Mark Zuckerberg on Pakistan : मला पाकिस्तानात फाशीची शिक्षा होणार होती! फेसबुक सह-संस्थापक मार्क झुकेरबर्ग यांच्या वक्तव्याने अवघ्या जगाच्या भूवया उंचावल्या; प्रकरण नेमकं आहे तरी काय?
झुकेरबर्ग म्हणाले की, जगात अनेक ठिकाणी अभिव्यक्ती स्वातंत्र्याची मूल्ये आपल्या मूल्यांपेक्षा खूपच वेगळी आहेत. या देशांना मान्य नसलेल्या गोष्टींवर आम्ही कारवाई करून आणखी निर्बंध लादावेत असे वाटते.
Mark Zuckerberg on Pakistan : फेसबुकचे सह-संस्थापक मार्क झुकरबर्ग यांनी एका मुलाखतीत केलेल्या वक्तव्याने अवघ्या जगाच्या भूवया उंचावल्या आहेत. झुकेरबर्ग यांनी पाकिस्तानात फाशीची शिक्षा होणार होती, असा सनसनाटी दावा केला आहे. फेसबुकवर एका युजरने पैगंबर मोहम्मद यांचा फोटो पोस्ट केला होता, त्याबद्दल पाकिस्तानमध्ये त्याच्यावर गुन्हा दाखल करण्यात आला होता.
वैयक्तिकरित्या झुकेरबर्गला जबाबदार धरण्याचे आवाहन
एका मुलाखतीत झुकेरबर्ग म्हणाले की, या प्रकरणी पाकिस्तान सरकारला ईशनिंदेसाठी वैयक्तिकरित्या झुकेरबर्गला जबाबदार धरण्याचे आवाहन करण्यात आले होते. झुकेरबर्ग यांनी सांगितले की, माझा पाकिस्तानला जाण्याचा कोणताही विचार नव्हता, त्यामुळे मला फारशी चिंता नव्हती. मात्र, ही घटना कोणत्या वर्षी घडली हे त्यांनी सांगितले नाही. हा खुलासा अशा वेळी झाला आहे जेव्हा मेटा (फेसबुकची मूळ कंपनी) आणि पाकिस्तान सरकार यांच्यात कायदेशीर लढाई सुरू आहे. पाकिस्तानमध्ये, फेसबुकवर देशाच्या ईशनिंदा कायद्याचे उल्लंघन करणाऱ्या सामग्रीला परवानगी दिल्याचा आरोप आहे. झुकेरबर्ग म्हणाले की, जगात अनेक ठिकाणी अभिव्यक्ती स्वातंत्र्याची मूल्ये आपल्या मूल्यांपेक्षा खूपच वेगळी आहेत. या देशांना आम्हाला मान्य नसलेल्या गोष्टींवर आम्ही कारवाई करून आणखी निर्बंध लादावेत असे वाटते.
पाकिस्तानमध्ये ईशनिंदेसाठी फाशीपर्यंतच्या शिक्षेची तरतूद
पाकिस्तानमध्ये जगातील सर्वात कठोर ईशनिंदा कायदा आहे. येथे कुराण किंवा पैगंबराचा अपमान केल्यास जन्मठेपेपासून मृत्युदंडाची शिक्षा होऊ शकते. मात्र, फाशीची शिक्षा होऊनही देशात कुणालाही फाशी देण्यात आलेली नाही. पाकिस्तानी मीडियानुसार, 1990 पासून ईशनिंदेच्या आरोपाखाली जमावाकडून 80 हून अधिक लोक मारले गेले आहेत. अनेकवेळा असे घडते की केवळ कुराण किंवा पैगंबराचा अपमान झाल्याच्या अफवेमुळे हजारो लोकांचा जमाव कोणत्याही ठिकाणी जमतो आणि आरोपींवर हल्ला करतो.
पाकिस्तानमध्ये ईशनिंदेची प्रकरणे
जून 2024 : गेल्या गुरुवारी पाकिस्तानमध्ये संतप्त जमावाने कुराणचा अपमान केल्याच्या आरोपाखाली एका व्यक्तीला जिवंत जाळले. खैबर पख्तुनख्वामधील स्वात जिल्ह्यातील मदायन भागात ही घटना घडली. मोहम्मद इस्माईल असे ठार झालेल्या व्यक्तीचे नाव असून तो तेथे फिरायला आला होता.
मे 2024 : पंजाब प्रांतातील सरगोधा भागात जमावाने एका ख्रिश्चन व्यक्तीवर कुराणाचा अपमान केल्याचा आरोप केला आणि त्याचे घर आणि कारखाना पेटवून दिला. पोलिसांच्या उपस्थितीत लोकांनी त्या व्यक्तीला बेदम मारहाण केली. काही दिवसांनी त्याचा रुग्णालयात मृत्यू झाला.
मे 2023 : खैबर पख्तुनख्वामध्ये माजी पंतप्रधान इम्रान खान यांचा पक्ष पीटीआयच्या रॅलीदरम्यान ईशनिंदा केल्याच्या आरोपावरून एका व्यक्तीला हिंसक जमावाने मारहाण केली. त्या व्यक्तीचा गुन्हा असा होता की त्याने इम्रानची तुलना पैगंबर मोहम्मदशी केली होती.
एप्रिल 2023 : ईशनिंदा कायद्याच्या आरोपावरून खैबर पख्तून भागात हजारो लोकांच्या जमावाने एका चिनी अभियंत्यावर हल्ला केला. पोलिसांनी मोठ्या कष्टाने त्याचा जीव वाचवला आणि त्याला अटक केली जेणेकरून तो वाचला. नंतर अभियंता म्हणाले की, तो कामगारांशी कठोरपणे वागायचा. त्यामुळे जाणूनबुजून जीवे मारण्याचा प्रयत्न करण्यात आला.
इतर महत्वाच्या बातम्या
Before You Go
Sanjay Kute On Manoj Jarange : जरांगेंच्या मागणीवर भाजप आमदार संजय कुटेंचं भाष्य, भाषेवरुन सुनावलं!
महत्त्वाच्या बातम्या
