Pune Rain Update: पुण्यातील परिस्थिती आणखी भीषण होण्याची शक्यता, खडकवासला धरणातून आणखी पाणी सोडणार, धडकी भरवणारी परिस्थिती
Pune Rain Update: पुणे महापालिकेने जलसंपदा विभागाला पाण्याचा विसर्ग कमी करण्याची विनंती केली. मात्र मुसळधार पावसामुळे पाण्याचा विसर्ग आणखी वाढवावा लागेल असं उत्तर जलसंपदा विभागाने महापालिकेला दिलंय.
पुणे: पुणे शहरात रात्रभर मुसळधार पाऊस झाला आहे. तर येत्या काही तासांमध्ये पुणे शहर (Pune Rain) परिसरातील, भोर, वेल्हा, मावळ, मुळशी, हवेली तालुक्यातील खडकवासला परिसरात अतिमुसळधार पावसाचा इशारा (Pune Rain)देण्यात आला आहे. यामुळे या भागातील शाळा २५ जुलै रोजी बंद ठेवण्याचे आदेश दिले आहेत. तसेच पुणे शहराच्या सखल भागात आणखी पाणी साचण्याची शक्यता आहे. खडकवासला धरणातून 40000 क्युसेक्स वेगाने पाण्याचा विसर्ग सुरु असल्याने मुठा नदीला पूर (Pune Heavy Rain) आला आहे. त्यामुळे पुणे शहरातील डेक्कन, सिंहगड रोड, एकता नगर, पूलाची वाडी या सखल भागांमध्ये पाणी शिरले आहे. पूलाची वाडी आणि एकता नगर परिसरातील अनेक घरांमध्ये पाणी शिरल्याने नागरिक अडकल्याची माहिती समोर आली आहे.
पाण्याचा प्रवाह मोठ्या प्रमाणावर वाढताना दिसत आहे. एकता नगर परिसर, डेक्कन परिसर, निंबजनगर या परिसरात मोठ्या प्रमाणावर लोक अडकले आहे.
पुणे महापालिकेने (Pune Rain) जलसंपदा विभागाला पाण्याचा विसर्ग कमी करण्याची विनंती केली. मात्र मुसळधार पावसामुळे पाण्याचा विसर्ग आणखी वाढवावा लागेल असं उत्तर जलसंपदा विभागाने महापालिकेला दिलं आहे.
पाण्याचा विसर्ग वाढवल्यानंतर नदी परिसरातील परिस्थिती आणखी भीषण होण्याची शक्यता आहे. अनेक ठिकाणी पाणी वाढत असल्याचे दिसून येत आहे. काही भागात पालिका प्रशासनाकडून कोणतीही मदत मिळत नसल्याचं चित्र दिसून येत आहे. सिंहगड परिसरातील निंबजनगरमध्ये महिला, लहान मुले, नागरिक अडकले आहेत. एकतानगर परिसरात बोटीद्वारे बचावकार्य सुरू करण्यात आलं आहे.
पुण्यातील अनेक भाग गेले पाण्याखाली
पुण्यातील अनेक भागांत अक्षरश: छातीपर्यंत पाणी भरलं आहे. सिंहगड रस्त्यावरील सोसायट्या पाण्याखाली गेल्या आहेत. मुसळधार पावसामुळे सिंहगड रस्त्यावरील (Sinhagad Road) 5 सोसायट्यांमध्ये पाणी घुसलं आहे. एकता नगर परिसरातील द्वारका, जलपूजन, शारदा सरोवर, शाम सुंदर या सोसायट्या पाण्याखाली गेल्या आहेत. नागरिकांच्या घरात पाणी घुसलं असून घरातील सर्व सामान पाण्याखाली गेलं आहे
पुण्यात धक्कादायक घटना! विजेचा शॉक लागून 3 तरुणांचा मृत्यू
पुण्यात तीन तरुणांचा शॉक लागून मृत्यू झाला आहे. डेक्कन नदीपात्रातील पुलाची वाडी येथील ही घटना आहे. अंडा भुर्जीची गाडी दुसऱ्या जागी हलवत असताना शॉक लागून तीन तरुणांचा दुर्दैवी मृत्यू झाला आहे.हे तिघे जण अंडा भुर्जीच्या गाडीवर काम करत होते. रात्री गाडी बंद करून पाऊस जोरात आला म्हणून तिथे आवराआवरी करायला परत गेले होते. तिथे गुडघाभर पाणी साचलं होते. महावितरणाने घटनेची पुष्टी केली आहे. त्यांचे अधिकारी घटनास्थळी पोचले आहेत. पोलीस, महापालिका अधिकारीही घटनास्थळी आहेत.
पुण्यातील भिडे पूल गेला पाण्याखाली
पुण्यात (Pune Rain) सुरू असलेल्या मुसळधार पावसामुळे धरणातील विसर्ग सुरू केला आहे. काल रात्री भिडे पूल पाण्याखाली गेलेला आहे. गरवारे कॉलेजमधील खिल्लारे वस्तीत पाणी शिरले आहे. संगम पूल पुलासमोरील वस्तीत पाणी गेले आहे. कॉर्पोरेशन जवळील पूल बंद होण्याची शक्यता आहे.
पुणे धरणसाठा
खडकवासला १०० टक्के
टेमघर ५७ टक्के
वरसगाव ६३ टक्के
पानशेत ७६ टक्के
Before You Go
Abhijeet Dipke On Narendra Modi : मोदींची डिग्री खरी असावी.. अभिजीत दिपके थेटच बोलले..
महत्त्वाच्या बातम्या
