Sleepless Man : ... अन् कायमचीच झोप उडाली; 61 वर्ष झोपलाच नाही 'हा' व्यक्ती, नक्की असं झालं तरी काय?
Man Became Sleepless : जगात असा एक व्यक्ती आहे जो गेल्या 61 वर्षांपासून झोपला नाही. हे कसं शक्य आहे? नक्की असं झालं तरी काय? वाचा सविस्तर.
Man Not Slept Since 1962 : निरोगी आरोग्यासाठी आहार आणि झोप (Sleep) यांच्या समतोल राखणं आवश्यक आहे. हा समतोल बिघडला तर, आरोग्याच्या समस्या उद्भवतात. पुरेशा प्रमाणात झोप घेणंही अत्यंत गरजेचे आहे. अनेक वेळा कामामुळे किंवा ताणतणावामुळे आपल्याला निद्रानाश या समस्येला सामोरे जावे लागते. पण जर तुमची झोप कायमचीच उडाली तर... जगात असाही एक व्यक्ती आहे, ज्याची झोप कायमची उडाली आहे. या व्यक्तीला झोप येत नाही. एका व्यक्तीने दावा केला आहे की, तो गेल्या 61 वर्षांपासून झोपलेला नाही.
61 वर्ष झोपलाच नाही 'हा' व्यक्ती
80 वर्षाच्या थाय एनजोक (Thai Ngoc) या आजोबांनी दावा केला आहे की, ते मागील 61 वर्षांपासून झोपलेले नाहीत. व्हिएतनाममध्ये राहणारे थाय एनजोक (Thai Ngoc) Sleepless Man म्हणून ओळखले जातात. एनजोक यांनी सांगितले की, त्यांना लहानपणी एका रात्री ताप आला होता, त्या रात्रीनंतर ते आजतागायत झोपलेले नाहीत. एनजोक यांच्या दावा आहे की, ते 1962 पासून झोपूच शकले नाहीत, जागेच आहेत. एनजोक जगातील कदाचित पहिलेच व्यक्ती असतील, ज्यांना झोप येत नाही. दरम्यान, असं असलं तरीही त्यांचीही इतरांप्रमाणे शांतपणे झोपावे, अशी इच्छा आहे.
कशी उडाली झोप?
मीडिया रिपोर्टनुसार, 1962 पासून एनजोक यांची झोप कायमची निघून गेली. अनेक दशकांपासून त्यांची पत्नी, मुले, मित्र किंवा शेजाऱ्यांनाही ते झोपलेले दिसले नाहीत. अनेक लोकांनी त्याची परीक्षा घेण्याचा प्रयत्न केला परंतु कोणीही त्यांचा दावा खोटा ठरवू शकलेले नाहीत.
'हा' आहे आजार
तज्ज्ञांच्या माहितीनुसार, या आजाराला निद्रानाश (Insomnia) म्हणतात. निद्रानाश झाल्यामुळे शारीरिक आणि मानसिक आरोग्यावर वाईट परिणाम होऊ शकतो. पण या आजाराचा एनजोक यांच्या आजाराचा त्यांच्या आरोग्यावर विशेष परिणाम झाल्याचं दिसत नाही. एनजोक तंदुरुस्त आहे. ते सकाळी वॉकला जातात आणि मेहनतीचं कामही करतात, मात्र निद्रानाशाचा त्यांच्या आरोग्यावर वाईट परिणाम झालेला नाही.
झोपण्याची आहे इच्छा
एनजोक यांना ग्रीन टी प्यायला आवडते. ते आहाराची खूप काळजी घेतात. ते वाईनचेही शौकीन आहेत. पण त्यांना एक कमतरता काय जाणवते की, ते इतरांप्रमाणे शांत झोपू शकत नाहीत. एनजोक यांची इच्छा आहे की, त्यांना एकदा तरी शांतपणे झोपता यावं.
महत्त्वाच्या इतर बातम्या :
महत्त्वाच्या बातम्या
