Mumbai Pune Expressway Accident : मिसिंग लिंकवरील अपघातात काँग्रेसच्या युवा नेत्याचा जागीच मृत्यू; कोण होते तुषार भूमकर?
Mumbai Pune Missing Link Accident : पुण्याहून मुंबईकडे जाणाऱ्या फॉर्च्युनर कारची मालवाहू टेम्पोला भीषण धडक बसल्याने झालेल्या अपघातात वाकडमधील काँग्रेसच्या युवा नेत्याचा जागीच मृत्यू झाला.
मुंबई : मुंबई-पुणे एक्सप्रेस वेवरील मिसिंग लिंकच्या बोगद्यात शुक्रवारी रात्री दीड वाजण्याच्या सुमारास एक अत्यंत भीषण रस्ता अपघात घडला. पुण्याहून मुंबईच्या दिशेने भरधाव वेगात जाणाऱ्या एका फॉर्च्युनर कारने पुढे जाणाऱ्या भाजीपाल्याच्या मालवाहू टेम्पोला मागून जोरदार धडक दिली. या अपघातात फॉर्च्युनर कार आणि टेम्पो या दोन्ही वाहनांचा पुरता चक्काचूर झाला. या अपघातात पुण्यातील वाकडमधील काँग्रेस पक्षाचे सक्रिय युवा नेते तुषार भूमकर (Tushar Bhumkar) यांचा जागीच दुर्दैवी मृत्यू झाला, तर एक जण गंभीर जखमी झाला असून अन्य तिघे सुखरूप बचावले आहेत.
Who Was Tushar Bhumkar : कोण होते तुषार भूमकर?
तुषार भूमकर हे पुण्यातील वाकड (Wakad) परिसरातील रहिवासी होते. पुणे आणि पिंपरी-चिंचवड परिसरात काँग्रेस पक्षाशी संबंधित एक अभ्यासू आणि सक्रिय युवा कार्यकर्ते म्हणून त्यांची ओळख होती. सामाजिक उपक्रम, स्थानिक नागरिकांचे प्रश्न आणि काँग्रेस पक्षाच्या संघटनात्मक कार्यात त्यांचा सतत पुढाकार असायचा. तरुणांमध्ये दांडगा जनसंपर्क आणि सामाजिक कार्यातील सक्रियतेमुळे त्यांनी स्थानिक राजकारणात आपली एक वेगळी ओळख निर्माण केली होती.
तुषार भूमकर यांच्या अपघाती निधनानंतर त्यांचा मित्रपरिवार, स्थानिक नेते, कार्यकर्त्यांनी दुःख व्यक्त केलं. अनेकानी सोशल मीडियावरून त्यांना श्रद्धांजली वाहिली. त्यांच्या अकाली निधनामुळे काँग्रेस पक्षाचे स्थानिक नेते, कार्यकर्ते आणि वाकड परिसरात शोककळा पसरली आहे.
Mumbai Pune Missing Link Accident : दोन तास वाहतूक ठप्प
अपघाताची माहिती मिळताच महामार्ग पोलीस, आयआरबीचे (IRB) देवदूत पथक आणि स्थानिक मदत यंत्रणांनी त्वरित घटनास्थळी धाव घेतली. अपघातग्रस्त वाहनांमधून जखमींना बाहेर काढून तातडीने रुग्णालयात उपचारासाठी दाखल करण्यात आले.
अपघातामुळे मुंबईच्या दिशेने जाणारी वाहतूक सुमारे दोन तास पूर्णपणे ठप्प झाली होती. त्यामुळे महामार्ग पोलिसांनी सर्व वाहने जुन्या मुंबई-पुणे महामार्गाने वळवली होती. दोन्ही अपघातग्रस्त वाहने क्रेनच्या साहाय्याने हटवल्यानंतर एक्स्प्रेस वेवरील वाहतूक पूर्ववत सुरू झाली. या अपघाताचा पुढील तपास महामार्ग पोलीस करत आहेत.
ही बातमी वाचा:
Before You Go
Analogue paneer Special Report : महाराष्ट्रात ॲनालॉग पनीरवर वर्षभराची बंदी, तुकाराम मुंढेंचा तडाखा
महत्त्वाच्या बातम्या
