंतवणूक 181 हप्त्यांमध्ये करावी लागली. तर तिमाहीचा विचार केल्यास 61 वेळा 60967 रुपयांचा तिमाही हप्ता भरावा लागला. या तीन उदाहरणांमध्ये गुंतवणूक करण्यात आलेली रक्कम समान आहे. म्हणजेच गुंतवणूक 37.19 लाख रुपये होते.

15 वर्षानंतर 13.83 वार्षिक XIRR नुसार दैनंदिन गुंतवणूक रक्कमेचं सध्याचं मूल्य 1.15 कोटी रुपये होतं. मासिक एसआयपीचं 13.80 XIPR नुसार 1.14 कोटी रुपये होतं. तर, तिमाही एसआयपीचं मूल्य 1.15 कोटी इतकं होतं.

एसआयपीच्या वरील उदाहरणावरुन हे स्पष्ट होतं की गुंतवणुकीतील कालावधी वेगळा असला तरी दीर्घकालीन गुंतवणुकीचा विचार करता तेव्हा रिटर्नमध्ये फार पडत नाही. एसआयपीत दीर्घकाळ गुंतवणूक कालावधीत कम्पाऊडिंगचा लाभ किती मिळतो आणि मार्केटची कामगिरी कशी असते यावर अवंबून असतो. मासिक एसआयपीचा पर्याय सर्वांसाठी चागंला मानला जातो. तज्ज्ञांच्या मते दीर्घकालीन गुंतवणूक एसआयपीमध्ये फायदेशीर ठरते.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)