Chinchwad Bypoll Election : लक्ष्मण जगतापांचे भाऊ शंकर जगतापांना उमेदवारी मिळण्याची शक्यता; राष्ट्रवादी काय भूमिका घेणार?
चिंचवड विधानसभा पोटनिवडणुकीत लक्ष्मण जगताप यांचे बंधू शंकर जगताप यांना उमेदवारी मिळण्याची शक्यता आहे.
Chinchwad bypoll election : चिंचवड विधानसभा पोटनिवडणुकीत लक्ष्मण जगताप (lakshman jagtap) यांचे बंधू शंकर जगताप (shankar Jagtap) यांना उमेदवारी मिळण्याची शक्यता आहे. दिवंगत आमदार लक्ष्मण जगताप यांचे 3 जानेवारी रोजी दीर्घ आजाराने निधन झाले. त्यामुळे चिंचवड विधानसभा मतदारसंघात पोटनिवडणूक जाहीर झाली असून 27 फेब्रुवारी रोजी मतदान होणार असून, 2 मार्च रोजी मतमोजणी होणार आहे.
चिंचवड विधानसभा मतदारसंघातून जगताप यांच्या कुटुंबीयांना उमेदवारी मिळण्याची शक्यता आहे. लक्ष्मण जगताप यांचे बंधू शंकर जगताप यांना उमेदवारी मिळण्याची शक्यता आहे. त्यामुळे इतर पक्षही आपले उमेदवार उभे करणार का? निवडणूक बिनविरोध व्हावी याकडे सर्वांच्या नजरा लागल्या आहेत. चिंचवड विधानसभा पोटनिवडणुकीला सुरुवात होताच दिवंगत आमदार लक्ष्मण जगताप यांचे संपर्क कार्यालय पिंपळे गुरव येथे गर्दी झाली होती.
शंकर जगताप यांचे नाव आघाडीवर
केंद्रीय निवडणूक आयोगाने चिंचवड आणि कसबा विधानसभा मतदारसंघाच्या पोटनिवडणुका जाहीर केल्या. दिवंगत आमदार लक्ष्मण जगताप यांच्या पत्नी अश्विनी जगताप यांना उमेदवारी मिळाल्यास चिंचवड विधानसभा पोटनिवडणूक बिनविरोध होऊ शकते, असे बोलले जात आहे. भाजपने अद्याप उमेदवारी जाहीर केली नसली तरी शंकर जगताप यांचे नाव आघाडीवर आहे.
रील्स व्हायरल...
पोटनिवडणूक जाहीर होताच भाजपच्या कार्यकर्त्यांसह अनेक नागरिकांनी शंकर जगताप यांचा भावी आमदार म्हणून फोटो टाकण्यास सुरुवात केल्याने व्हॉट्सअॅप स्टेटस आणि रील्सही करण्यात आल्या. हे सर्व व्हिडीओ सोशल मीडियावर व्हायरल होत आहेत. एकीकडे शंकर जगताप यांची उमेदवारी जाहीर होण्याची शक्यता असताना राष्ट्रवादी काँग्रेस काय भूमिका घेणार याकडे सर्वांचे लक्ष लागले आहे. दिवंगत आमदार लक्ष्मण जगताप हे एकेकाळी राष्ट्रवादीचे अध्यक्ष शरद पवार आणि अजित पवार यांचे निकटवर्तीय मानले जात होते. त्यामुळे चिंचवड विधानसभा पोटनिवडणुकीच्या पार्श्‍वभूमीवर राष्ट्रवादीच्या भूमिकेवरदेखील सर्वांचं लक्ष लागलं आहे.
सर्वपक्षीय नेत्यांनी जगताप कुटुंबीयांची भेट घेतली
भाजपचे दिवंगत आमदार लक्ष्मण जगताप यांचे दीर्घ आजाराने निधन झाले. या घटनेमुळे भाजप आणि पिंपरी-चिंचवड शहराचे मोठे नुकसान झाल्याचे बोलले जात आहे. पक्षाच्या सर्व नेत्यांनी जगताप कुटुंबीयांची भेट घेऊन सांत्वन केले. जगताप यांचे पार्थिव पाहण्यासाठी खुद्द मुख्यमंत्री एकनाथ शिंदे, उपमुख्यमंत्री देवेंद्र फडणवीस पोहोचले. राष्ट्रवादीचे अध्यक्ष शरद पवार, विरोधी पक्षनेते अजित पवार, मनसे अध्यक्ष राज ठाकरे यांनी जगताप यांच्या कुटुंबीयांची भेट घेऊन त्यांचे सांत्वन केले होते.
View this post on Instagram
View this post on Instagram
महत्त्वाच्या बातम्या
ट्रेंडिंग न्यूज
