Manorama Khedkar Arrest : महाडच्या हॉटेलमधून उचललं, पुण्यातील पौड पोलिसात आणलं, मनोरमा खेडकरवर काय कारवाई होणार?
Manorama Khedkar Arrest : पूजा खेडकरची (IAS Pooja Khedkar) आई मनोरमा खेडकरला पुणे ग्रामीण पोलिसांनी ताब्यात घेतल्याची माहिती समोर आली आहे.
वादग्रस्त पूजा खेडकरची (IAS Pooja Khedkar) आई मनोरमा खेडकरला पुणे ग्रामीण पोलिसांनी महाडमधून ताब्यात घेतलं. मनोरमा खेडकरसह पुणे ग्रामीण पोलिसांचं पथक पौड पोलिस ठाण्यात दाखल झालं आहे. मनोरमा खेडकरचे काही दिवसांपुर्वी स्थानिक शेतकऱ्यांना धमकावतानाचे व्हिडिओ सोशल मिडीयावर व्हायरल झाले होते. पुणे पोलिसांशी देखील त्यांनी हुज्जत घातली होती. गेल्या काही दिवसांपासून मनोरमा खेडकरचा तपास पोलिस करत होते. आज अखेर पोलिसांनी मनोरमा खेडकरला महाड मधील हॉटेल मधून अटक केली आहे. स्थानिक पोलीस ठाण्यात नोंद करुन पोलिस त्यांना पुण्याला घेऊन आले आहेत. मनोरमा खेडकर हॉटेलमध्ये लपून बसल्याची माहिती पोलिसांनी मिळाली होती त्यानंतर पोलिसांनी कारवाई करत तिला अटक केली आहे.
मनोरमा खेडकरची आज वैद्यकीय तपासणी करण्यात येणार आहे. मनोरमा खेडकरला (Manorama Khedkar) ससून रूग्णालयात तपासणीसाठी नेण्यात येत आहे. त्यानंतर आज तिला कोर्टात देखील हजर केलं जाण्याची शक्यता आहे. त्यानंतर पोलिस पुढचा तपास सुरू करतील अशी माहिती आहे. धमकी प्रकरणतील सखोल चौकशी केली जाईल. मनोरमा खेडकरला आज महाड मधील हॉटेल मधून अटक केली आहे. स्थानिक पोलीस ठाण्यात नोंद करुन पोलिस त्यांना पुण्याला आणण्यात आलं आहे. मनोरमा खेडकर (Manorama Khedkar) हॉटेलमध्ये लपून बसल्याची माहिती पोलिसांना मिळाली होती.
मनोरमा खेडकरला आज कोर्टात हजर केलं जाणार
मनोरमा खेडकरची (Manorama Khedkar) वैद्यकीय तपासमी झाल्यानंतर तिला आज कोर्टात हजर केलं जाण्याची शक्यता आहे. मनोरमा खेडकरला कोर्टात हजर केल्यानंतर पुणे ग्रामीण पोलिस तिच्या पोलिस कोठडीची मागणी करतील. त्याचबरोबर पुणे पोलिस दिलीप खेडकरांचा देखील शोध घेत आहेत त्यांच्याबाबतची माहिती मनोरमा खेडकरला माहिती आहे का यासोबतच खरेदी केलेली जमीन आणि इतर तपासासाठी पोलिस तिच्या कोठडीची मागणी करण्याची शक्यता आहे.
मुळशीतील व्हायरल व्हिडीओनंतर पूजा खेडकरांच्या आईवर गुन्हा दाखल
शेतकऱ्याला पिस्तुल दाखवून दमदाटी केल्याप्रकरणी मनोरमाविरुद्ध (Manorama Khedkar) गुन्हा दाखल करण्यात आला आहे. पुणे पोलिसांनी घराला कुलूप असल्याने फोनवरून संपर्क करण्याचा प्रयत्न केला, पण फोनही लागत नसल्याचं पोलिसांनी सांगितलं होतं. तसेच खेडकर कुटुंबाच्या पुणे आणि आजूबाजूला असणाऱ्या फार्म हाऊसवर देखील पुणे पोलिसांनी शोध घेतला होता.
मनोरमा खेडकरचा (Manorama Khedkar) दुसरा एक व्हिडिओ समोर आला होता. यामध्ये ती पोलिसांची हुज्जत घालत असताना दिसली होती. गुन्हा दाखल झाल्यानंतर पोलीस मनोरमाच्या पुण्यातील बाणेर येथील बंगल्यामध्ये पोहोचले होते. पण, मनोरमाने पोलिसांना बंगल्यामध्ये प्रवेश दिला नाही. गुन्हा दाखल झाल्यानंतर मनोरमा फरार झाल्याची माहिती समोर आली होती. पोलिसांनी तिला आज महाडमधून अटक केली असून तिला पुण्यामध्ये आणले जात आहे. आज तिला कोर्टामध्ये हजर केले जाईल.
VIDEO - IAS Pooja Khedkar यांची आई मनोरमा खेडकर यांना पौड पोलिसात आणलं
महत्त्वाच्या बातम्या
