(Source: ECI/ABP News)
Airtel ग्राहकांसाठी खुशखबर! मिळवा फ्री 500MB डेटा; जाणून घ्या नव्या प्रीपेड प्लॅन्सबद्दल
एअरटेल (Airtel) कंपनीने नुकतीच त्यांच्या प्रीपेड प्लॅन्सची घोषणा केली आहे.
Airtel Prepaid Plans Offers: एअरटेल (Airtel) कंपनीने नुकतीच त्यांच्या प्रीपेड प्लॅन्सची घोषणा केली आहे. कंपनीने त्यांचे टॅरिफ दर वाढवले आहेत. त्यामुळे एअरटेल ग्राहक निराश झाले होते. पण आता कंपनीने काही निवडक रिचार्ज पॅक्सवर दररोज 500mb डेटा फ्री देण्याचा निर्णय घेतला आहे. रिचार्ज पॅकसोबत मिळणाऱ्या डेटामध्ये ग्राहकांना 500MB डेटा जास्त मिळणार आहे.
कोण-कोणत्या प्लॅनमध्ये मिळणार फ्री डेटा
कंपनी त्यांच्या 265, 299, 719 आणि 839 रुपयांच्या पॅकवर 500MB डेटा फ्री देणार आहे. प्लॅनमध्ये मिळणारा डेटा संपल्यावर ग्राहक हा फ्री मिळालेला डेटा वापरू शकतात. कंपनी 265 रुपयांच्या प्लॅनमध्ये दररोज 1GB डेटा देते, तर 299 रुपयांच्या आणि 719 रुपयांच्या पॅकमध्ये 1.5GB डेटा आणि 839 रुपयांच्या प्लॅनमध्ये कंपनी 2GB डेली डेटा ग्राहकांना देते.
कंपनीच्या वेबसाइटवर दिलेल्या माहितीनुसार, फ्री डेटा मिळवण्यासाठी ग्राहकांना एअरटेलच्या थँक्स अॅपचा वापर करावा लागेल.
249 रूपयांचा प्रीपेड प्लॅन आता 299 रूपयांचा असेल
यापूर्वी एअरटेल आपल्या 249 रुपयांच्या प्रीपेड प्लॅनमध्ये 500MBअतिरिक्त डेटा देत होती, परंतु कंपनीने त्यांच्या टॅरिफचे दर वाढवल्यामुळे हा 249 पॅक 299 झाला आहे.
एअरटेलच्या प्रीपेड प्लॅनच्या दरामध्ये 26 नोव्हेंबरपासून 20-25 टक्क्यांची वाढ झाली आहे. एअरटेलचा सध्याचा 79 रुपयांचा प्रीपेड प्लॅन आता 99 रुपयांचा होणार आहे. ज्यामध्ये 50टक्के जास्त टॉकटाईम आणि 200एमबी डेटा मिळेल. याशिवाय 149 रुपयांचा प्लॅन आता 179 रुपयांना मिळेल. यामध्ये दिवसाला 100 एसएमएस आणि 1 जीबी डेटा मिळेल. तर 299चा प्लॅन 359 रुपयांना मिळणार आहे. यात दिवसाला 1.5 जीबी डेटा मिळेल.
हे देखील वाचा-
महत्त्वाच्या बातम्या
