Donald Trump on BRICS : BRICS कधीच मेलाय! मोदी अमेरिकेत येण्यापूर्वीच जशास तसा कर लावण्यावर डोनाल्ड ट्रम्प सही करून रिकामे, डाॅलरवरून पुन्हा थेट धमकी दिली
Donald Trump : डाॅलरशी खेळ करण्याचा प्रयत्न केल्यास 100 टक्के कर आकारला जाईल आणि ज्यादिवशी हे केलं जाईल त्या दिवशी ते भीख मागतील, असा इशाराच डोनाल्ड ट्रम्प यांनी देऊन टाकला.
Donald Trump on BRICS : पंतप्रधान नरेंद्र मोदी सध्या अमेरिका दौऱ्यावर असताना सुद्धा टॅरिफवरून धमकावत सुटलेल्या राष्ट्राध्यक्ष डोनाल्ड ट्रम्प यांच्यावर कोणताही परिणाम झालेला नाही. डोनाल्ड ट्रम्प यांनी कर दरवाढीबाबत भाषण केले. एकीकडे ट्रम्प भारतासोबत व्यापार वाढविण्याबाबत बोलत असताना दुसरीकडे ट्रम्प यांनी ब्रिक्स (BRICS) देशांना कडक इशारा दिला आहे. ट्रम्प यांनी जाहीर केले की जर ब्रिक्स देशांनी एक समान चलन सुरू करण्यासाठी पुढे सरकले तर त्यांना अमेरिकेतील सर्व आयातीवर 100 टक्के शुल्क लागू होईल. ब्रिक्स कधीच मेल्याचे सांगत त्यांनी एक प्रकारे पुन्हा धमकी दिली आहे. डाॅलरशी खेळ करण्याचा प्रयत्न केल्यास 100 टक्के कर आकारला जाईल आणि ज्यादिवशी हे केलं जाईल त्या दिवशी ते भीख मागतील, असा इशाराच देऊन टाकला. इतकेच नव्हे जशास तसे कर लादण्यावर ट्रम्प यांनी मोदी अमेरिकेत पोहोचण्यापूर्वीच कार्यकारी आदेशावर सही करत कोणताही मुलाहिजा ठेवला नाही.
अमेरिकेचे राष्ट्राध्यक्ष डोनाल्ड ट्रम्प यांनी देशाची सूत्रे हाती घेतल्यापासून ते शुल्क आणि आंतरराष्ट्रीय व्यापाराबाबत कठोर पावले उचलत आहेत. आपल्या निवडणूक प्रचारादरम्यान ट्रम्प यांनी जशास तसे उत्तर देत टॅरिफसाठी 100 टक्के शुल्क घेतले जाईल, असे म्हटले होते. आता ट्रम्प या दिशेने वाटचाल करताना दिसत आहेत.
तर त्यांना 100 टक्के शुल्काचा सामना करावा लागेल
पंतप्रधान मोदी सध्या अमेरिका दौऱ्यावर आहेत. दरम्यान, मोदी आणि राष्ट्राध्यक्ष ट्रम्प यांची भेट झाली. यावेळी एकीकडे ट्रम्प यांनी अनेक मुद्द्यांवर पंतप्रधान मोदींचे कौतुक केले आणि दोन्ही देशांमधील व्यापार वाढविण्यावर चर्चा झाली. दुसरीकडे ट्रम्प यांनी ब्रिक्स समूहाला इशारा दिला ज्यामध्ये भारत देखील एक भाग आहे. जर या देशांनी स्वतःचे समान चलन तयार केले तर त्यांना 100 टक्के शुल्काचा सामना करावा लागेल, असे अमेरिकन राष्ट्राध्यक्षांनी सांगितले. दरम्यान, भारतावर शुल्क लादण्याबाबत ट्रम्प म्हणाले की, आम्ही भारताच्या शुल्काप्रमाणेच राहू.
#WATCH | "...BRICS is dead..." says US President Donald Trump
— ANI (@ANI) February 13, 2025
US President Donald Trump says, "BRICS was put there for a bad purpose... I told them if they want to play games with the Dollar, then they are going to be hit by a 100% tariff. The day they mention that they want to… pic.twitter.com/sgI88oktqD
ब्रिक्सला दिला कडक इशारा
राष्ट्राध्यक्ष डोनाल्ड ट्रम्प म्हणाले, ब्रिक्स मृत झाले आहे. पंतप्रधान मोदी यांच्या नियोजित भेटीच्या काही तास आधी त्यांनी हे वक्तव्य केले. ब्रिक्समध्ये 11 सदस्य आहेत. यामध्ये ब्राझील, चीन, इजिप्त, इथिओपिया, भारत, इंडोनेशिया, इराण, रशिया, सौदी अरेबिया, दक्षिण आफ्रिका, संयुक्त अरब अमिरातीचा समावेश आहे. तसेच भारत त्याच्या संस्थापक सदस्यांपैकी एक आहे. ट्रम्प यांनी ब्रिक्सच्या संदर्भात सांगितले की जर त्यांनी डॉलरच्या विरोधात खेळ केला आणि कोणत्याही प्रकारचे सामान्य चलन सुरू केले तर त्यांच्यावर 100 टक्के शुल्क लागू केले जाईल. आपल्या भूमिकेचा पुनरुच्चार करताना ते म्हणाले, ब्रिक्स देश डॉलरशी खेळले तर त्यांना 100 टक्के शुल्काचा सामना करावा लागेल. जेव्हा ट्रम्प यांना ब्राझील, रशिया, भारत आणि चीन यांनी स्वतःची चलन स्थापन करण्याबद्दल विचारले असता त्यांनी असा इशारा दिला की जर कोणताही व्यापार झाला तर किमान 100 टक्के शुल्क लागू केले जाईल.
Speaking on Tariffs
— Dr Nilima Srivastava (@gypsy_nilima) February 14, 2025
“ India has been the highest tariffed nation in the world…. “
Whatever tariffs will be imposed on other countries will be imposed on India as well pic.twitter.com/PArtIURIAw
परस्पर दर नमूद केले आहेत
वॉशिंग्टन डीसीमध्ये पंतप्रधान मोदींची उपस्थिती असूनही, ट्रम्प ब्रिक्स ब्लॉकच्या विरोधात त्यांच्या कठोर शब्दांपासून मागे हटले नाहीत. यासोबतच ट्रम्प यांनी परस्पर शुल्काबाबतही चर्चा केली. त्यांच्या सोशल मीडिया हँडलवर परस्पर टॅरिफबद्दल बोलताना ट्रम्प म्हणाले, पारस्परिक टॅरिफ म्हणजेच टिट-फॉर-टॅट टॅरिफ लागू करण्याची घोषणा आहे. ट्रम्प म्हणाले की, कोणताही देश अमेरिकन वस्तूंवर टॅरिफ लादतो, अमेरिकाही त्या देशाच्या वस्तूंवर समान शुल्क लावेल.
भारत या देशांशी स्वतःच्या चलनात व्यापार
दरम्यान, युक्रेन संघर्षापासून भारत आणि रशिया त्यांच्या राष्ट्रीय चलनांमध्ये लक्षणीय व्यापार करत आहेत, परंतु तेथेही, विनिमय दर अनेकदा डॉलरशी जोडलेले असतात. भारत आणि UAE (आता ब्रिक्स देश) यांनीही रुपया आणि दिरहममध्ये थेट व्यापार सुरू केला आहे. भारताने डझनहून अधिक देशांसोबत अशी द्विपक्षीय यंत्रणा स्थापन केली आहे.
चीन आणि रशिया देखील डॉलरमध्ये व्यवसाय करत नाहीत
रशिया आणि चीन स्थानिक चलनात व्यापार करतात. अधिकाधिक देश त्यांच्या स्वतःच्या चलनांमध्ये व्यापार करण्याचा विचार करत आहेत. त्यामागचे कारण असे की असे वाटले की डॉलरचे नुकतेच हत्यार बनले आहे आणि इतर देश देखील रशियासारख्याच स्थितीत सापडू शकतात. युक्रेनशी युद्ध सुरू असताना युरोपीय देशांनी रशियावर अनेक प्रकारचे निर्बंध लादले होते.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
