Atul Benke: पुण्याच्या राजकारणातील मोठी बातमी, अतुल बेनके शरद पवारांच्या भेटीला, राजकीय चर्चांना उधाण
Atul Benke: आज अजित पवारांचे शिलेदार जुन्नरचे आमदार राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांच्या भेटीला पोहोचले आहेत. त्यांच्या या भेटीनंतर राजकीय वर्तुळात चर्चेला उधाण आलं आहे.
पुणे: राज्याच्या राजकारणात गेल्या काही दिवसांपासून अनेक घडामोडी गाठीभेटी यांना वेग आला आहे, अशातच आज अजित पवारांचे शिलेदार जुन्नरचे आमदार राष्ट्रवादी काँग्रेस शरदचंद्र पवार पक्षाचे अध्यक्ष शरद पवार (Sharad Pawar) यांच्या भेटीला पोहोचले आहेत. अजित पवार गटाचे जुन्नरचे आमदार अतुल बेनके(Atul Benke) पुन्हा एकदा शरद पवारांच्या भेटीला आल्याने राजकीय वर्तुळात चर्चेला उधाण आलं आहे.आज शरद पवार हे उत्तर पुणे जिल्ह्याच्या जुन्नर तालुका दौऱ्यावर आहेत. शरद पवारांचा जुन्नर तालुक्यातील दौरा सुरू असताना कृषी विज्ञान केंद्र नारायणगाव येथे जुन्नरचे आमदार अतुल बेनके यांनी भेट घेतली असून जुन्नरच्या राजकारणात ही भेट चर्चेचा विषय ठरली आहे.
आधीही अमोल कोल्हेंच्या घरी घेतली होती भेट
या आधी जुलै महिन्यात अतुल बेनके यांनी शरद पवार (Sharad Pawar)यांची भेट घेतली होती.खासदार डॉ. अमोल कोल्हे यांच्या निवासस्थानी ही भेट पार पडली होती. अमोल कोल्हे यांच्या निवासस्थानी अतुल बेनके आणि शरद पवार (Sharad Pawar)यांची भेट झाली.
शरद पवार आणि अजित पवार एकत्र येऊ शकतात असं वक्तव्य बेनकेंनी केलेलं
अमोल कोल्हेंच्या घरी झालेल्या भेटीनंर शरद पवार यांच्या भेटीनंतर अतुल बेनके यांनी मोठं वक्तव्य केलं होतं. 'राजकारणात काहीही घडू शकते. अगदी शरद पवार (Sharad Pawar) आणि अजित पवारही एकत्र येऊ शकतात. त्यामुळे पुढे काहीही घडू शकते, असं आमदार अतुल बेनके यांनी म्हटलं होतं.
आरोग्यमंत्री तानाजी सावंतांचा पुतण्या शरद पवारांच्या भेटीला
आरोग्यमंत्री तानाजी सावंत यांचे पुतणे अनिल सावंत यांनी पुण्यात विधानसभेसाठी थेट शरद पवारांची (Sharad Pawar) भेट घेतली आहे. पंढरपूर मंगळवेढा जवळच्या भैरवनाथ साखर कारखान्याचा कारभार ते पाहतात. तानाजी सावंत यांचे बंधू शिवाजी सावंत यांनी माढा विधानसभा मतदारसंघाच्या जागेसाठीा दावा केल्यानंतर त्यांचा पुतण्या अनिल सावंत पंढरपुर मंगळवेढा मतदारसंघाच्या जागेसाठी इच्छूक असल्याचं कळतंय. आमदारकीसाठी शरद पवारांच्या राष्ट्रवादीला जवळ करत तुतारी हाती घेण्याचे मनसुबे दिसत आहेत.
विधानसभेच्या पंढरपूर मंगळवेढा मतदारसंघातून निवडणूकीसाठी अनिल सावंत इच्छूक असून ही जागा सध्या भाजपकडे आहे. भाजपचेच माजी आमदार प्रशांत परिचारक आणि भीरथ भालके हे दाघेही या जागेसाठी निवडणूक लढवण्यास इच्छूक असून यांचाही प्रयत्न राष्ट्रवादीचे अध्यक्ष शरद पवार यांची तुतारी हाती घेण्याच्या तयारीत आहेत.
इच्छूक उमेदवारांच्या नेत्यांशी भेटीगाठी सुरु असून राष्ट्रवादी काँग्रेस शरद पवार (Sharad Pawar) गटात येण्यासाठी पवारांचे कट्टर विरोधक म्हणून ओळखले जाणारे आरोग्य मंत्री तानाजी सावंत यांचे पुतणे अनिल सावंत यांनी पुण्यात शरद पवारांची भेट घेतल्याने जोरदार चर्चा रंगली आहे.
महत्त्वाच्या बातम्या
