Multibagger Stock : पाच वर्षात 70 रुपयांचा मल्टीबॅगर स्टॉक 1700 रुपयांवर पोहोचला, गुंतवणूकदारांना 2200 टक्के रिटर्न, जाणून घ्या

Multibagger Stock : संरक्षण क्षेत्रातील या स्टॉकनं गेल्या पाच वर्षात दमदार रिटर्न दिले आहेत. गेल्या एका महिन्यात झेन टेक्नॉलॉजीजच्या शेअरमध्ये 30 टक्के तेजी आली आहे.

मल्टीबॅगर स्टॉक

झेन टेक्नोलॉजीज या संरक्षण क्षेत्रातील खासगी स्टॉकनं गुंतवणूकदारांना दमदार रिटर्न दिले आहेत. गेल्या पाच वर्षात हा स्टॉक गुंतवणूकदारांसाठी वेल्थ क्रिएटर ठरला आहे.

गेल्या पाच वर्षात हा स्टॉक 70 रुपयांवरुन 1700 रुपयांवर पोहोचला आहे. मंगळवारी या कंपनीचा शेअर 1755 रुपयांपर्यंत पोहोचला होता. गेल्या पाच वर्षात 2200 टक्क्यांहून अधिक रिटर्न देणाऱ्या स्टॉकला तोफा बनवण्याचं कंत्राट मिळालं आहे.

झेन टेक्नोलॉजीजचा शेअर 2020 मध्ये 25 ते 26 रुपयांवर होता. आता तोच शेअर 1750 रुपयांपर्यंत पोहोचला आहे. म्हणजेच या स्टॉकनं आतापर्यंत गुंतवणूकदारांना 3000 टक्के रिटर्न दिला आहे. गेल्या एका महिन्यात या स्टॉकमध्ये 30 टक्के तेजी दिसून आली आहे.

झेन टेक्नोलॉजीज संरक्षण ट्रेनिंग सिमुलेशन आणि अँटी ड्रोन सिस्टीममध्ये कार्यरत आहे. भारत सरकारच्या मेक इन इंडिया आणि आत्मनिर्भर भारताच्या धोरणाचा कंपनीला फायदा मिळाला आहे.

झेन टेक्नोलॉजीजने 170 हून अधिक पेटेंटसाठी फाईल केलं आहे. एआय डेव्हलपमेंट सेंटर द्वारे कंपनी नव्या तंत्रज्ञानावर काम करत आहे. कंपनीला आर्थिक वर्ष 2025- 26 च्या तिसऱ्या तिमाहीत 817 कोटींची कामं मिळाली होती. त्यातील बहुतांश कंत्राटं अँटी ड्रोन सिस्टीमची होती.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)