एक्स्प्लोर
जिओच्या मदतीने 4G विश्वात भारताची मोठी उसळी
मुंबई : केवळ सहा महिन्यात 10 कोटी ग्राहक जोडणाऱ्या रिलायन्स जिओमुळे भारताने 4G सेवा उपलब्धतेच्या बाबतीत 15 व्या क्रमांकावर झेप घेतली आहे. बुधवारी लंडन येथील वायरलेस कव्हरेज मॅपिंग कंपनी ओपन सिग्नलच्या रिपोर्टमध्ये ही माहिती समोर आली आहे. भारतात 2016 च्या तिसऱ्या तिमाहीमध्ये 4G सेवेची उपलब्धता 71.6 टक्के होती. तर आता 2017 सालच्या पहिल्या तिमाहीमध्ये ही उपलब्धता 81.6 टक्क्यांवर आली आहे, असं ओपन सिग्नलच्या रिपोर्टमध्ये म्हटलं आहे. भारतातील मोबाईल मार्केट सर्वात वेगाने बदलणारं मार्केट आहे. त्यामुळे सरकारला आणि दूरसंचार कंपन्यांना सगळ्याच बाबतीत जागतिक स्तरावर प्रगती करावी लागेल, ज्यामुळे ग्राहकांना अधिक चांगली सेवा देता येईल, असं ओपन सिग्नलचे सीईओ ब्रेंडन गिल यांनी म्हटलं आहे. 4G डाऊनलोडिंगमध्ये भारत पिछाडीवर भारत 4G डाऊनलोडिंग स्पीडच्या बाबतीत चांगलाच पिछाडीवर असल्याचंही या रिपोर्टमधून समोर आलं आहे. भारतात 4G डाऊनलोडिंग स्पीड सरासरी 5.1 एमबीपीएस आहे, जे 3G पेक्षा किंचीत जास्त आहे. 3G चा सरासरी डाऊनलोडिंग स्पीड 4.4 एमबीपीएस एवढा आहे. 4G डाऊनलोडिंग स्पीडच्या बाबतीत दक्षिण कोरियाने बाजी मारली आहे. 4G डाऊनलोडिंग स्पीडमध्ये दक्षिण कोरियाने दुसरा क्रमांक मिळवला. ओपन सिग्नलने या रिपोर्टमध्ये 75 देशांचा अभ्यास केला.
Before You Go
Umesh Tagunde Maharaj Pune Vastav 291 : महिला पाय धुवून पाणी पितात, पुण्याच्या बाबाचं वास्तव
महत्त्वाच्या बातम्या
राजकारण
अशीच स्थिती राहिल्यास भारत 2047 पर्यंत विकसित होणार नाही, श्रीलंका, बांगलादेशसारख्या देशांनी आधीच मागे टाकलं, योग्य नेतृत्व निवडण्यासाठी देशाला शांततापूर्ण क्रांतीची गरज; सोनम वांगचूक काय काय म्हणाले?
विश्व
चीन-पाकिस्तानची दोस्ती हिमालयापेक्षाही बुलंद, असीम मुनीरांच्या नेतृत्वात दुश्मनला हरवलं, ट्रम्पमुळेच युद्ध थांबलं, काश्मीरवर भूमिका बदलणार नाही; पाकिस्तानी पंतप्रधानांची भारताला धमकी
भारत
हा माझ्या आणि विद्यार्थ्यांमधील प्रश्न, बार कौन्सिलला यात हस्तक्षेप करण्याचा काय अधिकार? विरोध करत आहेत, तर करू द्या, सरन्यायाधीशांकडून 'सर्वोच्च' फटकार
व्यापार-उद्योग
सोने खरेदी करण्याची हीच योग्य वेळ? एकाच दिवसात तब्बल 2,800 रुपयांची घसरण; पाहा सोने-चांदीचे ताजे दर
उमेश अलोणे, एबीपी माझा, अकोला
Opinion
