Maria Machado Donald Trump : ...आणि शांततेचं नोबेल डोनाल्ड ट्रम्प यांना अर्पण करते, मारिया मचाडो यांची मोठी घोषणा
Maria Machado : शांततेचा नोबेल पुरस्कार व्हेनेझुएलाच्या मारिया मचांडो यांना जाहीर झाला आहे. डोनाल्ड ट्रम्प यांची यावेळी संधी हुकली आहे.
नवी दिल्ली : नॉर्वेजियन नोबेल समितीनं आज 2025 साठीचा शांततेचा नोबेल पुरस्कार व्हेनेझुएलाच्या विरोधी पक्षनेत्या मारिया कोरिना मचाडो यांना जाहीर झाला. व्हेनेझुएलामध्ये हुकूमशाही हटवून लोकशाही प्रस्थापित करण्यासाठी शांततेच्या मार्गानं संघर्ष करणाऱ्या मारिया कोरिना मचाडो यांना शांततेचा नोबेल पुरस्कार जाहीर करण्यात आला आहे. अमेरिकेचे अध्यक्ष डोनाल्ड ट्रम्प यांनी शांततेच्या नोबेल पुरस्कारासाठी लॉबिंग केलं होतं. मात्र, त्यांना शांततेच्या नोबेल पुरस्कारानं हुलकावणी दिली आहे. पुरस्काराची संधी हुकलेल्या डोनाल्ड ट्रम्प आणि व्हेनेझुएलाच्या जनतेला शांततेचं नोबेल अर्पण करते, असं मारिया मचाडो म्हणाल्या.
डोनाल्ड ट्रम्प यांना पुरस्कार अर्पण
मारिया कोरिना मचाडो यांनी शांततेचं नोबेल जाहीर झाल्यानंतर सोशल मीडिया प्लॅटफॉर्म एक्सवर पोस्ट केली आहे. या पोस्टमध्ये त्यांनी शांततेचं नोबेल म्हणजे व्हेनेझुएलाच्या सर्व जनतेच्या संघर्षाची दखल आहे. स्वातंत्र्य मिळवण्याचं आपलं ध्येय पूर्ण करण्यासाठी मिळालेलं प्रोत्साहन आहे, असं मारिया मचाडो म्हणाल्या.
मारिया मचाडो पुढं म्हणाल्या की आपण पूर्वी पेक्षा अधिक विजयाच्या उंबरठ्यावर आहोत. लोकशाही आणि स्वातंत्र्य मिळवण्यासाठी डोनाल्ड ट्रम्प, अमेरिकेचे लोक, लॅटिन अमेरिकेचे लोक आणि जगभरातील लोकशाही देशांवर विश्वास ठेवतो.
मी शांततेचं नोबेल पुरस्कार व्हेनेझुएलाच्या पीडित लोकांना आणि अमेरिकेचे अध्यक्ष डोनाल्ड ट्रम्प यांच्या भक्कम पाठिंब्यासाठी अर्पण करते, असं मारिया मचाडो म्हणाल्या.
शांततेचा नोबेल मारिया मचाडो यांना जाहीर
द नॉर्वेजियन नोबेल समितीकडून दरवर्षी शांततेचा नोबेल पुरस्कार जाहीर केला जातो. या समितीनं नोबेल शांतता पुरस्कार मारिया कोरिना मचाडो यांना जाहीर केला आहे. व्हेनेझुएलाच्या नागरिकांच्या लोकशाही हक्कांसाठी मारिया मचाडो यांनी सातत्यानं काम केलं. हुकुमशाही ते लोकशाही या स्थित्यंतरासाठी त्यांनी शांततेच्या मार्गानं संघर्ष केला, यासाठी शांततेचं नोबेल देण्यात येत असल्यानं समितीनं म्हटलं.
दरम्यान, अमेरिकेचे अध्यक्ष डोनाल्ड ट्रम्प यांना जाहीर झालेला नसला तरी मारिया मचाडो यांनी पुरस्कार त्यांना अर्पण केला आहे.
This recognition of the struggle of all Venezuelans is a boost to conclude our task: to conquer Freedom.
— María Corina Machado (@MariaCorinaYA) October 10, 2025
We are on the threshold of victory and today, more than ever, we count on President Trump, the people of the United States, the peoples of Latin America, and the democratic…
महत्त्वाच्या बातम्या
