साताऱ्यात पाळीव जनावरांसाठी राज्यातील पहिलं ब्युटी पार्लर, थेट शॉवर आणि स्वच्छतेची सोय

या ब्युटी पार्लरमध्ये जनावरांसाठी शॉवर आणि स्वच्छतेची सोय तसेच केस काढण्याची सुविधा एकाच ठिकाणी उपलब्ध करून देण्यात आली आहे

First Beauty Parlor for Pets

साताऱ्यातील पाटण तालुक्यातील 'माण्याची वाडी' या गावात पाळीव जनावरांसाठी राज्यातील पहिले ब्युटी पार्लर म्हणजेच अत्याधुनिक स्नानगृह सुरू करण्यात आले आहे.

याआधी ग्रामस्थ आपल्या जनावरांना धुण्यासाठी नदी किंवा ओढ्याच्या वाहत्या पाण्यावर घेऊन जायचे, ज्यामुळे जलप्रदूषण होत असे. हे प्रदूषण रोखण्यासाठी आणि पर्यावरणाचा समतोल राखण्यासाठी या पार्लरची निर्मिती करण्यात आली आहे

या ब्युटी पार्लरमध्ये जनावरांसाठी शॉवर आणि स्वच्छतेची सोय तसेच केस काढण्याची सुविधा एकाच ठिकाणी उपलब्ध करून देण्यात आली आहे.

विशेष म्हणजे, जनावरांच्या आंघोळीचे पाणी वाया न घालवता त्या पाण्यावर प्रक्रिया करून ते परसबागेसाठी (बागेसाठी) वापरले जाते

येथे घनकचरा आणि सांडपाण्याचेही योग्य व्यवस्थापन करण्यात आले आहे

उन्हाळ्याच्या दिवसांत उष्णतेमुळे आणि पाण्याच्या कमतरतेमुळे जनावरांना 'लाळ येणे' यांसारखे आजार होतात. या उपक्रमामुळे जनावरांची अतिशय उत्तम प्रकारे निगा राखली जाऊन शेतकऱ्यांचाही फायदा होणार आहे

हा नाविन्यपूर्ण उपक्रम ग्रामपंचायत आणि गावातील लोकवर्गणीतून उभा राहिला आहे

माण्याची वाडी हे गाव नेहमीच अशा उपक्रमांसाठी ओळखले जात असून, या गावाने आतापर्यंत 82 विविध पुरस्कार पटकावले आहेत