Sri Lanka Crisis : श्रीलंकेचे राष्ट्रपती गोटाबाया राजपक्षेंचं देशातून पलायन, पत्नी आणि 2 सुरक्षारक्षकांसह मालदीवला गेल्याची माहिती

Sri Lanka Crisis :सुत्रांच्या माहितीनुसार, अटकेच्या भीतीने श्रीलंकेचे राष्ट्राध्यक्ष गोटाबाया राजपक्षे यांनी देश सोडला आहे. ते लष्करी विमानात बसून शेजारच्या देशात रवाना झाल्याचं सांगण्यात येत आहे.

SRI LANKA CRISIS PRESIDENT GOTABAYA RAJAPAKSA

Sri Lanka Crisis : श्रीलंकेत (Sri Lanka) सुरू असलेल्या संकटादरम्यान राष्ट्रपती गोटाबाया राजपक्षे (Sri Lanka Economic Crisis) यांनी त्यांचे अध्यक्षीय निवासस्थान सोडले?, हा सर्वात मोठा प्रश्न निर्माण झाला होता. श्रीलंकेतील एका स्थानिक मीडिया हाऊसनुसार, राष्ट्रपती गोटाबाया राजपक्षे  (President Gotabaya Rajapakse)  5 जुलैपासून बेपत्ता असल्याचे सांगण्यात येत आहे. दरम्यान, एएफपी या वृत्तसंस्थेने श्रीलंकेचे राष्ट्रपती गोटाबाया राजपक्षे मालदीवसाठी रवाना झाल्याच्या वृत्ताला दुजोरा दिला आहे. श्रीलंकेतील संकटादरम्यान देश सोडण्याचा प्रयत्न करणारे राष्ट्रपती गोटाबाया राजपक्षे यांना प्रथम विमानतळावरून उड्डाण करायचे होते, परंतु तेथे झालेल्या संघर्षानंतर ते मंगळवारी पळून जाण्यासाठी नौदलाचे गस्ती जहाज वापरण्याचा विचार करत होते. एएफपीच्या अधिकृत सूत्रांनी मंगळवारी ही माहिती दिली होती. 

 

 

Sri Lankan President Gotabaya Rajapaksa flies out of the country, reports AFP News Agency quoting officials

(File Pic) pic.twitter.com/vb7LLlTJTk

— ANI (@ANI) July 12, 2022

गोटाबाया राजपक्षे देश सोडून पळून गेले

एएफपीनुसार, असा दावा केला जात आहे की, स्थानिक अधिकार्‍यांकडून मिळालेल्या माहितीनुसार, श्रीलंकेचे राष्ट्रपती गोटाबाया राजपक्षे यांनी आज पहाटे लष्करी विमानातून देशातून उड्डाण केले. राष्ट्राध्यक्ष गोटाबाया राजपक्षे यांनी त्यांच्या विरोधात मोठ्या प्रमाणात निदर्शने केल्यानंतर शेजारील देश मालदीव सोडल्याचा दावा एएफपीच्या अहवालात करण्यात आला आहे.

अटकेच्या भीतीने देश सोडला

श्रीलंकेतील निदर्शनांमुळे राष्ट्रपती गोटाबाया राजपक्षे यांना अटक होण्याची भीती होती, असे सांगण्यात येत आहे. अशा परिस्थितीत ते राष्ट्रपती म्हणून देशाबाहेर जाण्याचा प्रयत्न करत होते. कारण राजपक्षे यांना राष्ट्रपती म्हणून अटकेतून सूट देण्यात आली आहे. त्यामुळेच अटक होण्याची शक्यता टाळण्यासाठी त्यांना पद सोडण्यापूर्वी परदेशात जायचे होते.

मालदीव मध्ये आश्रय

एएफपीचे म्हणणे आहे की इमिग्रेशन अधिकार्‍यांनी माहिती दिली आहे की, श्रीलंकेचे अध्यक्ष गोटाबाया राजपक्षे बुधवारी पहाटे लष्कराच्या अँटोनोव्ह-32 विमानातून मालदीवला रवाना झाले आहेत. इमिग्रेशन अधिकाऱ्यांनी सांगितले की अँटोनोव्ह-32 विमानात गोटाबाया राजपक्षे, त्यांची पत्नी आणि एक अंगरक्षक होते.

हजारो नागरिकांचे राष्ट्रपतींच्या निवासस्थानासमोर निदर्शने

शनिवारी कोलंबोमध्ये हजारो नागरिकांनी राष्ट्रपतींच्या निवासस्थानासमोर निदर्शने केली. त्यांना ताब्यात घेण्यापूर्वी 73 वर्षीय नेता देश सोडून पळून गेले. त्यानंतर त्यांना दुबईच्या दिशेने जायचे होते, असे अधिकाऱ्यांनी सांगितले. राष्ट्राध्यक्ष म्हणून, गोटाबाया राजपक्षे यांना अटक केली जाऊ शकत नाही आणि ताब्यात घेण्याची शक्यता टाळण्यासाठी त्यांना पद सोडण्यापूर्वी परदेशात जायचे असल्याचे सांगण्यात येत होते. परंतु इमिग्रेशन अधिकार्‍यांनी राष्ट्रपतींच्या पासपोर्टवर शिक्का मारण्यासाठी व्हीआयपी सूटमध्ये जाण्यास नकार दिला, कारण त्यांना भीती होती की विमानतळावर लोक गोंधळ घालतील.

श्रीलंकेला आर्थिक संकटाचा सामना
राजपक्षे यांनी शनिवारी संसदेच्या अध्यक्षांना 13 जुलै रोजी राजीनामा देणार असल्याची माहिती दिली होती. सूत्रांनी दिलेल्या माहितीनुसार, राजपक्षे काही नौदल केंद्रात वेळ घालवत असल्याची बातमी समोर होते. 20 दशलक्ष लोकसंख्या असलेला श्रीलंका सध्या मोठ्या आर्थिक संकटाचा सामना करत आहे. लाखो लोक अन्न, औषधे, इंधन आणि इतर जीवनावश्यक वस्तू खरेदी करण्यासाठी धडपडत आहेत.