Bomb Threat Onboard : इराणहून चीनकडे निघालेल्या विमानात बॉम्ब असल्याची धमकी, धमकीनंतर भारतीय वायू दलाकडून विमानाला सुरक्षा

Bomb Threat Onboard : भारतीय वायू दलाकडून विमानाला सुरक्षा देण्यात आली आहे.  भारताच्या सुरक्षेत इराणचं विमान चीनमध्ये सुरक्षित दाखल करण्यात आली आहे.

Representative Photo ( Image Source : Getty Images )

Iran Passenger Jet :  इराणहून चीनकडे निघालेल्या विमानात (Iranian Passenger Jet) बॉम्ब असल्याच्या धमकीने खळबळ उडाली. सूत्रांनी दिलेल्या माहितीनुसार धमकीनंतर भारतीय वायू दलाकडून विमानाला सुरक्षा देण्यात आली आहे.  भारताच्या सुरक्षेत इराणचं विमान चीनमध्ये सुरक्षित दाखल करण्यात आले आहे. विमानाने भारतात एमरजन्सी लँडिंगची परवानगी मागितील होती. सुरक्षेच्या कारणांमुळे भारताने ती नाकारली. 

 

‘Bomb threat’ onboard Iranian passenger jet over Indian airspace, with final destination in China, triggers alert, IAF jets scrambled. The passenger jet is now moving towards China. Security agencies monitoring the plane: Sources pic.twitter.com/5Up2fHURxW

— ANI (@ANI) October 3, 2022

इराणहून चीनकडे निघालेले विमान जेव्हा भारतीय हद्दीतून (Indian Air Space)  प्रवास करत होते त्या दरम्यान ही धमकी मिळाली. लाहोर एटीसीने (Lahore ATC)  विमानात बॉम्ब (Onboard Bomb Threat) असल्याची माहिती दिली. दरम्यान भारताने एमरजन्सी लँडिगला परवानगी दिली नाही. विमान जेव्हा भारतीय हद्दीतून प्रवास करत होते त्यावेळी दिल्ली (Delhi Aiport) आणि जयपूर एअरपोर्टला  (Jaipur Airport)  सूचना दिली गेली. त्यानंतर सर्व भारतीय एजन्सी सतर्क झाल्या. रिपोर्टसने दिलेल्या माहितीनुसार, विमानाने भारताकडे एमर्जन्सी लँडिंगची परवानगी मागितली त्यानंतर अधिकाऱ्यांनी परवानगी दिली नाही. विमानाला दिल्ली आणि जयपूरला लँडिंग करायचे होते परंतु परवानगी न दिल्याने विमानाने आपल प्रवास चीनच्या दिशेने सुरू ठेवला.

एबीपी न्यूजच्या विश्वसनीय सूत्रांनी दिलेल्या माहितीनुसार, ही फ्लाईट महान एअरलाईन्सची होती. विमानात बॉम्ब (Bomb Threat)  असल्याची कोणतीही अधिकृत माहिती समोर आली नाही. दरम्यान हे विमान भारतीय हवाई हद्दीच्या (Indian Air Space) बाहेर गेले आहे. बॉम्ब ठेवल्याच्या बातमीनंतर भारतीय हवाई दल अॅक्शन मोडमध्ये आले. सुखोई विमानाचे उड्डाण केले.  काही अनुचित प्रकार घडल्यास परिस्थिती नियंत्रणात आणण्यासाठी सुखोई विमानाला पाठवले, हा त्या मागचा मुख्य हेतू होता. जेणेकरून या विमानाला भारतीय हवाई हद्दीच्या लवकर बाहेर घेऊन जाणे शक्य होईल.

संबंधित बातम्या :