पुणे अपघात प्रकरणात मोठी अपडेट, अल्पवयीन मुलाच्या आजोबांनाही अटक, ड्रायव्हरला डांबून ठेवणे, धमकीचा गुन्हा दाखल
Pune Accident Update : वडिल, मग नातू आणि आता आजोबा असे तिन्ही पिढ्यांचे प्रतिनिधींना अटक केली आहे. ड्रायव्हरला धमकी देणे आणि डांबून ठेवल्याने हा गुन्हा दाखल करण्यात आला आहे
Pune Acciedent: पुण्यातील कल्याणीनगर (Pune Accident) अपघात प्रकरणी मोठी बातमी आहे. अल्पवयीन आरोपीचे आजोबा सुरेंद्र अग्रवाल (Surendra Agrawal) यांना पुणे पोलिसांनी अटक केलीये. त्यांचा मुलगा विशाल अग्रवाल (Vishal Agrawal) हा देखील पोलीस कोठडीत आहे, तर अल्पवयीन आरोपी बालसुधारगृहात आहे. सर्वात प्रथम वडिल, मग नातू आणि आता आजोबा असे तिन्ही पिढ्यांचे प्रतिनिधींना अटक केली आहे. ड्रायव्हरला धमकी देणे आणि डांबून ठेवल्याने हा गुन्हा दाखल करण्यात आला आहे.
पुणे रॅश ड्रायव्हिंग प्रकरणात टीकेची झोड उडाल्यानंतर पुणे पोलीस सध्या अॅक्शन मोडमध्ये पाहायला मिळत आहे. या प्रकरणात मुलाचे आजोबा सुरेंद्र कुमार अग्रवालने गुरुवारी (23 मे) चौकशी करण्यात आली. या चौकशीत लाडोबाला आजोबांनी चावी दिल्याची कबुली चौकशीत दिली होती. तसेच नातू अल्पवयीन असल्यााचा देखील दावा लाडोबाचे आजोबा सुरेंद्र अग्रवाल यांनी केला होता. नातवावर खटला अल्पवयीन म्हणूनच चालवावा, अशी मागणी सुरेंद्र अग्रवाल यांनी केली होती.
सुरेंद्र अग्रवालवर ड्रायव्हरलाा धमकवल्याचा आरोप
सुरेंद्र अग्रवाल हे पुण्यातील बांधकाम व्यवसायातील मोठे नाव आहे. जेवढे अग्रवाल यांचे नाव प्रसिद्ध आहे तेवढेच वादग्रस्त आहे. छोटा राजनशी संबंध असल्याच आणि त्यातून त्याच्यावर गुन्हा दाखल आहे. या प्रकरणाचा खटला देखील सुरु आहे. या प्रकरणात ज्या वेळी अपघात घडला त्यावेळी अल्पवयीन मुलाच्या शेजारी ड्रायव्हर बसला होता गंगाराम पुजारी याला सुरेंद्र कुमारने डांबून ठेवले आणि योग्य तो जबाब देऊ दिला नाही किंवा तसा प्रयत्न केला, असा गुन्हा दाखल केला आहे. आज त्यांना सुट्टीच्या न्यायालयासमोर दाखल करण्याची शक्यता आहे.
विशाल अग्रवालचा पुन्हा पुणे पोलिस ताबा घेणार
या प्रकरणी विशाल अग्रवालवर देखील गुन्हा दाखल करण्यात आलाय. सुरेंद्र कुमार आणि विशाल या दोघांनी मिळून ड्रायव्हर गंगाराम पुजारीला दोन दिवस डांबून ठेवल्याचा आरोप आहे. सुरेंद्र कुमार अग्रवालला दुपारी न्यायालयात हजर करण्यात येणार आहे तर काल न्यायालयीन कोठडी सुनावण्यात आल्यानंतर येरवडा कारागृहात रवानगी करण्यात आलेल्या विशाल अग्रवालचा पुन्हा पुणे पोलिस ताबा घेणार आहेत.
Video :
हे ही वाचा :
लाडोबाचे लाड करती कोण? बाप कोर्टात म्हणाला,मी चावी देऊन चूक केली, आता आजोबा म्हणतात, मीच पोर्शेची चावी आणि क्रेडिट कार्ड दिलं!
महत्त्वाच्या बातम्या
ट्रेंडिंग न्यूज
