International Youth Day : 'आंतरराष्ट्रीय युवा दिन' नेमका का साजरा केला जातो? वाचा या दिनाचा इतिहास

International Youth Day 2022 : आंतरराष्ट्रीय युवा दिन सर्वात आधी 12 ऑगस्ट 2000 रोजी साजरा करण्यात आला.

International Youth Day 2022

International Youth Day 2022 : आजची तरूण पिढी ही उद्याचं भविष्य आहे असं म्हटलं जातं. म्हणूनच राष्ट्राच्या उभारणीत आणि विकासात तरुणांची भूमिका महत्त्वाची आहे. अशा परिस्थितीत तरुणांनी देशाच्या आणि जगाच्या सामाजिक, आर्थिक आणि राजकीय परिस्थितीचे भान ठेवायला हवे. त्यांना देशाच्या आणि जगाच्या विकासात रस असायला हवा. यासाठी तरुणांच्या समस्या जाणून घेऊन त्यावर उपाय शोधला जातो, जेणेकरून ते समाजासाठी आवाज उठवू शकतील. विकासासाठी काम करा. हा उद्देश अंगीकारून दरवर्षी 12 ऑगस्ट रोजी आंतरराष्ट्रीय युवा दिन (International Youth Day 2022) साजरा केला जातो. या दिवसाची सुरुवात कधीपासून झाली हे जाणून घ्या. 

आंतरराष्ट्रीय युवा दिनाची सुरुवात कधीपासून झाली?

आंतरराष्ट्रीय युवा दिन सर्वात आधी 12 ऑगस्ट 2000 रोजी साजरा करण्यात आला. हा दिवस साजरा करण्याचा निर्णय संयुक्त राष्ट्र संघाने 17 डिसेंबर 1999 रोजी घेतला होता. त्यानुसार दरवर्षी 12 ऑगस्टला युवा दिन साजरा केला जातो. मात्र, हा दिवस साजरा करण्याची सूचना 1998 मध्ये झालेल्या जागतिक परिषदेत करण्यात आली होती. त्यानंतर 1999 मध्ये संयुक्त राष्ट्र महासभेने ही सूचना स्वीकारली आणि 12 ऑगस्ट हा आंतरराष्ट्रीय युवा दिवस म्हणून घोषित करण्यात आला. 

आंतरराष्ट्रीय युवा दिन का साजरा केला जातो?

युवा दिन आंतरराष्ट्रीय स्तरावर साजरा करण्यामागचा उद्देश सामाजिक, आर्थिक आणि राजकीय विषयांवर तरुणांचा सहभाग आणि भूमिका यावर चर्चा करणे हा आहे. तरुणांना समाजातील अनेक प्रश्नांवर पुढे आणण्यासाठी प्रोत्साहित करण्यासाठी हा दिवस साजरा केला जातो.  

आंतरराष्ट्रीय युवा दिन कसा साजरा केला जातो?

युनायटेड नेशन्स दरवर्षी युवा दिनाची थीम ठरवते. या थीमनुसार जगभरात विविध कार्यक्रम आयोजित केले जातात. या निमित्ताने जगभरातील तरुणांना अनेक विषयांवर आपले मत मांडण्याची संधी मिळते. तरुणांच्या समस्या जाणून घेण्याबरोबरच त्या सुधारण्यासाठी प्रयत्न केले जातात.

महत्वाच्या बातम्या :