China News: चीनचे अध्यक्ष शी जिनपिंग नजरकैदेत? सोशल मीडियावर अफवांना पेव, नेमकं काय घडलंय...
Xi Jinping House Arrest Rumor: चीनमधून (China) राष्ट्राध्यक्ष शी जिनपिंग (President Xi Jinping) यांच्याबाबत काही धक्कादायक माहिती समोर येत आहे. अर्थातच ही माहिती अफवा असल्याचं देखील बोललं जातं आहे.
Xi Jinping House Arrest Rumor: चीनमधून (China) राष्ट्राध्यक्ष शी जिनपिंग (President Xi Jinping) यांच्याबाबत काही धक्कादायक माहिती समोर येत आहे. अर्थातच ही माहिती अफवा असल्याचं देखील बोललं जातं आहे. चीनचे राष्ट्राध्यक्ष शी जिनपिंग यांना नजरकैदेत ठेवण्यात आल्याबाबत या अफवा आहेत. चिनी प्रसारमाध्यमांनी या वृत्तांना दुजोरा दिला नसला तरी चीनच्या काही हँडल्सवरून केलेल्या ट्विट्समध्ये दावा करण्यात आला आहे की, राष्ट्राध्यक्ष शी जिनपिंग यांना पीपल्स लिबरेशन आर्मीने (पीएलए) नजरकैदेत ठेवले आहे.
यासंदर्भात भाजप नेते सुब्रमण्यम स्वामी यांनी देखील ट्वीट केलं आहे. त्यांनी म्हटलं आहे की, "या अफवांची चौकशी व्हायला हवी. शी जिंगपिंग बीजिंगमध्ये नजरकैदेत आहेत का? शी जिनपिंग नुकतेच समरकंदमध्ये होते, तेव्हा चिनी कम्युनिस्ट पक्षाच्या नेत्यांनी शी यांना पक्षाच्या लष्कराच्या प्रभारीपदावरून काढून टाकल्याचे मानले जात होते. त्यानंतर नजरकैदेची घटना घडली. अफवा उडतच असतात." असं स्वामी यांनी म्हटलं आहे.
New rumour to be checked out: Is Xi jingping under house arrest in Beijing ? When Xi was in Samarkand recently, the leaders of the Chinese Communist Party were supposed to have removed Xi from the Party’s in-charge of Army. Then House arrest followed. So goes the rumour.
— Subramanian Swamy (@Swamy39) September 24, 2022
जेनिफर झेंग या चिनी मानवाधिकार कार्यकर्त्याने तिच्या ट्विटर हँडलवर एक व्हिडिओ पोस्ट केला असून त्यात दावा केला आहे की पीएलए बीजिंगकडे जात आहे. जेनिफर झेंग यांनी ट्विटरवर लिहिले की, "22 सप्टेंबर रोजी पीएलएची लष्करी वाहने बीजिंगकडे जाताना दिसत आहेत. बी दरम्यान, अफवा पसरली आहे की सीसीपी वरिष्ठांना हटवल्यानंतर शी जिंगपिंग यांना अटक करण्यात आली आहे. त्याला पीएलएच्या प्रमुख पदावरून हटवण्यात आलं आहे, असं जेनिफर यांनी म्हटलं आहे.
#PLA military vehicles heading to #Beijing on Sep 22. Starting from Huanlai County near Beijing & ending in Zhangjiakou City, Hebei Province, entire procession as long as 80 KM. Meanwhile, rumor has it that #XiJinping was under arrest after #CCP seniors removed him as head of PLA pic.twitter.com/hODcknQMhE
— Jennifer Zeng 曾錚 (@jenniferatntd) September 23, 2022
चिनी लेखक गॉर्डन चांग यांचंही ट्वीट
चिनी लेखक गॉर्डन चांग यांनी झेंगचा व्हिडिओ रीट्विट करत म्हटलं आहे की, "बीजिंगला जाणाऱ्या लष्करी वाहनांचा हा व्हिडिओ देशातील 59% उड्डाणे आणि वरिष्ठ अधिकार्‍यांच्या तुरुंगात बंद झाल्यानंतर काही वेळातच समोर आला आहे. म्हणजे CCP मध्ये कुठेतरी गडबड झाली आहे."
This video of military vehicles moving to #Beijing comes immediately after the grounding of 59% of the flights in the country and the jailings of senior officials. There’s a lot of smoke, which means there is a fire somewhere inside the #CCP. #China is unstable. https://t.co/hSUS3210GR
— Gordon G. Chang (@GordonGChang) September 24, 2022
हे वृत्त मिळालेल्या माहितीच्या आधारे देत आहोत. एबीपी माझा या वृत्ताला दुजोरा देत नाही.
महत्त्वाच्या बातम्या
ट्रेंडिंग न्यूज
