Indapur Crime News: इंदापूर भिगवणजवळ कुजलेल्या अवस्थेत आढळला महिलेचा मृतदेह; डाव्या हातावर रविराज नावाचा टॅटू अन् सहा ते सात महिन्यांची गरोदर
Indapur Crime News: मृत महिलेच्या डाव्या हातावर रविराज नावाचा टॅटू असून या मृत महिलेची ओळख अद्याप पटली नसून तिचा खून कोणी आणि का केला याचा सखोल तपास भिगवण पोलिस करत आहेत.
इंदापूर: इंदापूर तालुक्यातील मदनवाडी गावाच्या हद्दीत पुलाखालील पाण्यात एका महिलेचा मृतदेह कुजलेल्या अवस्थेत (Indapur Crime News) आढळून आला आहे. हा मृतदेह चादरीत गुंडाळलेल्या अवस्थेत आढळून आला असून, मृत महिला अंदाजे २५ ते ३० वर्षांची असल्याचा अंदाज वर्तविला जातोय. मृत महिलेच्या डाव्या हातावर रविराज नावाचा टॅटू (Indapur Crime News) असून या मृत महिलेची ओळख अद्याप पटली नसून तिचा खून कोणी आणि का केला याचा सखोल तपास भिगवण पोलिस करत आहेत.(Indapur Crime News)
Indapur Crime News: महिला सहा ते सात महिन्यांची गरोदर असल्याची माहिती
धक्कादायक बाब म्हणजे ही महिला सहा ते सात महिन्यांची गरोदर असल्याची माहिती समोर आली आहे. हा प्रकार बारामती भिगवण राज्य मार्गावरील मदनवाडी पुलाखाली उघडकीस आला. पोलिसांच्या प्राथमिक तपासानुसार, ही महिला अंदाजे सहा ते सात महिन्यांची गर्भवती होती. घटनेची माहिती मिळताच भिगवण पोलिसांनी तातडीने घटनास्थळी धाव घेतली आणि पंचनामा करून मृतदेह ताब्यात घेतला. या दरम्यान परिसरातील नागरिकांची मोठी गर्दी जमली होती. तपासात असे दिसून आले की, मृतदेहाला सुमारे पाच ते सहा दिवस झाले असावेत. मृतदेह पूर्णपणे कुजलेल्या अवस्थेत असल्यामुळे ओळख पटवण्यात पोलिसांना अडचणी येत आहेत.
Indapur Crime News: सीसीटीव्ही, हरवलेल्या महिलांच्या तक्रारी आणि मोबाईल लोकेशन यांची तपासणी
प्राथमिक अंदाजानुसार, हा खुनाचा प्रकार असल्याचे पोलिसांनी सांगितले आहे. तिचा खून करून मृतदेह येथे आणून टाकण्यात आल्याचा संशय आहे. भिगवण पोलिस या घटनेचा सखोल तपास करत असून, आसपासच्या परिसरातील सीसीटीव्ही फुटेज, हरवलेल्या महिलांच्या तक्रारी आणि मोबाईल लोकेशन यांची तपासणी सुरू आहे. या महिलेची ओळख पटवणे हे सध्या पोलिसांसाठी सर्वात मोठे आव्हान ठरले आहे. ओळख पटल्यानंतर या खुनामागील कारणांचा आणि आरोपींचा शोध घेणे सुलभ होईल, अशी माहिती तपास अधिकार्यांनी दिली आहे.
महत्त्वाच्या बातम्या
