भिवंडीत केमिकल गोदामाला भीषण आग; 10 ते 12 गोदामे जळून खाक, घनदाट धुरामुळं नागरिकांना त्रास
भिवंडी तालुक्यातील वळपाडा येथील प्रितेश कॉम्प्लेक्समधील केमिकलच्या गोदामात भीषण आग (Bhiwandi fire) लागल्याची घटना घडली आहे. यामुळं परिसरात एकच खळबळ उडाली आहे.
Bhiwandi fire : भिवंडी तालुक्यातील वळपाडा येथील प्रितेश कॉम्प्लेक्समधील केमिकलच्या गोदामात भीषण आग (Bhiwandi fire) लागल्याची घटना घडली आहे. यामुळं परिसरात एकच खळबळ उडाली आहे. गोदामात मोठ्या प्रमाणावर केमिकल साठवलेले असल्याने आगीने रौद्ररुप धारण केले आहे. सतत मोठमोठे स्फोट होत असल्याची माहिती प्रत्यक्षदर्शींनी सांगितली आहे.
या भीषण आगीत संपूर्ण केमिकल गोदाम जळून खाक झाले आहे. धुराचे लोळ आठ ते दहा किलोमीटर अंतरावरुनही स्पष्टपणे दिसत आहेत. आगीचे कारण अद्याप अस्पष्ट असले तरी, आगीवर नियंत्रण मिळवण्यासाठी अग्निशामक दलाचे शर्थीचे प्रयत्न सुरू आहेत. आग विझवण्यासाठी भिवंडी अग्निशमन दलाच्या दोन गाड्या घटनास्थळी दाखल झाल्या आहेत.
10 ते 12 गोदामे पूर्णतः भस्मसात
दरम्यान, या आगीत सुमारे 10 ते 12 गोदामे पूर्णतः भस्मसात झाल्याची प्राथमिक माहिती मिळाली आहे. आगीमुळे निर्माण झालेल्या घनदाट धुरामुळे परिसरातील नागरिकांना डोळ्यांत जळजळ, श्वास घेण्यास त्रास अशा आरोग्यविषयक समस्या जाणवत आहेत. सुदैवाने या दुर्घटनेत कोणतीही जीवितहानी झाल्याचे वृत्त अजून समोर आलेले नाही.
छत्रपती संभाजीनगरमधील पैठण एमआयडीसीमध्ये आग
छत्रपती संभाजीनगर (Chhatrapati Sambhajinagar) जिल्ह्यातील केमिकल कंपनीला ( chemical company ) भीषण आग (Fire) लागल्याची घटना घडली आहे. पैठण एमआयडीसीमध्ये ही कंपनी असून, मोठी आग लागली आहे. केमिकल कंपनीत मोठा स्फोट झाला आहे, त्यानंतर ही आग लागल्याची माहिती मिळाली आहे. आगीची माहिती मिळताच अग्निशामक दलाच्या गाड्या घटनास्थळी दाखल झाल्या आहेत. आगीवर नियंत्रण मिळवण्यासाठी प्रयत्न सुरु आहे. ही आग नेमकी कशमुळं लागली? कंपनीत स्फोट नेमका कसा झाला? याबाबतची माहिती अद्याप मिळाली नाही.
महत्वाच्या बातम्या:
छत्रपती संभाजीनगरमध्ये केमिकल कंपनीत मोठा स्फोट, कंपनीला भीषण आग, अग्निशामक दल घटनास्थळी
महत्त्वाच्या बातम्या
