India Helps Sri Lanka: भारताचा श्रीलंकेला मदतीचा हात, 40000 मेट्रिक टन पेट्रोल पाठवले
Sri Lanka Economic Crisis: भारताने पुन्हा श्रीलंकेला मदतीचा हात दिला आहे. भारताने श्रीलंकेला मोठ्या प्रमाणात पेट्रोल पाठवले आहे.
Sri Lanka Economic Crisis: भारताने पुन्हा श्रीलंकेला मदतीचा हात दिला आहे. भारताने श्रीलंकेला मोठ्या प्रमाणात पेट्रोल पाठवले आहे. आपला शेजारी धर्म निभावणाऱ्या भारताने आपल्या शेजारी देश श्रीलंकेला वाईट काळात मदत केली आहे. मात्र भारताने श्रीलंकेला पेट्रोल पाठवून मदत करण्याची ही पहिलीच वेळ नाही. याआधीही भारताने श्रीलंकेला दोनदा पेट्रोल देऊन मदत केली होती. सोमवारी भारताने पुन्हा एकदा 40000 मेट्रिक टन पेट्रोल श्रीलंकेला पाठवले आहे. हे तेल आज श्रीलंकेची राजधानी कोलंबोला पोहोचणार आहे. श्रीलंकेत सध्या राजकीय आणि आर्थिक संकट सुरू आहे. गंभीर आर्थिक संकटाच्या काळात शेजारी राष्ट्र भारताने श्रीलंकेला सर्वतोपरी मदत केली आहे.
तत्पूर्वी भारताने श्रीलंकेची डबघाईला आलेली अर्थव्यवस्था पुनरुज्जीवित करण्यासाठी एक अब्ज अमेरिकन डॉलर्सचे कर्जही जाहीर केले होते. याआधी भारताने 2 महिन्यांपूर्वी श्रीलंकेला मदत करण्यासाठी 36 हजार मेट्रिक टन पेट्रोल आणि 40 हजार मेट्रिक टन डिझेल पाठवले होते. एकूणच भारताने आजपूर्वी 2.70 लाख मेट्रिक टन पेक्षा जास्त इंधन तेल श्रीलंकेला पाठवले होते. श्रीलंकेत पेट्रोलचा मोठा तुटवडा आहे. अलीकडेच ऊर्जा मंत्री कांचना विजेसेकेरा यांनी संसदेत सांगितले की, पेट्रोलने भरलेल्या जहाजाचे पैसे देण्यासाठी आमच्याकडे अमेरिकन डॉलर नाहीत. याव्यतिरिक्त त्याच जहाजावर जानेवारी 2022 मध्ये मागील मालासाठी आणखी 5.3 कोटी डॉलर्स देणे बाकी आहे.
भारताने श्रीलंकेला मदत करण्यासाठी औषधे पाठवली
गंभीर आर्थिक संकटाचा सामना करणार्‍या शेजारील देश श्रीलंकेतही अत्यावश्यक औषधांचा तुटवडा आहे. या पार्श्वभूमीवर भारताने आवश्यक औषधांची खेप श्रीलंकेला पाठवली होती. नॅशनल आय हॉस्पिटल कोलंबोच्या संचालक डॉ. दमिका यांनी सांगितले होते की, औषधांचा तुटवडा आहे, त्यानंतर शेजारील देश भारतातून आमच्याकडे क्रेडिट लाइनमध्ये औषधे येत आहेत. भारताकडून ही आमच्यासाठी मोठी मदत आहे.
श्रीलंकेत 1948 नंतरचे सर्वात मोठे आर्थिक संकट
दरम्यान, जगात कोरोना महामारीच्या संकटाच्या काळापासून श्रीलंकेची अर्थव्यवस्था सतत घसरत होती. श्रीलंका आपल्या अर्थव्यवस्थेची घसरण थांबवू शकला नाही आणि आपल्या देशातील 20 दशलक्ष लोकांना अन्न, औषधे यासह जीवनावश्यक गोष्टी देखील देऊ शकला नाही. सध्या श्रीलंकेत सुरू असलेले हे आर्थिक संकट 1948 साली आलेल्या आर्थिक संकटापेक्षा मोठे आहे. श्रीलंकेतील ढासळत चाललेल्या आर्थिक व्यवस्थेनंतर, डॉलरच्या तुलनेत श्रीलंकन रुपयाची झपाट्याने घसरण झाली, त्यामुळे त्यावर विदेशी कर्ज वाढू लागले आहे.
महत्त्वाच्या बातम्या
ट्रेंडिंग न्यूज
