Pune Rikshaw News : रिक्षाचालकाचा प्रामाणिकपणा... 24 तासांतच तीन तोळं सोनं असलेली प्रवाशाची बॅग केली परत

पुणे जिल्ह्यातील रिक्षा (Pune news) चालकाने  तीन तोळे सोने आणि कपडे असलेली बॅग पोलिसांना दिली. त्यांनी केलेल्या या कामगिरीचं सर्वत्र कौतुक होत आहे. 

pune news

Pune Rikshaw News :  रिक्षाचालकांच्या (Pune Rikshaw News) अनेक बातम्या आपण वाचल्या आहेत. रिक्षाचलकाने कधी नकार दिला तर कधी प्रसंगावधान साधून मोठी कामगिरी केल्याच्या बातम्या कायम समोर येतात. मात्र पुणे जिल्ह्यातील रिक्षा (Pune news) चालकाने  तीन तोळे सोने आणि कपडे असलेली बॅग पोलिसांना परत केली आहे. रिक्षावाल्याच्या प्रामाणिकपणाचं सर्वत्र कौतुक होत आहे. 

नसरापूर (भोर) राजगड पोलिसांना चोवीस तासांत तीन तोळे सोनं आणि कपड्यांनी भरलेली एका प्रवाशाची बॅग विश्वासूपणे परत करणाऱ्या रिक्षाचालकाचा सहाय्यक पोलीस निरीक्षकांनी सत्कार केला. सुनील रघुनाथ बाठे (Raghunath Bathe) असे या रिक्षाचालकाचे नाव असून तो दिवाळे-कापूरहोळ येथील रहिवासी आहे. अनावधानाने रिक्षात राहून गेलेली प्रवाशाची पर्स रिक्षाचालकाने परत केली.

याबाबत पोलिसांनी दिलेली माहिती अशी की, नसरापूर येथील प्रमिला सचिन शेटे या गुरुवारी (13 एप्रिल) आपल्या मुलीसह दिवे (सासवड) येथील विवाहितेच्या घरी यात्रेसाठी गेल्या होत्या. तिने कापूरहोळला रिक्षा घेतली. त्यानंतर ते दुसऱ्या वाहनाने सासवडला गेले. त्यावेळी कापूरहोळ चौकात ती बॅग रिक्षात विसरल्याचे प्रमिलाच्या लक्षात आले. त्यानंतर तिने याबाबत माहिती दिली. त्यावेळी प्रमिलाचा पती सचिन शेटे आणि प्रमिला यांनी परिसरात रिक्षाचालकाचा शोध घेतला. मात्र तो सापडला नाही. त्यानंतर हताश दाम्पत्याने राजगड पोलीस ठाण्यात जाऊन सोन्याची बॅग हरवल्याची माहिती पोलिसांना दिली.

पोलीस उपनिरीक्षक संजय सुतानसे, सहायक पोलीस उपनिरीक्षक संजय धावरे, मयूर निंबाळकर, गणेश कुदळे, सचिन नरुटे यांनी प्रमिला शेटे यांनी सांगितलेल्या रिक्षाचालकाचा आणि रिक्षाचा शोध घेतला. त्यावेळी प्रमिला रिक्षाचालकाची ओळख पटवू शकते, असे पोलिसांकडून सांगण्यात आले. तपास करणाऱ्यांना कापूरहोळ येथील रिक्षा थांब्यावर पाठवण्यात आले. त्या ठिकाणी पोलिसांनी बाजारपेठ परिसरातील सीसीटीव्ही फुटेजची पाहणी केली. दरम्यान, रिक्षाचालक सुनील बाठे हे शिफ्ट झाल्यानंतर घरी गेले होते. दुसऱ्या दिवशी तो शिफ्ट सुरू करणार असताना त्याला एक बॅग सापडली.

नसरापूर येथील एका महिलेने प्रवासादरम्यान रिक्षात तीन तोळे सोने आणि कपडे असलेली बॅग सोडल्याचे लक्षात आल्यानंतर त्यांनी तत्काळ नसरापूर येथील राजगड पोलीस ठाण्यात जाऊन संबंधित महिलेला बॅग परत केली. त्यावेळी महिलेचे पती सचिन शेटे यांनी तत्काळ या प्रामाणिक रिक्षाचालकाचा पोलिसांसमोर बक्षीस देऊन सत्कार केला. प्रामाणिक रिक्षाचालकाचे पोलिसांकडून कौतुक करण्यात आले.