Russia Ukraine Conflict : युक्रेनमध्ये अडकलेले जम्मू-काश्मीरचे सर्व विद्यार्थी मायदेशी परतले, शेवटची तुकडी पोलंडमार्गे दिल्लीत दाखल

Russia Ukraine Conflict : युक्रेनमध्ये अडकलेल्या जम्मू-काश्मीरमधील सुमारे 140-145 विद्यार्थ्यांना बाहेर काढण्यात आले आहे. जम्मू-काश्मीरचे लेफ्टनंट गव्हर्नर मनोज सिन्हा यावर लक्ष ठेवून होते.

Indian Students in Ukraine

Russia Ukraine Conflict : रशिया आणि युक्रेनमधील युद्धादरम्यान युक्रेनमध्ये अडकलेल्या सर्व काश्मिरी विद्यार्थी शनिवारी सुरक्षितपणे मायदेशी परतले आहेत. नऊ विद्यार्थ्यांची शेवटची तुकडी शनिवारी रात्री पोलंडमार्गे दिल्लीला पोहोचली आहे. जम्मू-काश्मीरचे लेफ्टनंट गव्हर्नर मनोज सिन्हा हे स्वतः या स्थलांतर प्रक्रियेवर लक्ष ठेवून होते. युक्रेनमध्ये अडकलेल्या जम्मू-काश्मीरमधील सुमारे 140-145 विद्यार्थ्यांना सुरक्षितपणे बाहेर काढण्यात आल्याचे अधिकाऱ्यांचे म्हणणे आहे.

लेफ्टनंट गव्हर्नर या प्रक्रियेवर लक्ष ठेवून होते

अधिकाऱ्यांनी माहिती देत सांगितले की, 'नऊ विद्यार्थ्यांची शेवटची तुकडी शनिवारी रात्री पोलंडमार्गे दिल्लीला पोहोचली. जम्मू आणि काश्मीर सरकारने त्यांच्यासाठी प्रवास, राहणे आणि इतर संबंधित गोष्टींसह दिल्लीत सर्व व्यवस्था केली.' जम्मू-काश्मीरचे लेफ्टनंट गव्हर्नर मनोज सिन्हा हे स्वतःहून स्थलांतर प्रक्रियेवर लक्ष ठेवून होते. अधिकाऱ्यांनी सांगितले की, जम्मू-काश्मीरमधील विविध जिल्ह्यांतील विद्यार्थी दिल्ली एमएस जम्मू-काश्मीरमध्ये सुरक्षितपणे त्यांच्या घरी पोहोचले आहेत.

रशिया आणि युक्रेनमध्ये सुरू झालेल्या युद्धात मोठ्या संख्येने भारतीय विद्यार्थी युक्रेनमध्ये अडकले आहेत. रशियाच्या हल्ल्यानंतर युक्रेनमध्ये अडकलेल्या भारतीयांना बाहेर काढण्याची प्रक्रिया सुरू करण्यात आली. दरम्यान, जम्मू आणि काश्मीर स्टुडंट्स युनियनचे प्रवक्ते नासिर खुहमी यांनी विद्यार्थ्यांना सुरक्षितपणे बाहेर काढल्याबद्दल सरकारचे आभार मानले.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha