Exclusive: अफगाणिस्तानमध्ये अडकलेल्या भारतीयांना वाचवण्यासाठी 'ऑपरेशन देवी शक्ती', जाणून घ्या का ठेवलं नाव

Afghanistan News: मंगळवारच्या बचाव मोहिमेनंतर 16 ऑगस्टपासून दिल्लीला परत आणलेल्या लोकांची संख्या 800 वर गेली आहे.

संग्रहित छायाचित्र

Afghanistan News: हिंसाग्रस्त अफगाणिस्तानात अडकलेल्या भारतीयांना वाचवण्यासाठी सुरु असलेल्या बचाव मोहिमेला 'ऑपरेशन देवी शक्ती' (Operation Devi Shakti) असे नाव देण्यात आले आहे. पंतप्रधान नरेंद्र मोदी यांनी या ऑपरेशनला 'ऑपरेशन देवी शक्ती' असे नाव दिले आहे. हे नाव कसे अस्तित्वात आले याची माहिती सूत्रांनी दिली. ऑपरेशनशी संबंधित सूत्रांनी सांगितले की हे नाव निवडले गेले कारण हा निष्पाप लोकांना हिंसाचारापासून वाचवण्याचा हा एक प्रयत्न आहे, ज्याप्रमाणे 'माँ दुर्गा' निरपराध लोकांना राक्षसांपासून वाचवते, त्याचप्रमाणे काबूलमधून निष्पाप लोकांना वाचवण्यासाठी आणि त्यांना सुरक्षित आणण्यासाठी हे ऑपरेशन राबवण्यात आले आहे. 

सुदानमधील भारतीयांना बाहेर काढण्यासाठी अशाच प्रकारचे संकट मोचन सुरू राबवण्यात आले होते. पंतप्रधान नरेंद्र मोदी दुर्गा देवीचे महान भक्त आहेत. ते नवरात्रात नऊ दिवस उपवास ठेवतात. नऊ दिवस, फक्त गरम पाणी पितात आणि कधीकधी एका वेळच्या आहारात फक्त एक फळ खातात.

नुकत्याच झालेल्या सीसीएस बैठकीत पंतप्रधानांनी आपल्या मंत्रिमंडळाला निर्देश दिले होते की, अफगाणिस्तानातील लोकांच्या बचाव कार्याला मानवी दृष्टिकोनातून पाहिले पाहिजे. ते म्हणाले की, केवळ हिंदू आणि शीख सारख्या अल्पसंख्यांकांना अफगाणिस्तानातून विविध विमानांनी परत आणले पाहिजे असं नाही, तर अनेक अफगाण नागरिकांनीही या संकटकाळात भारतात येण्याचा पर्याय निवडला आहे, त्यामुळे त्यांना परत आणण्यासाठी कोणतीही कसर सोडली जाऊ नये.

तालिबानने वेढलेल्या काबूलच्या ताजिक शहरातून बाहेर काढल्यानंतर भारताने मंगळवारी आपल्या 25 नागरिकांना आणि अनेक अफगाणी शीख आणि हिंदूंसह 78 लोकांना दुशांबेमधून परत आणले. शीख धर्मग्रंथ, गुरु ग्रंथ साहिबच्या तीन प्रतींसह हा गट सोमवारी भारतीय हवाई दलाच्या लष्करी वाहतूक विमानाने काबूलहून दुशांबेला रवाना झाला. यावेळी केंद्रीय मंत्री हरदीप सिंह पुरी आणि व्ही मुरलीधरन यांनीही इंदिरा गांधी आंतरराष्ट्रीय विमानतळावर लोकांचे स्वागत केले.

मंगळवारच्या बचावकार्यानंतर, 16 ऑगस्टपासून दिल्लीला परत आणलेल्या लोकांची संख्या 800 वर गेली आहे. तालिबानने अफगाणिस्तानची राजधानी ताब्यात घेतल्याच्या एक दिवसानंतर पहिल्या तुकडीला काबूलहून विमानाने हलवण्यात आले होते.

पुरी यांनी ट्विट केले की, "काही काळापूर्वी काबुल ते दिल्ली येथे श्री गुरु ग्रंथ साहिब जी यांचे तीन पवित्र स्वरूप प्राप्त करण्याचा आणि त्यांना अभिवादन करण्याचा बहुमान मिळाला." एअर इंडियाच्या विमानाने दुशांबेहून लोकांना परत आणण्यात आले. ऑपरेशन देवी शक्तीचा एक भाग म्हणून भारताने नाटो आणि अमेरिकेच्या विमानांनी काबूलमधून नागरिकांना बाहेर काढल्यानंतर काही दिवसांनी कतारची राजधानी दोहा येथून आपल्या 146 नागरिकांना परत आणले.
 
तालिबानने 15 ऑगस्ट रोजी काबूल काबीज केले. तालिबानने काबूलवर ताबा मिळवल्यानंतर दोन दिवसातच भारताने अफगाणिस्तानच्या राजधानीतील भारतीय दूतावासातील इतर दूतावासातील 200 कर्मचाऱ्यांसह 200 लोकांना बाहेर काढले. पहिल्या निर्वासन विमानाने 16 ऑगस्ट रोजी 40 हून अधिक लोकांना, बहुतेक भारतीय दूतावासाचे कर्मचारी परत आणले.

ऑपरेशन अद्याप संपलेले नाही आणि हे ऑपरेशन देवी शक्ती पुढील काही दिवस चालू राहण्याची अपेक्षा आहे.