Prakash Amte Cancer Update: प्रकाश आमटेंना डिस्चार्ज; पुढील तपासण्यानंतर उपचाराला होणार सुरुवात

प्रकाश आमटे यांना तात्पूरता डिस्चार्ज मिळाला आहे. पुढील तपासण्या पुढील 2-3 दिवसात होणार आहे. लवकरच त्यांच्यावर किमो थेरपीची ट्रिटमेंट सुरु होणार आहे. पुण्यातील रुग्णालयात त्यांच्या उपचार होणार आहे. 

prakash amte

Prakash Amte Cancer Update: ज्येष्ठ समाजसेवक डॉ. प्रकाश बाबा आमटे (Dr. Prakash Amte) यांना ब्लड कॅन्सरचे निदान  (Lukemia Blood Cancer)  झाले आहे.  त्यासाठी पुढील तपासण्या सुरू असल्याची माहिती मुलगा अनिकेत आमटे (Aniket Amte)  यांनी फेसबुक पोस्टच्या (Facebook Post)  माध्यमातून दिली होती. उपचारासाठी त्यांना खासगी रुग्णालयात दाखल करण्यात आलं होतं. त्याच संदर्भात त्यांच्या हितचिंतकांसाठी आनंदाची बातमी आहे. प्रकाश आमटे यांनी फेसबुक पोस्ट करत अनिकेतने त्यांच्या आरोग्यासंदर्भातील माहिती दिली आहे. प्रकाश आमटे यांना तात्पूरता डिस्चार्ज मिळाला आहे. पुढील तपासण्या पुढील 2-3 दिवसात होणार आहे. लवकरच त्यांच्यावर किमो थेरपीची ट्रिटमेंट सुरु होणार आहे. पुण्यातील रुग्णालयात त्यांच्या उपचार होणार आहे. 

फेसबुक पोस्टमध्ये काय लिहिलंय?
अनिकेत आमटेंनी ही फेसबुक पोस्ट लिहिली आहे. त्या त्यांनी प्रकाश आमटेंच्या  (Dr. Prakash Amte)  आरोग्यासंदर्भातील माहिती दिली आहे.बाबांची तब्येत आज बरी आहे. आज सध्या पुरता डिस्चार्ज मिळाला आहे. 2-3 दिवसांनी चेक अप होईल. परत रक्ताच्या सर्व टेस्ट करतील आणि ब्लड values ठीक असल्यास लवकरच (8-10 दिवसात) किमो थेरपी सुरू करतील. पुढील साधारण महिनाभर ट्रीटमेंट पुण्यातच होणार आहे. बाबांचा आजचा फोटो सोबत जोडला आहे रुमानी सोबतचा. पेशंट कसा असावा याचे आयडीयल उदाहरण आहेत बाबा. DMH दवाखान्यातील अतिशय आपुलकीने ट्रीटमेंट करणारे डॉक्टर्स, नर्सिंग स्टाफ, मामा मावश्या सर्वांचे आभार. आपण सर्वांच्या शुभेच्छा धीर द्यायला सोबत आहेतच, असं म्हणत त्यांनी डॉक्टरांचे आभार मानले आहे.

जंगली प्राणी आणि माणूस यांच्यात वेगळं नातं जपणारं ठिकाण म्हणून त्यांचं 'आमटे आर्क' प्रसिद्ध आहे. सामाजिक कार्यासाठी ‘रेमन मॅगसेसे’ (Ramon Magsaysay) हा जागतिक पातळीवरचा पुरस्कार डॉ. प्रकाश आमटे  यांना देण्यात आला आहे. दुर्गम भागात गेली चार दशकं सुरु असलेल्या नि:स्वार्थ कामाची ही ओळख संस्मरणीय तर ठरतेच पण आबालवृद्धांना प्रेरणाही देते.