Pune Water Supply Cut: पुणेकरांसाठी महत्वाची बातमी, शहरातील 'या' भागात गुरुवारी पाणीपुरवठा राहणार बंद
Pune Water Supply Cut: जलवाहिनीतून होत असलेली गळती थांबवण्याचे काम करण्यासाठी येत्या गुरुवारी (25जुलै) शहरातील स्वारगेट आणि परिसरातील भागाचा पाणीपुरवठा बंद ठेवण्यात येणार आहे.
पुणे: पुणेकरांसाठी महत्वाची बातमी आहे. गुरुवारी पुण्यातील स्वारगेट परिसरातील पाणीपुरवठा बंद (Pune Water Supply) असणार आहे. जलवाहिनीतून होत असलेली गळती थांबवण्याचे काम करण्यासाठी येत्या गुरुवारी (25जुलै) शहरातील स्वारगेट आणि परिसरातील भागाचा पाणीपुरवठा (Pune Water Supply) बंद ठेवण्यात येणार आहे. शुक्रवारी सकाळी उशिरा व कमी दाबाने पाणीपुरवठा होणार आहे. त्यामुळे पुणेकरांना बुधवारी पाणी साठवून ठेवावं लागणार आहे. पुण्यातील स्वारगेट मेट्रो स्थानकाजवळ मोठ्या प्रमाणात पाणी गळती होत असल्या कारणाने महापालिका प्रशासनाकडून पाणी गळती थांबविण्यासाठी जलवाहिनी दुरुस्तीचे काम केले जाणार आहे.
जलवाहिनी दुरुस्तीच्या (Pune Water Supply) कामामुळे शहराच्या मध्यवर्ती भागातील काही पेठांसह पूर्व भागामध्ये गुरुवारी (ता.२५) पाणी पुरवठा बंद राहणार असल्याची माहिती आहे. दुसऱ्या दिवशी (शुक्रवारी) सकाळी उशिरा व कमी दाबाने पाणी पुरवठा होणार असल्याची माहिती महापालिकेच्या पाणी पुरवठा विभागाने दिली आहे.
पाणी पुरवठा बंद असणारा परिसर पुढीलप्रमाणे
शंकरशेठ रस्ता परिसर, गुरुवार पेठ, बुधवार पेठ, कासेवाडी, क्वार्टरगेट परिसर, गंज पेठ, भवानी पेठ, नाना पेठ, लोहिया नगर, सोमवार पेठ, अरुण वैद्य स्टेडियम परिसर, घोरपडे पेठ, लक्ष्मीनारायण टॉकिज मागील परिसर, पर्वती दर्शनचा काही भाग, मित्रमंडळ कॉलनीचा काही भाग, सारसबाग परिसर
खडकमाळ आळी, शिवाजी रोड परिसर, मुकुंदनगर, महर्षीनगरचा काही भाग, टिळक महाराष्ट्र विद्यापीठ कॉलनी, मीनाताई ठाकरे औद्योगिक वसाहत, अप्सराटॉकिज परिसर, मीरा आनंद परिसर, श्रेयस सोसायटी
पुणे महानगरपालिकेच्या (Pune Municipal Corporation) पाणीपुरवठा विभागाने दिलेल्या माहितीनुसार, स्वारगेट मेट्रो स्थानकासमोर पाण्याची गळती मोठ्या प्रमाणात होत आहे. 600 मिलिमीटर व्यासाची जलवाहिनी पर्वती जलकेंद्रामधून एमएलआर टाकीवरून भवानी पेठेकडे जाते. त्यातील पाण्याची मोठी नासडी होत आहे. ही पाणीगळती रोखण्यासाठी गुरुवारी शहराच्या मध्यवर्ती भागातील काही पेठांसह पूर्व भागामध्ये पाणीपुरवठा बंद (Pune Water Cut News) राहणार आहे. तसेच दुसऱ्या दिवशीचा पाणीपुरवठा उशिराने तसेच कमी दाबाने होणार आहे. त्यामुळे नागरिकांना पाण्याचा काटकसरीने वापर करावा. तसेच पुरेसे पाणी भरून ठेवावे, असं आवाहन करण्यात आलं आहे.
महत्त्वाच्या बातम्या
