Donald Trump H1B Visa: H-1B व्हिसासाठी फक्त एकदाच शुल्क आकारणार, जुन्या व्हिसाधारकांचं काय होणार? व्हाईट हाऊसकडून खुलासा
Donald Trump H1B Visa: एच-1 बी व्हिसासाठी नवीन नियम आज 21 सप्टेंबर 2025 पासून लागू होत आहेत. नवीन एच-1 बी व्हिसाच्या नियमांचा कंपन्या आणि कर्मचाऱ्यांवर काय परिणाम होणार?
Donald Trump H1B Visa: अमेरिकेचे राष्ट्राध्यक्ष डोनाल्ड ट्रम्प यांनी शुक्रवारी (19 सप्टेंबर 2025) एका आदेशावर स्वाक्षरी केली. ज्यामुळे एच-1बी व्हिसाचे शुल्क 100000 अमेरिकन डॉलर्स किंवा अंदाजे 9 दशलक्ष डॉलर्सपर्यंत वाढले. ट्रम्प यांच्या या निर्णयाचा अमेरिकेतील भारतीय कामगारांवर विपरीत परिणाम होण्याची अपेक्षा आहे. दरम्यान, व्हाईट हाऊसच्या एका अधिकाऱ्याने शनिवारी (20 सप्टेंबर 2025) स्पष्ट केले की एच-1बी व्हिसासाठी 100000 अमेरिकन डॉलर्स शुल्क फक्त नवीन अर्जदारांना लागू होईल.
H-1B व्हिसा म्हणजे काय?
H-1B व्हिसा हा अमेरिकेत एक नॉन-इमिग्रंट वर्क व्हिसा आहे. या व्हिसा अंतर्गत अमेरिकन कंपन्यांना परदेशी कामगारांना कामावर ठेवता येते. हा व्हिसा सामान्यतः शास्त्रज्ञ, सॉफ्टवेअर अभियंते, प्रोग्रामर आणि तांत्रिक तज्ञांना दिला जातो. सुरुवातीला तो तीन वर्षांसाठी वैध असतो आणि तो सहा वर्षांपर्यंत वाढवता येतो.
नवीन नियम आणि तारीख
व्हाईट हाऊसच्या प्रेस रिलीजनुसार, नवीन एच-1बी व्हिसा नियम 21 सप्टेंबर 2025 पासून लागू होतील. राष्ट्राध्यक्ष डोनाल्ड ट्रम्प यांनी जाहीर केले आहे की, आता प्रत्येक अर्जासोबत 100000 अमेरिकन डॉलर्स शुल्क आकारले जाईल. शुल्काशिवाय अर्ज अवैध मानले जातील आणि अशा कामगारांना अमेरिकेत प्रवेश दिला जाणार नाही.
टेक कंपन्यांची प्रतिक्रिया
ट्रम्पच्या घोषणेनंतर प्रमुख टेक कंपन्यांनी लगेच प्रतिक्रिया दिली. मायक्रोसॉफ्टने आपल्या कर्मचाऱ्यांना अमेरिकेतच राहण्याचा सल्ला दिला. अमेझॉन, मेटा आणि गुगलची मूळ कंपनी अल्फाबेटने बाहेरगावी जाणाऱ्या कर्मचाऱ्यांना परत येण्याचे आवाहन केले. वित्तीय संस्था जेपी मॉर्गन चेसनेही असाच सल्ला जारी केला.
व्हिसा नियम बदलण्यामागे ट्रम्पचा युक्तिवाद काय आहे?
राष्ट्राध्यक्ष ट्रम्प म्हणतात की, एच-1बी व्हिसाचा गैरवापर होत आहे. अनेक आउटसोर्सिंग कंपन्या त्यावर अवलंबून असतात आणि त्यामुळे राष्ट्रीय सुरक्षेला धोका निर्माण होतो. कायदा अंमलबजावणी संस्था आता या गैरवापराची चौकशी करत आहेत.
नवीन नियमानुसार, कंपन्यांनी कोणत्याही H-1B याचिकेवर प्रक्रिया सुरू करण्यापूर्वी शुल्क भरल्याचे प्रमाणपत्र घेणे अनिवार्य आहे. हे प्रमाणपत्र त्यांनी स्वतःकडे सुरक्षित ठेवावे लागेल आणि गरज भासल्यास सरकारकडे सादर करावे लागेल.
नवीन H-1B व्हिसा नियमांमध्ये कोणते बदल आहेत?
- हे एकवेळ शुल्क आहे जे फक्त प्रत्येक नवीन H-1B व्हिसा अर्जावर लागू होईल.
- हा नियम फक्त नवीन व्हिसांना लागू होईल, विद्यमान व्हिसा धारकांना किंवा त्यांच्या नूतनीकरणासाठी नाही.
- पुढील H-1B लॉटरी सायकलमध्ये हा नियम पहिल्यांदाच लागू होईल.
- याचा परिणाम 2025 च्या लॉटरीच्या विजेत्यांवर होणार नाही.
- ज्यांच्याकडे आधीच H-1B व्हिसा आहे किंवा ज्यांनी 2025 ची लॉटरी जिंकली आहे. त्यांना काळजी करण्याचे कारण नाही.
आणखी वाचा
महत्त्वाच्या बातम्या
