ICSE, ISC Exam Postponed : दहावी, बारावीच्या परीक्षा पुढे ढकलल्या, तारखा लवकरच जाहीर होणार; CISCE बोर्डचे स्पष्टीकरण

ICSE, ISC सेमीस्टर 1 परीक्षा पुढे ढकलण्याचा निर्णय घेण्यात आला आहे. या परीक्षांचे नवे वेळापत्रक cisce.org या वेबसाईटवर लवकरच प्रदर्शित करण्यात येणार आहे. 

exams

ICSE, ISC Board Exam 2022 Postponed : काऊन्सिल फॉर इंडियन स्कूल सर्टिफेकेट एक्झामिनेशनने (CISCE) एक महत्वाची नोटिफिकेशन जारी केली आहे. बोर्डकडून घेण्यात येणाऱ्या दहावी आणि बारावीच्या परीक्षांना स्थगिती देण्याचा निर्णय घेण्यात आला आहे. बोर्डची अधिकृत वेबसाईट cisce.org वर नव्या तारखा लवकरच जाहीर करण्यात येतील असंही स्पष्ट करण्यात आलं आहे. 

ICSE, ISC सेमीस्टर 1 परीक्षा या 15 नोव्हेंबर 2021 रोजी सुरु होणार होत्या तर डिसेंबर 2021 मध्ये त्या संपणार होत्या. दहावीच्या परीक्षा 6 डिसेंबरला तर बारावीच्या परीक्षा 16 डिसेंबरला समाप्त होणार होत्या. CISCE जारी केलेल्या नोटिफिकेशनमध्ये सांगण्यात आलं आहे की काही अपरिहार्य कारणांमुळे या परीक्षा स्थगित करण्यात आल्या असून विद्यार्थ्यांना परीक्षेचे नवे वेळापत्रक लवकरच देण्यात येईल. अधिक माहितीसाठी विद्यार्थ्यांनी बोर्डच्या अधिकृत वेबसाईटला भेट द्यावी असं आवाहन करण्यात आलं आहे. 

सर्व विद्यार्थ्यांनी आणि पालकांनी या सूचनेची दखल घ्यावी, लवकरच नव्या तारखा जाहीर करण्यात येतील असं बोर्डने सांगितलं असलं तरी नेमकं कधी या तारखा जाहीर करण्यात येतील याची मात्र स्पष्टता देण्यात आली नाही. बोर्डने काही महत्वाचा निर्णय घेतला तर त्याची माहिती बोर्डच्या अधिकृत वेबसाईटवर जाहीर करण्यात येईल असं सांगण्यात आलं आहे. 

या आधी जाहीर केलेल्या नियमानुसार, पेपर्सचा कालावधी हा एक तासांचा असल्याचं सांगण्यात आलं होतं. काही पेपर्स हे दीड तासांच्या कालावधीचे असतील. पण आता याबाबतही निर्णय घेण्यात येणार असल्याची माहिती सूत्रांनी दिली असून सर्व पेपर्सचा कालावधी दीड तासांचा करण्यात येणार आहे. 

संबंधित बातम्या :