Pune Crime News: पुण्यातील बनावट टेलिफोन एक्सचेंज प्रकरणी सूत्रधारासह तिघांना अटक; गेल्या आठ वर्षांपासून प्रकार सुरू? आंतरराष्ट्रीय कनेक्शन तपासलं जाणार

Pune Crime News: कोंढवा येथील बनावट टेलिफोन एक्स्चेंज प्रकरणात दहशतवादविरोधी पथकाने (ATS) तिघांना अटक केली आहे, या प्रकरणातील मुख्य सूत्रधार ठाणे एटीएसच्या ताब्यात असल्याची माहिती आहे.

Kondhwa Illegal Telephone Exchange Arrest By Ats 3 Suspect

Source : PTI

पुणे: गणेशोत्सवापुर्वी पुण्यात मोठी कारवाई करण्यात आली. कोंढवा येथील बनावट टेलिफोन एक्स्चेंज प्रकरणात दहशतवादविरोधी पथकाने (ATS) तिघांना अटक केली आहे, या प्रकरणातील मुख्य सूत्रधार ठाणे एटीएसच्या ताब्यात असल्याची माहिती आहे. हे टेलिफोन एक्स्चेंज बेकायदेशीर असून, आरोपींनी शासनाची फसवणूक केली जात होती. हशतवादविरोधी पथकाने (ATS) पुण्यातील कोंढवा परिसरात बनावट टेलिफोन एक्स्चेंजवर टाकलेल्या छाप्यामध्ये जवळपास 3788 सिम कार्ड, 8 राउटर सापडले होते. सरकारी वकिलांनी या प्रकरणातील तिघांना पोलिस कोठडी देण्याची मागणी केली. त्यानुसार न्यायाधीशांनी आरोपींना 6 सप्टेंबरपर्यंत पोलिस कोठडी सुनावली.(Pune Crime News)

पुण्यातील कोंढवा परिसरातील मिठानगर येथे असलेल्या एम. ए. कॉम्प्लेक्स परिसरात विदेशातून भारतात येणारे आंतरराष्ट्रीय कॉल भारतातील यंत्रणेला समजू न देण्यासाठी पुण्यातील कोंढवा येथे बनावट टेलिफोन एक्स्चेंज सेंटर सुरू करण्यात आले होते. आरोपींकडून गेल्या आठ वर्षांपासून हे बनावट दूरध्वनी केंद्र चालविण्यात येत असल्याची माहिती तपासात उघडकीस आली. दहशतवादविरोधी पथकाने नौशाद अहमद सिद्दिकी ऊर्फ कुमार (वय 32, रा. कोंढवा) आणि मोहम्मद उजैर शौकत अली अन्सारी ऊर्फ सोनू (29, भिवंडी) या दोघांना मंगळवारी (दि. 3), तर पीयूष गजभिये (29, रा. वर्धा) या आरोपीला बुधवारी (दि. 4) सकाळी अटक केली आहे.

पोलिस कोठडी सुनावल्यानंतर आता पोलिस आरोपींनी हे साहित्य कुठून आणलं, कसं आणले, त्यांचे इतर साथीदार कोण आहेत, त्यांना आंतरराष्ट्रीय कनेक्शन कसे -मिळाले, यात काही दहशतवादाचा अँगल आहे का, यामध्ये आणखी काही व्यक्तींचा समावेश आहे का? याचा तपास केला जाणार आहे.(Pune Crime News)

दरम्यान सरकारी वकिलांनी केलेल्या युक्तीवादानुसार, नौशाद अहमद सिद्दिकी ऊर्फ कुमार (वय 32, रा. कोंढवा) हा कोंढव्यात भाड्याच्या घरात राहत होता. हे तिघे एकमेकांचे मित्र आहेत. नौशाद आणि सोनू हे आठवी पास आहेत, तर पीयूषने संगणक डिप्लोमा केला आहे. तिघांनी ऑनलाइन ग्राहक मिळविले. गेल्या आठ महिन्यांपासून हे टेलिफोन एक्स्चेंज सुरू होते.

नेमकं काय आहे प्रकरण? 

विदेशातून भारतात येणारे इंटरनॅशनल कॉल भारतातील यंत्रणेला समजू न देण्यासाठी पुण्यातील कोंढव्यामध्ये बनावट टेलिफोन एक्सचेंज सेंटर सुरू होतं. या कारवाईत नौशाद अहमद सिद्दिकी या 32 वर्षीय तरुणाला पोलिसांनी ताब्यात घेतलं आहे. कोंढव्यातील मिठा नगर येथे असलेल्या एम.ए.कॉम्प्लेक्स परिसरात अधिकृत एक्सचेंज सेंटर सुरू होतं. 

दहशतवाद विरोधी पथकाने केलेल्या कारवाईमुळे शहरात मोठी खळबळ उडाली होती. या प्रकरणाचा दहशत विरोधी पथक सध्या तपास करत असून ताब्यात घेण्यात आलेल्या नौशादकडे पोलीस चौकशी (Pune Crime News) सुरू होती. 

संबधित बातम्या - Pune Crime News: पुण्यातील बनावट टेलिफोन एक्सचेंज प्रकरणात अपडेट; संशयित वर्षभरापासून कोंढव्यात वास्तव्यास असल्याची माहिती