Ajit Pawar : अण्णाला रात्री 2 वाजता गुपचूप तिकीट दिलं, दादांनी कौतुक करता करता गुपितच फोडलं, म्हणाले, माझं ऐकेल त्याचा फायदाच होतो!
Anna Bansode: राष्ट्रवादी काँग्रेसचे आमदार अण्णा बनसोडे यांची विधानसभा उपाध्यक्षपदी वर्णी लागली आहे. त्यांची बिनविरोध निवड झाली आहे. त्यानंतर अजित पवारांनी केलं कौतुक.
पुणे: राष्ट्रवादी काँग्रेस पक्षाचे आमदार अण्णा बनसोडे (Anna Bansode) विधानसभेचे उपाध्यक्ष म्हणून बिनविरोध निवड झाली आहे. विधानसभा उपाध्यक्ष पदासाठी केवळ महायुतीच्यावतीने बनसोडे यांनी अर्ज आला होता. अर्ज पडताळणीत त्यांचा अर्ज वैध ठरला आहे. अण्णा बनसोडे (Anna Bansode) यांची विधानसभा उपाध्यक्ष पदी निवड करण्याचा प्रस्ताव मुख्यमंत्री देवेंद्र फडणवीस यांनी मांडला. त्याला उपमुख्यमंत्री एकनाथ शिंदे यांनी अनुमोदन दिले आहे. विधानसभा उपाध्यक्ष पदासाठी तीन नावे चर्चेत होती. मात्र, उपमुख्यमंत्री अजित पवार (Ajit Pawar) यांचे कट्टर समर्थक आणि राष्ट्रवादी काँग्रेसचे आमदार अण्णा बनसोडे (Anna Bansode) यांची विधानसभा उपाध्यक्षपदी वर्णी लागली आहे. त्यांची बिनविरोध निवड झाली आहे. त्यांच्या निवडीनंतर उपमुख्यमंत्री अजित पवारांनी सभागृहामध्ये बोलताना अण्णा बनसोडे (Anna Bansode) यांचं कौतुक केलं आहे.
प्रत्येक घरावर आण्णा बनसोडेंच्या नावाचे स्टिकर
अजित पवार सभागृहात बोलताना म्हणाले, पिंपरीमध्ये आमदार अण्णा बनसोडे (Anna Bansode) यांच्या मतदारसंघात गेलो तर प्रत्येक घरावर आण्णा बनसोडे (Anna Bansode) यांच्या नावाचे स्टिकर आहे. याआधी नरहरी झिरवळ उपाध्यक्ष होते, त्यांनी रोजगार हमीवर काम केलेले आहे. संविधानाची ही ताकद आहे. अण्णा बनसोडे (Anna Bansode) यांना कोणतीही राजकीय पार्श्वभूमी नाही. अण्णा यांची टपरी होती, आता त्या टपरीच रुपांतर त्यांनी जनसंपर्क कार्यालय सुरु केलं आहे. मला याचा आनंद आहे. पिंपरी चिंचवडमध्ये काम केलं त्यांनी ही मला भरभरुन दिलं. मात्र, पिंपरी चिंचवडला कॅबिनेट मंत्री पद मिळालं नाही. भविष्यात ते देण्याचा प्रयत्न केला जाईल अशी ग्वाही देखील अजित पवारांनी दिली आहे.
मी रात्री 2 वाजता गुपचुप जाऊन...
पुढे बोलताना अजित पवार म्हणाले, 2019 ला अण्णा बनसोडे यांना पक्षाने तिकीट नाकारले होते. मात्र, मी रात्री 2 वाजता गुपचुप जाऊन अण्णा बनसोडे (Anna Bansode) यांना एबी फाॅर्म दिला आहे. जयंत पाटील प्रदेशाध्यक्ष होते. त्यांना सांगितलं तर ते म्हणाले, तुम्हाला काय करायचं ते करा पण माझं नाव सांगू नका. अण्णा 17 हजार मतांनी निवडून आले. आज उपाध्यक्ष झाले. माझं ऐकलं तर राजकारणात फायदा होतो. विश्वजीत कदम आणि अमित देशमुख ऐकलं का? माझं ऐकलं तर फायदा होतो, अण्णा पण आता सभागृहात जबाबदारी असते. सभागृह सुरु होण्याच्या आधी यावा लागतं आणि संपायचा काही काळ थांबायचं असतं अशी माहिती देखील अजित पवार यांनी दिली आहे.
कोण आहेत अण्णा बनसोडे?
अण्णा बनसोडे (Anna Bansode) हे राष्ट्रवादी काँग्रेस पक्षाचे आमदार आहेत. ते उपमुख्यमंत्री अजित पवार यांचे कट्टर समर्थक म्हणून ओळखले जातात. ते पुणे जिल्ह्यातील पिंपरी विधानसभा मतदारसंघातून आमदारपदी निवडून आले आहेत. 2009 मध्ये पहिल्यांदा आमदारपदी विराजमान झाले होते. त्यानंतर 2019 आणि 2014 असे सलग दोनवेळा आमदारकी मिळवली. राष्ट्रवादीत पडलेल्या फुटीनंतर ते अजित पवार यांच्यासोबत राहिले, आणि 2024 च्या विधानसभा निवडणुकीत पुन्हा त्यांनी बाजी मारली. दादांच्या बालेकिल्ल्याचे पिंपरीचे शिलेदार म्हणून अण्णा बनसोडे (Anna Bansode) यांची ओळख आहे.
आण्णा बनसोडे यांचा प्रवास
- जन्म - 4 मे 1968
- शिक्षण - hsc, iti
- पक्ष - राष्ट्रवादी काँग्रेस (अजित पवार)
- मतदार संघ - 206 पिंपरी (अनुसूचित जाती, राखीव)
- राजकीय कारकिर्द - 1997 आणि 2002 सलग दोन वेळा नगरसेवक
- दरम्यान स्थायी समिती अध्यक्ष पद ही भूषवलं
- 2009 ला पहिल्यांदा आमदार म्हणून निवड
- 2014 ला पराभव
- पुन्हा 2019 आणि 2014 सलग दोन वेळा आमदार म्हणून विजयी झाले.
- आमदारकीची तिसरी टर्म
- अजित पवार यांच्या प्रत्येक बंडात पाठिंबा दिला, त्यांची निष्ठावान म्हणून ओळख आहे.
महत्त्वाच्या बातम्या
