International Youth Day 2023 : देशाच्या विकासात महत्वाची भूमिका बजाविणाऱ्या युवा दिनाचा इतिहास काय? जाणून घ्या महत्त्व
International Youth Day 2023 : 'आंतरराष्ट्रीय युवा दिन' हा दिवस तरुणांपुढील आव्हानांना एक व्यासपीठ देतो आणि समस्या दूर करण्याच्या प्रयत्नांवर लक्ष केंद्रित करतो.
International Youth Day 2023 : ज्या राष्ट्रात युवाशक्ती जास्त असेल, त्या राष्ट्राला प्रगतीच्या मार्गापासून कोणीही थांबवू शकत नाही. भारत अशा तरुण राष्ट्रांपैकी एक आहे. भारतात तरुणांची संख्या जास्त आहे. कोणत्याही देशाची प्रगती त्या देशातील तरुणांवर अवलंबून असते. दरवर्षी 12 ऑगस्ट रोजी आंतरराष्ट्रीय युवा दिन (International Youth Day 2023) साजरा केला जातो.
आंतरराष्ट्रीय युवा दिनाचा इतिहास
17 डिसेंबर 1999 रोजी, युनायटेड नेशन्स जनरल असेंब्लीने 54/120 ठराव पारित केला, युवा जागतिक परिषदेत केलेल्या शिफारशींचा विचार करून, दरवर्षी 12 ऑगस्ट हा आंतरराष्ट्रीय युवा दिन म्हणून साजरा करण्याची घोषणा करण्यात आली. सन 2000 मध्ये प्रथमच आंतरराष्ट्रीय युवा दिन (International Youth Day 2023) सुरू करण्यात आला.
आंतरराष्ट्रीय युवा दिनाचे महत्त्व
दरवर्षी 12 ऑगस्ट रोजी साजरा केला जाणारा आंतरराष्ट्रीय युवा दिन, तरुणांच्या गुणांचा आणि राष्ट्राच्या आणि संपूर्ण जगाच्या विकासासाठी त्यांच्यात असलेल्या क्षमतेचा सन्मान करण्यासाठी आहे. हा दिवस तरुणांपुढील आव्हानांना एक व्यासपीठ देतो आणि समस्या दूर करण्याच्या प्रयत्नांवर लक्ष केंद्रित करतो. समाजाच्या विकासासाठी, पर्यावरणाच्या रक्षणासाठी आणि विविध सामाजिक प्रकल्पांमध्ये स्वयंसेवा करण्यासाठी तरुणांचे खूप मोठे योगदान आहे.
आंतरराष्ट्रीय युवा दिनाचा उद्देश
आंतरराष्ट्रीय युवा दिनाचा उद्देश गरिबी निर्मूलन आणि शाश्वत विकासाची उद्दिष्टे साध्य करण्यासाठी तरुणांची प्रमुख भूमिका सुनिश्चित करणे हा आहे. शाश्वत वापरामध्ये मूलभूत गरजा पूर्ण करण्यासाठी महत्त्वाची उत्पादने आणि सेवा यांचा समावेश होतो. सामाजिक-आर्थिक विकासाची उद्दिष्टे साध्य करण्यासाठी विकास आणि वैयक्तिक निवडीची महत्त्वाची भूमिका नाकारता येत नाही. आंतरराष्ट्रीय युवा दिन साजरा करणे म्हणजे सरकारने तरुणांच्या समस्या आणि चिंतांकडे लक्ष वेधले पाहिजे.
आंतरराष्ट्रीय युवा दिन कसा साजरा केला जातो?
आंतरराष्ट्रीय युवा दिनाची सुरुवात UN ने केली होती. ज्याप्रमाणे आंतरराष्ट्रीय महिला दिन, कामगार दिन आणि योग दिन साजरा केला जातो. त्याप्रमाणेच आंतरराष्ट्रीय युवा दिन पाळला जातो. युनायटेड नेशन्स दरवर्षी युवा दिनाची थीम ठरवते. थीमनुसार जगभरात कार्यक्रम आयोजित केले जातात. जगभरातील तरुणांना अनेक विषयांवर आपले मत मांडण्याची संधी मिळते. तरुणांच्या समस्या जाणून घेण्याबरोबरच त्या सुधारण्यासाठी या दिवशी प्रयत्न केले जातात.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
