Chand Nawab Video: पाकिस्तानातील रिपोर्टर चांद नवाब यांनी दिली कराचीमधील हवामानाची माहिती; पाहा मजेशीर व्हिडीओ

Chand Nawab Video: चांद नवाब यांचा एक भन्नाट व्हिडीओ सोशल मीडियावर व्हायरल होत आहे. 

chand nawab

Chand Nawab Video: पाकिस्तानमधील रिपोर्टर चांद नवाब (Chand Nawab) हे त्यांच्या हटके स्टाईलमुळे सोशल मीडियावर नेहमीच चर्चेत असतात. त्यांची माहिती सांगण्याच्या हटके पद्धतीला नेटकऱ्यांची नेहमी पसंती मिळते.  'बजरंगी भाईजान' (Bajrangi Bhaijaan) या बॉलिवूडमधील प्रसिद्ध चित्रपटामध्ये अभिनेता नवाजुद्दीन सिद्दीकी (Nawazuddin Siddiqui) पाकिस्तानमधील रिपोर्टरची भूमिका साकारली होती. या चित्रपटातील एक सिन हा चांद नवाब यांचा  2008 मध्ये यूट्यूबवर अपलोड करण्यात आलेल्या व्हिडिओवर आधारित आहे. तेव्हा पासूनच चांद नवाब हे चर्चेत  आहेत. सध्या चांद नवाब यांचा एक भन्नाट व्हिडीओ सोशल मीडियावर व्हायरल होत आहे. 

सोशल मीडियावर व्हायरल झालेल्या चांद नवाब यांच्या व्हिडीओमध्ये ते पाकिस्तानमधील कराची येथील हवामानाची माहिती देताना दिसत आहेत. व्हिडीओमध्ये चांद नवाब म्हणत आहेत, 'कराचीमध्ये थंड हवा आहे. या वादळाला पाहण्यासाठी शहरातील लोक येथे येऊ शकतात. माझे केस उडत आहेत. मी या वादळामुळे डोळे देखील उघडू शकत नाहिये. ज्या लोकांचे वजन कमी आहे अशा लोकांनी समुद्र किनारी जाऊ नका. नाही तर तुम्ही हवेमुळे उडून जाऊ शकता.  '

Chand Nawab reporting on Karachi's dusty winter winds. Warns doblay-patlay people that they can be blown away by the dust storm. pic.twitter.com/mgYmW2mrbG

— Naila Inayat (@nailainayat) January 22, 2022

व्हायरल झालेल्या व्हिडीओमध्ये चांद नवाब हे उंटावर बसून देखील हवामानाची माहिती सांगत आहेत, असे दिसत आहे. चांद नवाब यांच्या या व्हिडीओवर अनेक हटके कमेंट्स केल्या आहेत.  तसेच अनेकांनी चांद नवाब यांना ट्रोल देखील केले आहे. 

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha