Pune News: पवना नदीत पोहण्याचा मोह बेतला जीवावर, पुण्यातील तीन तरुणांचा दुर्दैवी अंत; नेमकं काय घडलं?
Pune News: उन्हाळ्याची सुट्टी आणि रविवारचा विकेंड एन्जॉय करण्यासाठी मावळ परिसरात आलेल्या पुण्याच्या तीन तरुणांचा पवना नदीत बुडून दुर्दैवी मृत्यू झालाय.
Pune News: उन्हाळ्याची सुट्टी आणि रविवारचा विकेंड एन्जॉय करण्यासाठी मावळ (Maval) परिसरात आलेल्या पुण्याच्या (Pune) तीन तरुणांचा पवना नदीत (Pavana River) बुडून दुर्दैवी मृत्यू झाला. पवना नदीच्या पात्रात पोहण्याचा मोह या तरुणांच्या जीवावर बेतला असून, या घटनेमुळे संपूर्ण परिसरात आणि मृतांच्या मित्रपरिवारात मोठी हळहळ व्यक्त केली जात आहे.
Pune News: नेमकी घटना काय?
याबाबत मिळालेल्या माहितीनुसार, पुणे शहरातून प्रथमेश शिंदे, अश्विन भालेराव आणि आयान शेख हे तीन मित्र रविवारी सुट्टीनिमित्त मावळ तालुक्यातील पवना धरण परिसरात फिरण्यासाठी आले होते. सध्या राज्यासह पुणे जिल्ह्यात उन्हाचा तडाखा प्रचंड वाढला आहे.
याच उकाड्यापासून सुटका मिळवण्यासाठी आणि थंडाव्यासाठी हे तिघेही थूगाव परिसरातील पवना नदीच्या पात्रात पोहण्यासाठी उतरले. मात्र, नदीच्या पात्रातील पाण्याचा आणि खोलीचा अंदाज न आल्याने तिघेही एकामागून एक पाण्यात बुडू लागले. आजूबाजूला असलेल्यांच्या ही बाब लक्षात येईपर्यंत तिघेही पाण्यात दिसेनासे झाले होते.
Pune News: तिन्ही तरुणांचे मृतदेह पाण्याबाहेर काढण्यात यश
घटनेची माहिती मिळताच स्थानिक ग्रामस्थ आणि लोणावळ्यातील प्रसिद्ध 'शिवदुर्ग मित्र' मंडळाच्या बचाव पथकाने तातडीने घटनास्थळी धाव घेतली. शोधमोहीम राबवून काही तासांच्या प्रयत्नांनंतर तिन्ही तरुणांचे मृतदेह पाण्याबाहेर काढण्यात आले. घटनेची माहिती मिळताच पोलिसांनी घटनास्थळी धाव घेत पंचनामा केला असून मृतदेह शवविच्छेदनासाठी पाठवण्यात आले आहेत.
Pune News: प्रशासनाचे आवाहन
मावळ आणि लोणावळा परिसरात पर्यटनासाठी येणाऱ्यांची संख्या मोठी आहे. मात्र, नद्या, धरणे किंवा धबधब्यांच्या ठिकाणी पाण्याचा अंदाज न घेता उतरणे धोक्याचे ठरू शकते. वाढत्या उष्णतेमुळे अनेक पर्यटक पाण्याकडे आकर्षित होतात, परंतु सुरक्षेचे नियम धाब्यावर बसवल्याने अशा घटना घडतात. "नदी पात्रात किंवा धरणात पोहताना पर्यटकांनी सावधगिरी बाळगावी आणि अपरिचित ठिकाणी पाण्यात उतरू नये," असे आवाहन प्रशासनाकडून करण्यात आले आहे.
इतर महत्त्वाच्या बातम्या
Before You Go
Analogue paneer Special Report : महाराष्ट्रात ॲनालॉग पनीरवर वर्षभराची बंदी, तुकाराम मुंढेंचा तडाखा
महत्त्वाच्या बातम्या
