Pandharpur: घे कुशीत गा माऊली! पंढरपुरात विठुरायाचे झटपट होणार दर्शन, आजपासून टोकन दर्शन सुरू, भाविकांची मोठी गर्दी

Pandharpur: पंढरपुरात आज सकाळी दहा वाजता याचे उद्घाटन होणार असून दिवसभरात सहा स्लॉटमध्ये बाराशे भाविकांना हे आरामदायी आणि झटपट दर्शन मिळू शकणार आहे.

Maharashtra Pandharpur Solapur marathi news lord Vitthal darshan immediately in Pandharpur token darshan starts from today

विठुरायाच्या भक्तांना सुलभ आणि जलद दर्शन मिळावे यासाठी मुख्यमंत्र्यांच्या कल्पनेनुसार पंढरपुरात आजपासून तिरुपती देवस्थानाप्रमाणे टोकन दर्शन व्यवस्थेला सुरुवात होत आहे.

आज सकाळी दहा वाजता याचे उद्घाटन होणार असून आज दिवसभरात सहा स्लॉटमध्ये बाराशे भाविकांना हे आरामदायी आणि झटपट दर्शन मिळू शकणार आहे. शनिवारी मंदिर समितीने जाहीर केल्यानंतर अल्पावधीतच देशभरातील भाविकांनी बुकिंग करीत सर्व टोकन घेतल्याने आता हे भाविक पंढरपूरला जमा होण्यास सुरुवात झाली आहे.

या व्यवस्थेचे उद्घाटन सकाळी दहा वाजता व्हायचे असले तरी पुणे सोलापूर बंगळूरू अशा विविध ठिकाणाहून आलेले भाविक सकाळी सात पासूनच आपले पैसे घेऊन या ठिकाणी आलेले आहेत

विठ्ठल भक्तांना तासन्तास दर्शन रांगेत थांबावं लागू नये यासाठी तिरुपतीच्या धर्तीवर पंढरपूरमध्ये टोकन दर्शन व्यवस्था आजपासून सुरू होतेय..

सकाळी दहा वाजता दर्शन मंडपातून मंदिर समितीचे सहअध्यक्ष गहिनीनाथ महाराज औसेकर आणि इतर मान्यवरांच्या उपस्थितीत पहिल्या स्लॉटमधील दोनशे भाविकांना टोकन पाहून दर्शनासाठी सोडलं जाणार आहे.

या टोकन दर्शनामुळे भाविकांना तासाभरात देवाचं दर्शन होणार आहे. www.vitthalrukminimandir.org या संकेतस्थळावरून बुकींग सुरू झालंय..

विठ्ठल मंदिराच्या इतिहासात पहिल्यांदाच ही व्यवस्था लागू होत आहे