मोठी बातमी! इराण-इस्रायल युद्ध कधी संपणार? अमेरिकेने जाहीर केली तारीख, मध्यस्थीसाठी पाकिस्तानात होणार बैठक 

इराण-इस्रायल अमेरिका युद्धाबाबत (Iran Isreal US War)  मोठी अपडेट समोर आली आहे. इराणसोबत असणार युद्ध कधी संपणार? याबाबतची तारीख अमेरिकेनं जाहीर केली आहे.

Iran Isreal US War

Source : Getty Images

Iran Isreal US War :  इराण-इस्रायल अमेरिका युद्धाबाबत (Iran Isreal US War)  मोठी अपडेट समोर आली आहे. इराणसोबत असणार युद्ध कधी संपणार? याबाबतची तारीख अमेरिकेनं जाहीर केली आहे. अमेरिकेने इराणसोबतचे युद्ध संपवण्यासाठी 9 एप्रिल ही तारीख निश्चित केली आहे. इराणमध्ये जे काही नष्ट करता आले, ते सर्व अमेरिकेने नष्ट केल्याचा दावा अमेरिकेचे राष्ट्राध्यक्ष डोनाल्ड ट्रम्प यांनी केला आहे. इराणसोबत 15 मुद्द्यांवर एक करार झाला असल्याची माहितीही ट्रम्प यांनी दिली आहे. 

अमेरिकेने इराणसोबत सुरु असलेले युद्ध संपवण्याची तारीख जाहीर केली आहे. अमेरिकेने युद्ध संपवण्यासाठी 9 एप्रिल, 2026 ही तारीख निश्चित केली आहे. इराणला दिलेल्या अल्टिमेटमची मुदत संपण्यापूर्वी अमेरिकेचे अध्यक्ष डोनाल्ड ट्रम्प यांनी केलेल्या वक्तव्याने मध्य-पूर्वेत शांततेचे संकेत दिले आहेत. ट्रम्प यांनी पुढील पाच दिवस इराणच्या ऊर्जा प्रकल्पांवर हल्ला न करण्याचा दावाही केला होता. 

इराणसोबत  15 मुद्द्यांवर करार 

ट्रम्प यांचा दावा आहे की, दोन्ही देशांमधील चर्चा सकारात्मक दिशेने पुढे जात असून सुमारे 15 मुद्द्यांवर करार झाले आहेत. अमेरिकेचे अध्यक्ष म्हणतात की, इराणसोबतच्या चर्चेतूनच सर्वसमावेशक करार शक्य आहे की नाही हे ठरेल. इराणने सुरुवातीला अमेरिकेसोबत चर्चा करण्यास नकार दिला होता, परंतु नंतर दोन्ही देशांमध्ये वाटाघाटी सुरु असल्याचे मान्य केले.

पाकिस्तानसह हे मुस्लिम देश मध्यस्थ बनले : अहवाल

अमेरिकेचे अध्यक्ष डोनाल्ड ट्रम्प म्हणाले की, जर इराणसोबतचे युद्ध संपवण्यासाठी करार झाला, तर तेलाच्या किमती मोठ्या प्रमाणात घसरतील. अयातुल्ला अली खामेनी यांचा मुलगा, मोजतबा खामेनी, बेपत्ता आहे आणि त्याचे काय झाले हे कोणालाही माहीत नाही. त्यांनी दावा केला की इराणचे नेतृत्व जवळपास पूर्णपणे कोसळले आहे. संघर्ष संपवण्याच्या प्रयत्नात तुर्की, इजिप्त आणि पाकिस्तानच्या प्रतिनिधींनी व्हाईट हाऊसचे दूत स्टीव्ह विटकॉफ यांची भेट घेतली.

मुनीर-ट्रम्प चर्चा

दरम्यान, पाकिस्तानचे सीडीएफ फील्ड मार्शल असिम मुनीर यांनी अमेरिकेचे अध्यक्ष डोनाल्ड ट्रम्प यांच्याशी संवाद साधला आहे. इस्रायली अधिकाऱ्यांचा असा विश्वास आहे की अमेरिका आणि इराण यांच्यात या आठवड्यात इस्लामाबादमध्ये चर्चा होऊ शकते. यापूर्वी एका वरिष्ठ इस्रायली अधिकाऱ्याच्या हवाल्याने म्हटले होते की, या आठवड्याच्या अखेरीस इस्लामाबादमध्ये वरिष्ठ इराणी आणि अमेरिकी अधिकाऱ्यांच्या बैठकीसाठी संपर्क प्रक्रिया सुरू आहे. पाकिस्तानमधील शिखर परिषदेसाठी सुरू असलेल्या संपर्काचा एक भाग म्हणून, उपराष्ट्रपती जेडी व्हान्स यांच्या नेतृत्वाखाली अमेरिकी शिष्टमंडळ स्थापन करण्याच्या शक्यतेचा विचार केला जात आहे.

एस. जयशंकर यांचा मार्को रुबियो यांच्याशी संवाद 

दरम्यान, भारताचे परराष्ट्र मंत्री एस. जयशंकर यांनी त्यांचे अमेरिकन समकक्ष मार्को रुबियो यांच्याशी संवाद साधला. ते म्हणाले, "आमच्या चर्चेत पश्चिम आशियातील संघर्ष आणि त्याचा आंतरराष्ट्रीय अर्थव्यवस्थेवरील परिणाम यावर लक्ष केंद्रित करण्यात आले. आम्ही विशेषतः ऊर्जा सुरक्षेच्या चिंतेवर चर्चा केली. आम्ही संपर्कात राहण्याचे मान्य केले.