Sonalee Kulkarni : "स्वत:साठी नाही तर आपल्या माणसांसाठी लढणाऱ्या स्त्रियांना समर्पित"; जागतिक महिला दिनानिमित्त सोनाली कुलकर्णीची लक्षवेधी पोस्ट

Sonalee Kulkarni : 'जागतिक महिला दिना'निमित्त सोनाली कुलकर्णीने एक खास पोस्ट शेअर केली आहे.

Sonalee Kulkarni

Sonalee Kulkarni On International Womens Day : मराठमोळी अभिनेत्री सोनाली कुलकर्णी (Sonalee Kulkarni) सध्या 'मोगलमर्दिनी छत्रपती ताराराणी' (Mogal Mardini Chatrapati Tararani) या सिनेमामुळे चर्चेत आहे. दरम्यान आज जागतिक महिला दिनानिमित्त (International Womens Day) सोनालीने एक लक्षवेधी पोस्ट केली आहे. स्वत:साठी नाही तर आपल्या माणसांसाठी लढणाऱ्या स्त्रियांना समर्पित पोस्ट सोनालीने केली आहे. 

सोनालीने काय लिहिलं आहे? 

सोनालीचा 'मोगलमर्दिनी छत्रपती ताराराणी' हा सिनेमा लवकरच प्रेक्षकांच्या भेटीला येणार आहे. आता तिने खास फोटो शेअर करत लिहिलं आहे, "भारतीय इतिहासातील दमदार पात्रांपैकी एक असलेल्या या स्त्रीला पोर्तुगीजांनी 'मराठ्यांची राणी' असे संबोधले होते. महाराणी ताराबाई भोसले या छत्रपती शिवाजी महाराजांच्या सून, सरसेनापती हंबीररावांच्या शूर कन्या आणि भारतातील सर्वात महान मध्ययुगीन सम्राटांपैकी एक आहेत". 

सोनालीने लिहिलं आहे,"अफाट ताकदीने आणि इच्छाशक्तीच्या जोरावर राज्य वाचवणाऱ्या इतिहासातील मोजक्या महिलांपैकी ताराबाईंच्या अदम्य धाडसाला आणि अदम्य वृत्तीला सलाम करावा लागेल. मराठ्यांचा उदय-अस्त पाहणारी स्त्री. आपल्या राज्याप्रती अत्यंत समर्पित असलेल्या अदम्य योद्धा महाराणी ताराबाईंना मराठा महासंघाला अगदी खालच्या पातळीवर असताना विघटित होण्यापासून रोखले नाही तर राष्ट्रीय सत्तेपर्यंत पोहोचण्यात त्यांचा मोलाचा वाटा होता. या एकट्यानं जगातील सर्वात पराक्रमी शासक औरंगजेबाच्या प्रचंड सैन्याविरुद्ध मराठ्यांचा प्रतिकार केला". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sonalee Kulkarni (@sonalee18588)

सोनालीने पुढे लिहिलं आहे, "मी हा जागतिक महिला दिन त्यांना आणि त्यांच्यासारख्या स्त्रियांना समर्पित करते. ज्या केवळ स्वत:साठीच नाही तर आपल्या माणसांसाठी लढतात". सोनालीच्या या पोस्टवर स्त्री शक्तीला मानाचा मुजरा, जागतिक महिला दिनाच्या शुभेच्छा, खूपच सुंदर, जय भवानी, जय शिवराय, अशा कमेंट्स चाहत्यांनी केल्या आहेत. 

'मोगलमर्दिनी छत्रपती ताराराणी'बद्दल जाणून घ्या...

सोनालीचा 'मोगलमर्दिनी छत्रपती ताराराणी' हा सिनेमा डॉ. जयसिंहराव पवार यांच्या कादंबरीवर आधारित आहे. या सिनेमाची घोषणा झाल्यापासून चाहते या सिनेमाची प्रतीक्षा करत आहेत. राहुल जनार्दनने या सिनेमाच्या दिग्दर्शनाची धुरा सांभाळली आहे. लवकरच हा सिनेमा प्रेक्षकांच्या भेटीला येणार आहे. अद्याप या सिनेमाची रिलीज डेट जाहीर झालेली नाही. 'मोगलमर्दिनी छत्रपती ताराराणी' या सिनेमात सोनाली ताराराणींच्या भूमिकेत झळकणार आहे. 

संबंधित बातम्या