iPhone 13 Launch : प्रतिक्षा संपली! सप्टेंबरमध्ये 'या' दिवशी होणार Apple चा नवीन फोन लॉन्च

गेल्या वर्षीच्या तुलनेत एक महिना आधीच Apple च्या या नव्या मॉडेलचे लॉन्चिंग होणार आहे. iPhone 13 ची किंमत किंवा इतर फीचर्सबद्दल कोणतीही माहिती अद्याप समोर आली नाही.

iphone

iPhone 13 Launch : जगातली सर्वात मोठी टेक कंपनी  Apple आपला iPhone 13 फोन कधी लॉन्च करणार याची अनेकांना प्रतिक्षा होती. ही प्रतिक्षा आता संपली असून  Apple चा नवा iPhone 13 आता सप्टेंबरमध्ये 14 तारखेला लॉन्च करण्यात येणार असल्याची माहिती समोर आली आहे. गेल्या वर्षी ऑक्टोबरमध्ये Apple ने आपला  iPhone 12 लॉन्च केला होता. त्याला मोठा प्रतिसाद मिळाला होता. त्यानंतर त्याच्या पुढच्या मॉडेलबद्दल म्हणजे iPhone 13 बद्दल लोकांमध्ये उत्सुकता होती. 

गेल्या वर्षीच्या तुलनेत एक महिना आधीच Apple च्या या नव्या मॉडेलचे लॉन्चिंग होणार आहे. चीनच्या एका ई-कॉमर्स वेबसाईटने,  ITHome ने iPhone 13 च्या चार मॉडेल्सना सूचीबद्ध केलं आहे आणि मायक्रोब्लॉगिंग Weibo वेबसाईटवर याची माहिती दिली आहे.   Apple आपल्या iPhone 13 चे चार मॉडेल बाजारपेठेत आणणार आहे. iPhone 13, iPhone 13 Mini, iPhone 13 Pro आणि iPhone Pro Max हे चार मॉडेल सप्टेंबरच्या 14 तारखेला लॉन्च करण्यात येणार आहेत. त्याचसोबत AirPods 3 चेही लॉन्च करण्यात येणार आहे. 

Apple च्या iPhone 13 मॉडेलचे प्री-बुकिंग 17 सप्टेंबरपासून सुरु होणार असून त्याची विक्री 14 सप्टेंबरपासून करण्यात येणार असल्याची माहिती समोर येत आहे. या व्यतिरिक्त iPhone 13 ची किंमत किंवा इतर फीचर्सबद्दल कोणतीही माहिती अद्याप समोर आली नाही. पण iPhone 12 च्या किंमतीएवढीच किंमत iPhone 13 ची असेल अशी शक्यता आहे. भारतात या फोनचे लॉन्चिंग कधी होणार याची माहिती अद्याप समोर आली नाही. 

महत्वाच्या बातम्या :