पुण्यात 45 वर्षीय नराधमाकडून 8 वर्षाच्या चिमुकलीची छेड, पोलिसांनी 100 CCTV तपासले, चक्रं फिरवून बेड्या ठोकल्या!

Pune Crime News : पुण्यातील एका अट्टल गुन्हेगाराला पोलिसांनी (Pune Police) शिताफीने पकडलेय.  सीसीटीव्ही (CCTV) तपसल्यानंतर एका क्लूच्या मदतीने पोलिसांनी आरोपीला बेड्या ठोकल्या आहेत.

crime ( Image Source :PTI )

Pune Crime News : पुण्यातील एका अट्टल गुन्हेगाराला पोलिसांनी (Pune Police) शिताफीने पकडलेय.  सीसीटीव्ही (CCTV) तपसल्यानंतर एका क्लूच्या मदतीने पोलिसांनी आरोपीला बेड्या ठोकल्या आहेत. 45 वर्षीय नराधमाने आठ वर्षांच्या चिमुकलीची छेड काढल्याच्या प्रकरण पोलिसांकडे दाखल झालं. पोलिसांनी तात्काळ तपास सुरु केला. 100 पेक्षा जास्त सीसीटीव्ही तपासल्यानंतर पोलिसांना आरोपीचा क्लू मिळाला. त्यानंतर चक्रं फिरली अन् आरोपीला बेड्या ठोकल्या. आरोपीचं नाव मारुती नानावरे असल्याचे समोर आलेय. पोलिसांनी नानावरे याची चौकशी केल्यानंतर त्याच्यावर जवळपास सहा गुन्ह्याची नोंद असल्याचं समोर आले. 2007 ते 2013 यादरम्यान स्वारगेट (pune swargate), भारती विद्यापीठ, बिबवेवडी आणि सहकार नगर परिसरात त्याच्यावर सहा वेगवेगळे गुन्हा दाखल आहेत. पोलिसांनी नानावरे याला भादवि आणि पोस्को (POCSO) अंतर्गत बेड्या ठोकल्या आहेत. पीटीआयने याबाबतचं वृत्त दिलेय. 

45 वर्षीयनानावरे याच्यावर कोंढवा परिसरातील 8 वर्षीय चिमुकलीसोबत छेडछाड केल्याचा आरोप होता. पोलिसांनी त्याचा तपास सुरु केला. पोलिसांनी जवळपास 100 सीसीटीव्ही फुटेज तपासले. तपास करताना सीसीटीव्ही फुटेजमध्ये दिसणाऱ्या अर्धवट वाहन क्रमांकावरुन पुणे पोलिसांनी आरोपीला अटक केली आहे. मारुती नानावरे याच्यावर पुण्यात छेडछाड आणि अपहरणाचे सहा गुन्हे दाखल आहेत. त्याशिवाय 2013 मध्ये एका प्रकरणात त्याला दहा वर्षांची शिक्षा झाली आहे. आता आणखी एका छेडछाडीच्या आरोपाखाली त्याला बेड्या ठोकण्यात आल्या आहेत. 

आठ वर्षांच्या चिमुकलीसोबत छेड - 
 
PTI च्या वृत्तानुसार, डिसेंबर 2023 मध्ये कोंढवा परिसरात एका अज्ञात व्यक्तीने आठ वर्षाच्या चिमुकलीसोबत गैरवर्तन केले होते. याप्रकरणी गुन्हा दाखल करण्यात आला होता. पोलिस अधिकाऱ्याने या घटनेबाबत सांगितलं की, याप्रकरणाची चौकशी करताना आम्ही जवळपास 100 पेक्षा जास्त सीसीटीव्ही फुटेजची पाहणी केली. एका सीसीटीव्ही फुटेजमध्ये एका वाहनाचा अर्धवट क्रमांक दिसला. या पुराव्याच्या आधारावर आरोपीला शोधण्यात आम्हाला यश आलेय. 

दहा वर्षांचा तुरुंगवास -

मारुती नानावरे याला अटक केल्यानंतर पोलिसांनी खाकी दाखवली. चौकशीनंतर पोलिसांना तो अट्टल गुन्हेगार असल्याचं समोर आलेय. 2007 ते 2013 यादरम्यान त्याच्यावर स्वारगेट, भारती विद्यापीठ, बिबवेवाडी आणि सहकार नगर या परिसरात सहा वेगवेगळे गुन्हे दाखल असल्याचे समोर आले. 2013 मध्ये सहकार नगर पोलिस ठाण्यात दाखल झालेल्या गुन्ह्यात बलात्कार आणि अपहरणप्रकरणी मारुती नानावरे याने 10 वर्षांची शिक्षाही भोगली होती. पोलिस अधिकाऱ्याने सांगितलं की, 8 वर्षांच्या मुलीसोबत छेडछाड प्रकरणी नानावरे याला बेड्या ठोकल्या आहेत. भादवि आणि पोस्को अंतर्गत त्याच्यावर गुन्हा दाखल करण्यात आलाय. पोलिस या प्रकरणाची कसून चौकशी करत आहेत.