Supriya Sule: 'रोज नयी सुबह होती है', प्रशांत जगतापांच्या राजीनाम्यावर सुप्रिया सुळेंची मोजक्याच शब्दात प्रतिक्रिया
Supriya Sule: जगतापांच्या या निर्णयानंतर राष्ट्रवादी काँग्रेस पक्षाच्या कार्याध्यक्ष सुप्रिया सुळे यांनी मोजक्याच शब्दात प्रतिक्रिया दिली आहे.
पुणे: राष्ट्रवादी काँग्रेस पार्टी शरदचंद्र पवार पक्षाचे पुणे शहराध्यक्ष प्रशांत जगताप (Prashant Jagtaps resignation) यांनी पक्षाच्या प्राथमिक व क्रियाशील सदस्यत्वाचा राजीनामा दिला आहे. पुणे महानगरपालिकेच्या समोर प्रशांत जगताप यांनी पत्रकार परिषद घेत राजीनामा दिला. आजपर्यंत दिलेल्या संधीसाठी नेतृत्वाचे त्यांनी आभार मानले आहेत. 27 वर्षांपूर्वी मी सामाजिक व राजकीय क्षेत्रात पाऊल ठेवले, तेव्हा कुठल्या पदासाठी नव्हे, तर पुरोगामी विचारांची चळवळ पुढे नेण्यासाठी मी कार्यरत झालो. आज 27 वर्षांनंतरही हेच एकमेव ध्येय माझ्या मनात आहे. यापुढेही पुरोगामी विचारांसाठी माझी सामाजिक व राजकीय वाटचाल सुरूच असेल असे जगताप म्हणाले. आजपर्यंत अत्यंत निष्ठेने मला साथ देणाऱ्या, यापुढेही संघर्षाच्या वाटेवर माझ्यासोबत येणाऱ्या सर्व कार्यकर्त्यांचे मनापासून आभार जगताप यांनी मानले, जगतापांच्या या निर्णयानंतर राष्ट्रवादी काँग्रेस पक्षाच्या कार्याध्यक्ष सुप्रिया सुळे यांनी मोजक्याच शब्दात प्रतिक्रिया दिली आहे. (Prashant Jagtaps resignation)
पुण्यात माध्यमांशी बोलताना सुप्रिया सुळेंनी म्हटलं की, प्रशांत जगताप यांना मनापासून शुभेच्छा. रोज नई सुबह हैं; प्रशांत जगताप यांच्या राजीनाम्याच्या प्रश्नावर बोलताना म्हणाल्या, माझं पोट भरपूर मोठं आहे, असंही त्यांनी म्हटलं आहे. तर दोन्ही राष्ट्रवादी काँग्रेस एकत्र येणार आहेत का? किती जागा ठरल्या आहेत, या प्रश्नावर उत्तर देताना सुळे म्हणाल्या, फाइनल प्रस्ताव आला नाही, प्रस्ताव आला की मी तुम्हाला बोलावून सगळी माहिती स्वतः देईन. किती जागा ठरल्या आणि बाकी काय याची मला माहीत नाही. विशाल तांबे, अंकुश काकडे, वंदना चव्हाण हे लिस्ट करतील आणि शशिकांत शिंदे यांना देतील शरद पवारांनी स्थानिक नेत्यांवर जबाबदारी दिल्याचं सांगितल होतं, सर्व गोष्टी फायनल झाल्या की ते सांगतील. शरद पवार हे महापालिका आणि बाकी निवडणुकांमध्ये सक्रिय नसतात. हे सगळ्यांना माहीत आहे. ते देशपातळीचे नेते आहेत, असंही सुप्रिया सुळेंनी म्हटलं आहे.(Prashant Jagtaps resignation)
Prashant Jagtaps resignation: मी राजकारणातून बाहेर गेलो नाही, नगरसेवक पदाची निवडणूक लढवणार
एका पराभवामुळे भीती बाळगणारा मी नाही. विधानसभेत मी हरलो पण मला तिथल्या सगळ्या लोकांच्या प्रती मला आदर आणि मान असल्याचे जगताप यावेळी म्हणाले. पार्टी कशी निवडणूक लढवेल याची मी तयारी केली होती. माझ्यासारखा कार्यकर्ता व्यथित झाला होता. माझ्या मनात विचारांची घालमेल होती. पण घालमेल माझ्या आयुष्यावर उलटल्याचे प्रशांत जगताप म्हणाले. सद्विवेक बुद्धीला जागरूक ठेवून आणि सगळे प्रसंग डोळ्यासमोर ठेऊन आणि सगळ्या नेत्यांचा मान ठेऊन मी शहर अध्यक्ष पदाचा राजीनामा देऊन बाहेर पडत आहे. मी राजकारणातून बाहेर गेलो नाही असेही त्यांनी सांगितले. मी राजीनामा शशिकांत शिंदे यांना मेल केला आहे. नगरसेवक पदाची निवडणूक मी लढवणार असल्याचे प्रशांत जगताप यांनी सांगितले.
Prashant Jagtaps resignation: सुप्रिया सुळे, प्रदेशाध्यक्ष शशिकांत शिंदे यांच्याशी चर्चा केल्यानंतर दिला राजीनामा
राज्यात 29 महापालिका निवडणुकांसाठी येत्या 15 जानेवारी रोजी निवडणूक होत आहे. मात्र त्याआधीच पुण्यातील राजकीय वातावरण चांगलेच तापले आहे. राष्ट्रवादी काँग्रेस शरदचंद्र पवार पक्षाचे पुणे शहराध्यक्ष प्रशांत जगताप यांनी 22 डिसेंबर रोजी त्यांच्या पदाचा तसेच पक्षाच्या सदस्यत्वाचा राजीनामा खासदार सुप्रिया सुळे यांच्याकडे सुपूर्द केल्याची चर्चा होती. महत्त्वाचे म्हणजे दोन्ही राष्ट्रवादी पक्षांच्या संभाव्य युतीला प्रशांत जगताप यांनी दर्शवलेला तीव्र विरोध त्यांच्या राजीनाम्यास कारणीभूत ठरल्याचे बोलले जात आहे. तसेच दोन दिवसात आपण राजीनाम्याचा निर्णय घेणार आहोत, असेही त्यांनी स्पष्ट केले होते. यानंतर मंगळवारी आणि आज असे दोन दिवस प्रशांत जगताप यांनी खासदार सुप्रिया सुळे, प्रदेशाध्यक्ष शशिकांत शिंदे यांच्याशी चर्चा केल्यानंतर अखेर आज शहराध्यक्ष आणि सदस्यत्वाचा राजीनामा दिला आहे.
Prashant Jagtaps resignation: शरद पवार, अजित पवार आणि सुप्रिया सुळे यांचे आभार
सुप्रिया सुळे यांच्या मार्गदर्शनाखाली कामकाज करण्याची मला संधी मिळाली. पक्षात खूप चांगल्या पद्धतीने मी कामकाज केले. हडपसर वानवडी परिसरातील नागरिकांनी मला दादा दिली. मी रस्त्यावर उतरून काम केले. हे मी पुणेकर यांच्यासाठी केले. त्यामुळे मी सर्वप्रथम शरद पवार, अजित पवार आणि सुप्रिया सुळे यांचे आभार मानतो. मी कुठलीही राजकीय पार्श्वभूमी नसलेल्या घरातून आलो आहे. मात्र आज मी राष्ट्रवादी काँग्रेस शरद पवार शहराध्यक्ष पदाचा आणि सदस्यत्वाचा राजीनामा देत आहे. मी शशिकांत शिंदे यांना राजीनामा पाठवला आहे, अशी माहिती त्यांनी दिली.
महत्त्वाच्या बातम्या
