'या' दिवशी लॉन्च होणार Microsoft Windows चं बहुप्रतिक्षित 'नेक्स्ट जेनेरेशन'; युजर्सना फिचर्सची पर्वणी
Microsoft 24 जून रोजी होणाऱ्या इव्हेंटमध्ये Windows ऑपरेटिंग सिस्टमचं 'नेक्स्ट जेनेरेशन' वर्जन लवकरच लॉन्च करणार आहे. Microsoft चे सीईओ सत्या नडेलाही असणार उपस्थित
मुंबई : Microsoft याच महिन्यात आपल्या Windows ऑपरेटिंग सिस्टमचं 'नेक्स्ट जेनेरेशन' वर्जन लवकरच लॉन्च करणार आहे. कंपनीने घोषणा केली आहे की, कंपनी 24 जून रोजी संध्याकाळी 8.30 वाजता एका वर्च्युअल इव्हेंटचं आयोजन करणार आहे. या इव्हेंटमध्ये Microsoft चे सीईओ सत्या नडेला आणि चीफ प्रोडक्ट ऑफिसर पानोस पनयही उपस्थित राहणार आहे. काही दिवसांपूर्वी पार पडलेल्या Microsoft बिल्ड डेवलपर कॉन्फ्रेंस 2021 मध्ये कंपनीने यासंदर्भात माहिती दिली. लवकरच कंपनी आपल्या Windows ऑपरेटिंग सिस्टमचा नेक्स्ट जनरेशन वर्जन लॉन्च करणार आहे. आता ते 24 जून रोजी होणाऱ्या इव्हेंटमध्ये हे नवं वर्जन युजर्ससाठी लॉन्च करणार आहे.
Windows Central च्या रिपोर्टनुसार, Windows ऑपरेटिंग सिस्टमच्या या नव्या वर्जनचं कोड नेम 'Sun Valley' ठेवण्यात आलं आहे. यामध्ये Windows चं नवं अॅप स्टोअर आणि युजर इंटरफेसचं नवं डिझाइनचाही समावेश आहे. त्याचसोबत या नव्या वर्जनमध्ये काही खास अपडेट्सही पाहायला मिळेल.
डेव्हलपर आणि क्रिएटरवर असणार फोकस
बिल्ड डेवलपर कॉन्फ्रेंस 2021 दरम्यान, Microsoft चे सीईओ सत्य नडेलाने म्हटलं होतं की, "आम्ही Windows ऑपरेटिंग सिस्टममध्ये काही मोठे अपडेट करणार आहोत. हे गेल्या एका दशकापासून आतापर्यंतचे सर्वात महत्त्वाचे बदल असणार आहेत. हे नवे अपडेट्स आम्ही लवकरच तुमच्यासोबत शेअर करणार आहोत. आमचा हेतू याद्वारे डेव्हलेपर आणि क्रिएटर अधिक चांगल्या आर्थिक संधी देणं हा आहे. गेल्या काही महिन्यांपासून मी स्वतः यावर काम करत आहे. मी Windows च्या या नेक्स्ट जेनरेशनबाबत खूपच उत्साही आहे."
दरम्यान, गेल्या काही महिन्यांपासून मायक्रोसॉफ्ट Windows च्या नव्या अॅपवर काम करत आहे. त्याचसोबत ऑपरेटिंग सिस्टमच्या युजर इंटरफेसमध्ये अनेक महत्त्वाच्या बदलांवर काम केलं आहे. या अॅप स्टोअरमध्ये डेव्हलपर्सही आपले अॅप तयार करुन टाकू शकणार आहेत. ज्यामध्ये क्रोम आणि फायरफॉक्सप्रमाणे ब्राउझर्सचाही समावेश असणार आहे. या व्यतिरिक्त युजर्सना ऑपरेटिंग सिस्टिममध्ये विंडो 95 चे आयकॉन मिळू शकतात.
महत्त्वाच्या इतर बातम्या :
महत्त्वाच्या बातम्या
