Gold Rate : व्हॅलेंटाईन डे दिवशी सोनं चांदीमध्ये तेजी,10 ग्रॅम सोनं खरेदीसाठी किती रुपये द्यावे लागणार?

Gold Rate : गेल्या काही दिवसांपासून सोने अन् चांदीच्या दरात वाढ सुरुच आहे. सोन्याच्या दरातील वाढीमुळं गुंतवणूकदारांना दिलासा मिळाला आहे.

आजचा सोन्याचा दर

सोने दरात आज देखील वाढ झाली आहे. एमसीएक्सवर सोन्याचे दर 341 रुपयांनी वाढले आहेत. 10 ग्रॅम सोन्याचा दर 86089 रुपये इतका आहे. तर, चांदीच्या दरात देखील मोठी वाढ झाली आहे.

चांदीच्या दरात 1945 रुपयांची वाढ होऊन एक किलो चांदी 97494 रुपयांवर पोहोचली आहे. हे दर इंडिया बुलियन अँड ज्वेलर्स असोसिएशननं जारी केले आहेत. या दरांमध्ये जीएसटी शुल्कासह या दरामध्ये 1 ते 2 हजार अधिक द्यावे लागू शकतात.

सोने आणि चांदीच्या दराच्या शर्यतीत चांदी पुढं गेली आहे. या वर्षी सोनं 10349 रुपयांनी महागलं आहे. तर, चांदी 11417 रुपयांनी वाढली आहे.

आयबीजेएनं जारी केलेल्या दरांनुसार 23 कॅरेट सोन्याचे दर 339 रुपयांनी वाढून 85744 रुपयांवर पोहोचले आहेत. 22 कॅरेट सोन्याचे दर 313 रुपयांनी वाढून 78858 रुपयांवर पोहोचले आहेत.

सोन्याचे दर 2025 मध्ये 10 हजारांनी वाढलेत तर फेब्रुवारी महिन्यात सोन्याच्या दरात साधारणपणे 3 हजारांपेक्षा अधिक रुपये वाढले आहेत.

शेअर बाजारातील घसरणीमुळं गुंतवणूकदारांनी सुरक्षित पर्याय म्हणून सोने खरेदीला प्राधान्य दिलं आहे.