Ayush Komkar Case: कृष्णा आंदेकरचा जवळचा शुटर लागला पोलिसांच्या गळाला; आयुषच्या हत्येसाठी पुरवलेलं पिस्तुल, भाच्याच्या खूनात मामाचा हात?
Ayush Komkar Case: मुनाफ पठाण हा कुख्यात शूटर कृष्णा आंदेकरचा जवळचा सहकारी मानला जातो. वनराज आंदेकर यांच्या खुनाचा बदला घेण्यासाठी रचलेल्या कटामध्ये त्यानेही सहभाग घेतल्याचे पोलिस तपासात स्पष्ट झाले आहे.
पुणे : पुण्यातील नाना पेठ परिसरात गणेश विसर्जनाच्या पूर्वसंध्येला झालेल्या आयुष कोमकर (Aysuh Komkar Case) खून प्रकरणात फरार असलेला आरोपी मुनाफ पठाण अखेर पोलिसांच्या (Pune Police) ताब्यात आला आहे. गुन्हे शाखेच्या पथकाने त्याला अटक केली असून, आज न्यायालयात हजर करण्यात येणार आहे. तपासात उघड झाले आहे की, मुनाफ पठाणने आयुष कोमकरच्या हत्येसाठी वापरलेले पिस्तुल पुरवले होते. त्यामुळे या हत्याकांडात त्याचा थेट सहभाग असल्याचे निष्पन्न झाले आहे. त्यामुळे त्याच्यावरही गुन्हा दाखल करून आरोपी करण्यात आले आहे. मुनाफ पठाण हा कुख्यात शूटर कृष्णा आंदेकरचा जवळचा सहकारी मानला जातो. वनराज आंदेकर यांच्या खुनाचा बदला घेण्यासाठी रचलेल्या कटामध्ये त्यानेही सहभाग घेतल्याचे पोलिस तपासात स्पष्ट झाले आहे.(Ayush Komkar murder Case)
कृष्णा आंदेकर जवळचा शुटर
मिळालेल्या माहितीनुसार, आयुष कोमकर प्रकरणातील फरार आरोपी मुनाफ पठाण याला गुन्हे शाखेने अटक केली. मुनाफ पठाण याने पिस्टल पुरवले असल्याचं गुन्ह्यात निष्पन्न झालं आहे. आज त्याला कोर्टात हजर करणार आहेत. मर्डर प्रकरणात मुनाफ पठाणचा हात असल्याचं निष्पन्न झाल्याने त्यालाही आरोपी केला आहे. वनराज आंदेकरच्या खुनाचा बदला घेण्यासाठी जो कट रचला त्यामध्ये मुनाफ पठाण ही सहभागी होता. तो कृष्णा आंदेकर जवळचा शुटर आहे.
आयुष कोमकर खून प्रकरणातील आरोपी पुणे पोलिसांना हवा असलेला कृष्णा आंदेकर मंगळवारी (दि.१६) सकाळी समर्थ पोलिसांना शरण आला. त्यामुळे बंडू आंदेकर टोळीचे प्रमुख चेहरे असलेले सर्वच जण पोलिसांच्या ताब्यात आले आहेत. माजी नगरसेवक वनराज आंदेकर यांच्या खुनाचा बदला घेण्यासाठी आंदेकर टोळीने (दि.५) आयुष कोमकरचा खून केला होता. आयुषचा लहान भाऊ ए. डी. कॅम्प परिसरात खासगी क्लाससाठी गेला होता. त्याला घेण्यासाठी आयुष गेला होता. क्लासवरून आल्यानंतर घराच्या पार्किंगमध्ये गाडी पार्क करत असताना आयुषवर गोळ्या झाडून त्याचा खून करण्यात आला होता.
याप्रकरणात आतापर्यंत पोलिसांनी सूर्यकांत ऊर्फ बंडू आंदेकर (वय ७०), शिवम ऊर्फ शुभम उदयकांत आंदेकर, अभिषेक उदयकांत आंदेकर (२१), शिवराज उदयकांत आंदेकर (२९) आणि लक्ष्मी उदयकांत आंदेकर (६०, सर्व रा. नानापेठ), तुषार नीलंजय वाडेकर (२७), स्वराज नीलंजय वाडेकर (२३), वृंदावनी नीलंजय वाडेकर (४०), अमन युसूफ पठाण (२५, सर्व रा. नाना पेठ), सुजल राहुलू मेरगु (२०, भवानी पेठ), यश सिद्धेश्वर पाटील (१९) आणि अमित प्रकाश पाटोळे (१९, दोघेही रा. नाना पेठ) अशा बारा जणांना अटक केली होती तर कृष्णा ऊर्फ कृष्णराज सूर्यकांत आंदेकर (४०) हा घटनेनंतर ११ दिवस फरार होता. तो मंगळवारी (दि.१६) सकाळी समर्थ पोलिसांना शरण आला. या तपासात आता मुनाफ पठाणला अटक करण्यात आली आहे.या गुन्ह्याचा पुढील तपासासाठी समर्थ पोलिसांनी त्याला गुन्हे शाखेकडे वर्ग केलेला आहे. दरम्यान, कृष्णा आंदेकर शरण आल्याने आयुष कोमकर खूनप्रकरणी सर्व आंदेकर टोळीच जेरबंद झाली आहे.
कृष्णा आंदेकर घाबरूनच शरण आल्याची चर्चा
कृष्णा आंदेकरचा वडील बंडू आंदेकर टोळीच्या १२ जणांना न्यायालयात हजर केल्यानंतर बंडू आंदेकर याने कृष्णा आंदेकर याची माहिती दे, नाहीतर त्याला थेट गोळ्या झाडू, अशी धमकी पोलिसांनी दिल्याचे न्यायालयात सांगितले. मात्र, तपास अधिकाऱ्यांनी आरोपीने केलेले सर्व आरोप न्यायालयासमोर फेटाळले होते. मात्र, गोळ्या झाडू ही खबर कृष्णा आंदेकर याला लागल्याने तो घाबरून समर्थ पोलिसांसमोर हजर झाल्याची चर्चा आहे.
महत्त्वाच्या बातम्या
