Rohit Pawar On Walmik Karad: वाल्मिक कराडला खास ट्रिटमेंट, रुग्णालयाचा वॉर्ड रिकामा केला; रोहित पवारांच्या दाव्यानं खळबळ

Rohit Pawar On Walmik Karad: राष्ट्रवादी काँग्रेस शरद पवार गटाचे आमदार रोहित पवार यांनी एक्सवर पोस्ट करत सरकारवर निशाणा साधला आहे.

Rohit Pawar On Walmik Karad

Source : ABP

Rohit Pawar On Walmik Karad: बीडमधील मस्साजोग गावचे सरपंच संतोष देशमुख हत्या प्रकरणात (Santosh Deshmukh Murder Case) दररोज नवनवीन माहिती समोर येत आहे. सदर प्रकरणातील दोन कोटींच्या खंडणीप्रकरणी मोका लागलेले आरोपी वाल्मिक कराड (Walmik Karad) याला मिळत असलेल्या विशेष ट्रिटमेंटबाबत राष्ट्रवादी काँग्रेस शरद पवार गटाचे आमदार रोहित पवार (Rohit Pawar) यांनी एक्सवर पोस्ट करत निशाणा साधला आहे. 

सदर सरकारने कै. संतोष देशमुख हत्या प्रकरणात सुरूवातीपासूनच गुन्हेगारांना वाचवण्याचा ठेकाच घेतल्याची ठाम भावना महाराष्ट्राच्या जनतेची झाली आहे. यात भर म्हणजे खंडणी व हत्या प्रकरणातील मोकका लागलेल्या आरोपी वाल्मिक कराडला खास ट्रिटमेंट देण्याचे काम सिव्हिल सर्जन डॉ. अशोक थोरात हे करत असल्याची चर्चा आहे. आरोपी कराडला आराम करता यावा यासाठी हॉस्पिटलमधील एक वॉर्ड रिकामा करण्यात आला हे दुर्देवी आहे. त्याचबरोबर थोरातांवर ठराविक पद्धतीने अहवाल सादर करण्यासाठी दबाव टाकला गेला असल्याची व तो कोणी टाकला याविषयी शंका व्यक्त होत आहे. मुळात आरोपी कराडला खरंच आरोग्याची तक्रार असेल, तर त्याच्यावर  K.E.M. सारख्या हॉस्पिटलमधे उपचार करण्यात यायला हवे, अशी मागणी रोहित पवारांनी केली आहे.

सोमनाथ सूर्यवंशी प्रकरणाचा तपास देखील वेगाने पूर्ण करावा- रोहित पवार

सदर अधिकाऱ्यांच्या बरोबरच पोलीस खात्यातील आधी हेमंत कदम व आत्ता शितलकुमार बल्लाळ यांसारखे अधिकारी प्रशासकीय यंत्रणेत राहून आरोपींची ज्याप्रकारे मदत करत आहेत या वरून देशमुख कुटुंबियांना न्याय मिळेल का? असा प्रश्न सामान्यांच्या उपस्थित होत आहे. आपल्या कर्तव्यात कचराई करणाऱ्या या अधिकाऱ्यांना बाजूला करून, पारदर्शक पद्धतीने सर्व तपास चालवावा आणि  त्याचबरोबर सोमनाथ सूर्यवंशी प्रकरणाचा तपास देखील वेगाने पूर्ण करावा अशी सरकारला विनंती, असं रोहित पवार यांनी म्हटलं आहे.

रोहित पवारांची संपूर्ण पोस्ट-

या सरकारने कै. संतोष देशमुख हत्या प्रकरणात सुरूवातीपासूनच गुन्हेगारांना वाचवण्याचा ठेकाच घेतल्याची ठाम भावना महाराष्ट्राच्या जनतेची झाली आहे. यात भर म्हणजे खंडणी व हत्या प्रकरणातील मोक्का लागलेल्या आरोपी वाल्मिक कराडला खास ट्रिटमेंट देण्याचे काम सिव्हिल सर्जन डॉ. अशोक थोरात हे…

— Rohit Pawar (@RRPSpeaks) January 27, 2025

सुदर्शन घुलेला 31 जानेवारीपर्यंत पोलीस कोठडी-

संतोष देशमुख यांच्या हत्याकांडातील मुख्य आरोपी सुदर्शन घुले याला 31 जानेवारीपर्यंत पोलीस कोठडी सुनावण्यात आली आहे. सुदर्शन घुले याची पोलीस कोठडी मिळवण्यासाठी एसआयटीकडून बीडच्या न्यायालयामध्ये अर्ज करण्यात आला होता. त्यावर आज सुनावणी झाली. सुदर्शन घुलेच्या मोबाईलमधील डाटा हा फॉरेन्सीक विभागकडून रिकव्हर करण्यात आला आहे. त्यानूसार पुढे तपास करायचा आहे, असा मुद्दा मांडण्यात आला. यानंतर न्यायालयाने सुदर्शन घुलेला 31 जानेवारीपर्यंत पोलीस कोठडी सुनावण्यात आली. 

संबंधित बातमी: