Sri Lanka : रानिल विक्रमसिंघे श्रीलंकेचे नवे राष्ट्रपती, 134 मतांनी विजयी
Ranil Wickremesinghe New President of Sri Lanka : रानिल विक्रमसिंघे यांची श्रीलंकेचे नवे राष्ट्रपतीपदी निवड झाली आहे. विक्रमसिंघे 134 मतांनी विजयी झाले आहेत.
Ranil Wickremesinghe New President of Sri Lanka : श्रीलंकेच्या राष्ट्रपतीपदी निवड रानिल विक्रमसिंघे (Ranil Wickremesinghe) यांची झाली आहे. विक्रमसिंघे 134 मतांनी विजयी झाले आहेत. रानिल विक्रमसिंघे यांच्या रुपात श्रीलंकेला नवे राष्ट्रपती मिळाले आहेत. श्रीलंकेमध्ये आज राष्ट्रपतीपदासाठी निवडणूक पार पडली आहे. राष्ट्रपतीपदाच्या शर्यतीत प्रबळ दावेदार मानले जाणारे साजिथ प्रेमदासा (Sajith Premadasa) शर्यतीत बाहेर पडल्यानंतर राष्ट्रपतीपदासाठी रानिल विक्रमसिंघे (Ranil Wickremesinghe) विरुद्ध डलास अलाहाप्पेरुमा (Dallas Alahapperuma) यांच्यात संघर्ष होता. रानिल विक्रमसिंघे यांच्या विरुद्ध एसएलपीपी (Sri Lanka Podujana Peramuna) खासदार डलास अलाहाप्पेरुमा हे सत्ताधारी पक्षाचे उमेदवार होते. विक्रमसिंघे यांनी डलास अलाहाप्पेरुमा यांचा पराभव केला आहे.
रानिल विक्रमसिंघे बहुमतांनी विजयी
श्रीलंका सध्या भीषण आर्थिक संकटाचा सामना करत आहे. तत्कालीन राष्ट्रपती गोटाबाया राजपक्षे (Gotabaya Rajapaksa) यांनी पलायन करून राजीनामा दिल्यानंतर रानिल विक्रमसिंघे यांच्याकडे कार्यवाहक राष्ट्रपतीपदाची जबाबदारी होती. पंतप्रधान असताना त्यांच्या कार्यवाहक राष्ट्रपतीपदाचीजबाबदारी देण्यात आली. त्यानंतर आज राष्ट्रपतीपदाची निवडणूक पार पडली. यामध्ये रानिल विक्रमसिंघे यांनी 134 मतांनी विजय मिळवला आहे. 225 खासदारांनी राष्ट्रपतीपदाच्या निवडणूकीत मतदान केलं. विजयासाठी उमेदवाराला 113 हून अधिक मतं मिळवणं आवश्यक होतं. या निवडणुकीत रानिल विक्रमसिंघे 134 मतं मिळवत बहुमत मिळवत राष्ट्रपतीपदी विराजमान झाले आहेत.
Ranil Wickremesinghe wins Presidential poll in Sri Lanka, succeeds Gotabaya Rajapaksa
— ANI Digital (@ani_digital) July 20, 2022
Read @ANI Story | https://t.co/9MMvZgazUi#RanilWickremesinghe #gotabayarajapaksha #SriLanka #PresidentialPoll pic.twitter.com/uc7VP56Xau
भारताच्या मदतीने श्रीलंकेचा संकटातून मार्ग काढण्याचा प्रयत्न
श्रीलंकेत आर्थिक संकटाची परिस्थिती निर्माण झाली आहे, तेव्हापासून भारत हा एकमेव देश आहे जो श्रीलंकेला सातत्याने मदत करत आहे. यामुळे श्रीलंकेतील जनता आणि सरकार पंतप्रधान नरेंद्र मोदी आणि भारत सरकारला सातत्याने आवाहन करत आहे. बदलत्या राजकीय समीकरणाच्या पार्श्वभूमीवर भारताने आपली भूमिका बदलू नये, असं आवाहन श्रीलंकेनं केलं आहे. कारण भारताच्या मदतीने श्रीलंका या संकटातून मार्ग काढण्याचा प्रयत्न करत आहे.
महत्त्वाच्या इतर बातम्या
- Sri Lanka Crisis : राजपक्षे बंधूना देश सोडण्यास मनाई, गोटाबाया यांच्या पलायनानंतर सर्वोच्च न्यायालयाचा आदेश
- Sri Lanka Crisis : श्रीलंकेच्या नागरिकांचं राष्ट्रपतींच्या खुर्चीवर बसून फोटो सेशन, राष्ट्रपती निवासात संतप्त जनतेचा धुडगूस
- Sri Lanka Crisis : गोटाबाया राजपक्षे यांचा राजीनामा स्वीकारला, श्रीलंकेला कधी मिळणार नवे राष्ट्रपती? सभापतींनी सांगितले..
महत्त्वाच्या बातम्या
